Skip to main content
bannerra

Sindikatuak

LAB, lehen indarra Nafarroako administrazioko hauteskunde sindikaletan

2019-05-24
Nafarroako administrazioan egindako hauteskunde sindikaletan lehen indarra izatea lortu ostean, LAB-ek “eraldaketa sozial sakonagoa” eskuratzeko “urrats berri bat” emateko garaia dela aldarrikatu du. Zentral abertzalearen ustez, “patronalak, UGT-k eta CCOO-k dituzten pribilegioekin amaitzeko” unea da baita.
Bizkaiko zaharren egoitzetako langileek zerbitzuaren pribatizazioa eta lan baldintza txarrak salatu dituzte

2019-05-21
Hirugarren adineko egoitzetako langileek elkarretaratzea egin dute Bizkaiko Foru Aldundiaren egoitzaren atarian zerbitzuaren pribatizazioa eta lan baldintza txarrak salatzeko. Erresidentzietan dagoen "pertsonal falta" eta kontratuen kalitate "eskasa" salatu du LABek. Jardunaldi partzialen eta behin-behinekotasun tasa altuak salatu dituzte. Bestalde, egoitzen %80aren kudeaketa pribatua duenez, sindikatuarentzat eskubide bat izan beharko litzatekeena, enpresa batzuen negozioa bilakatu dela adierazi dute.
LAB sindikatuak LGTB+Q pertsonen aldeko neurriak eskatu dizkio Nafarroako patronalari

2019-05-17
LAB sindikatuak LGTBI+Q kolektiboko pertsonen lan eremuko normalizaziorako agiria erregistratu du CEN, Nafarroako Enpresarien Egoitzan. Sindikatuak ahaleginak eskatu dizkio patronalari genero eta sexu identitate eta orientazio aniztasuna enpresetan muga izan ez dadin eta LGTBI+Q kolektiboko kideen eskubide berdintasuna bermatzeko.
Bost greba egun deitu dituzte sindikatuek Bizkaiko metalgintzan, hitzarmen duin baten defentsan

2019-05-17
Izan ere, sindikatuek salatu dutenez, negoziazio-mahaian ez da inolako aurrerapausorik eman, eta lan-hitzarmena 2011tik dago eguneratu gabe. Horrela, maiatzaren 23an eta ekainaren 6, 7, 20 eta 21ean izango dira lanuzteak. Hitzarmen propioa duten enpresetako beharginei ere greba egitea eskatu diete, etorkizuna bermatu eta hobekuntzak lortzeko. Bizkaiko Metalaren negoziazio mahaian 15 hilabetez bilerak egin ondoren, inolako aurrerapausorik gabe jarraitzen dute langileek. Ia %90eko behin behinekotasuna dago kontratuetan eta %20ko soldata arrakala. Gaurko bileraren ondoren adierazi dute patronala eroso eta harrotuta dagoela, eta prest dagoela enplegua suntsitzeko.
Sindikatuak mobilizazioei ekiteko prest, Adegik jarrera aldatu ezean

2019-05-13
ADEGI Gipuzkoako papergintzako hitzarmenaren negoziaketa blokeatzen ari dela salatu dute LAB, ELA eta CCOO sindiaktuek. Elkarretaratzea egin dute gaur Donostian, Gipuzkoako Lan Harremanen Kontseiluaren egoitzaren atarian. Sindikatuen esanetan, orain arte patronalaren aldetik jaso duten bakarra ahoz egindako proposamen bat izan da. Edukietan sartu agabe, enprsariek egindako eskaintza oso murritza dela salatu dute, eta ez diela, inondik ere, langileen eskakizunei erantzuten.
Sindikatuek presoen eskubideak errespetatzeko eta espetxe-politika aldatzeko eskatu dute

2019-05-17
Hilabeteko hirugarren ostiralero bezala elkartu dira sindikatuak Bilbon “Konponbide garaia da: Orain presoak” lemapean, Espainiako gobernu ordezkaritzaren aurrean. Lehenik eta behin preso gaixoen afera dela eta gobernuei eskatu diete Estatu Espainiarreko eta nazioarteko legedia errespeta dezaten. Gaitz larriak edo sendaezinak dituzten presoak hirugarren graduan sailkatzeko edo espetxetik ateratzeko, duintasun pertsonal eta gizatasun arrazoiak direla eta. Horren ondorengo beste bi pausuak azaldu ditu CNTko ordezkariak. Bereziki salatu nahi izan dute sindikatuek Txus Martín preso gaixoaren egoera eta berak zein senideek bizi duten tratu gizagabea. Azkenik gizarteari eta norbanakoei dei egin die, bakoitzak bere eremuan eragin dezan eskatuz.
 
bannerra

bannerra