Skip to main content

musika

"Musikariak ikastetxeetan" programaren II. edizioa aurkeztu dute

2019-07-02
Hurrengo ikasturtean MUSIKARIAK IKASTETXEETAN programaren bigarren edizio bat ipiniko da martxan. Eta kasu honetan 191 saio eskainiko dira ala eskatzen duten ikastetxe guztien artean.
Elkanoren mundu-bira musikara ekarria

2019-06-24
Euskal Barrokensemble musika taldeak Elkano eta euskal nabigazioa ardatz dituen CD-liburu bikoitza aurkeztu du Donostiako Euskal itsas museoan. Marinel getariarrak munduari emandako lehen birari buruzko proiektu hau bi urteko ikerketa lanaren emaitza dela adierazi du Bingen Zupiria Eusko Jaurlaritzako Kultura sailburuak. Sorkuntza-lan honen bidez, Elkanoren bidaia eta garai hartan munduko hainbat txokotan egiten zen musika uztartu eta gaur egungo entzuleari helarazi nahi izan zaizkiola adierazi du sailburuak.
Hiri guztira zabalduko da Bilbo BBK Live jaialdiaren 14. edizioa

2019-06-18
Last Tour-ek aurtengo Bilbao BBK Live jaialdia aurkeztu du Bilboko Udaletxean. Uztailaren 11tik 13ra bitartean 100 talde baino gehiago arituko dira Kobetamendin zein Bilbon zehar kokaturiko lau eszenatokitan. Horietatik zortzi baino ez dira Euskal Herrikoak eta seik egiten dute euskaraz euren kantetan.
Nazioarteko 12 banda, Amorebieta-Etxanoko 'Haizetara' jaialdian

2019-06-14
Beste urte batez, "Haizetara" jaialdiak nazioarteko fanfarreak, bandak eta kaleko musikariak bilduko ditu Amorebieta-Etxanon. XIV. edizioa izango den honetan, bederatzi bandek hartuko dute parte, 10.000 euroko saria duen lehiaketan. Instrumentista onenari 1.000 euroko saria emango zaio ,eta, Amorebieta-Etxanora gerturatzen den publikoak, beraien bozkekin, 4.000 euroko saria banatuko du. Benin, Erresuma Batua, Katalunia, Euskal Herria edo Espainiatik etorriko dira bandak, estilo eta nortasun ezberdinekoak. Asteburua biribiltzeko ekintza osagarriak ere egongo dira: jam sessionak, swing dantzak, musika tailerra, "Katxarrismos" erakusketa etb. Gainera antolakuntzak tabernak, sagardotegia eta garagardotegia jarri ditu gerturatzen direnek tartetxo bat hartu dezten kontzertuen artean.
Euskal musikak 32 ordezkari izango ditu aurten Donostiako Heineken Jazzaldiaren 54.edizioak

2019-05-30
Donostiako Heineken Jazzaldiaren 54.edizioaren agerraldian , Euskal musikak 32 ordezkari izango dituela adierazi dute antolatzaileek. Jaialdia uztailaren 24tik 28ra izango da. Zehazki, urtarriletik apirilera bitarteko hautatze prozesutik datozen hamar taldek joko dute, beste bost 2018an diskoa argitaratu zutelako programatu dira, lau Katapulta Tour Gipuzkoa 2019ri dagozkionak (hauek Ainhoa Larrañaga, Sara Zozaya, RO eta Anai dira), hiru gehiago Musikenek proposatutakoak eta lau antolakuntzak zuzenean aukeratuak: Paul San Martin, Nogen, Jaime Stinus eta Easo Abesbatza. Horiei guztiei, Nauticool agertokian jardungo duten sei euskal DJak gehituko zaizkie. Hautatze prozesutik azken helmugara iritsi dira Reunion Big Band, Hot Potato Blues Band, Xahu, Organazing, Amaika Rude Sound: The Ska and the Abstract Truth, Fredi Pelaez Trio, Nacho Soto: Experiment 64, No-Land Trio, Ekhilore Quintet eta Juan Jose Cabillas with Strings. Gainera, 2018an diskoa argitaratu zuten Jon Urrutia Trio, Lurpekariak, Javier López Jaso-Marcelo Escrich Quartet, Broken Brothers Brass Band eta Elkano Browning Cream taldeek ere joko dute. Azkenik, Musikenek proposatuta, The Funk&Risketiers, Xvr Estevez Sextet eta Nasim Quartet Heineken Jazzaldian ariko dira. 54. Heineken Jazzaldirako sarrerak Heineken Jazzaldiaren eta Donostia Kulturaren web orrietan eros daitezke.
 
bannerra

bannerra