Skip to main content

musika

Etxeko egonaldiak girotzeko musika emanaldiak egin dituzte hainbar artistek

2020-03-16
Hurrengo hamabost egunetako kontzertu guztiak bertan behera geratu ondoren, Euskal Herriko, espainiako Estatuko eta beste hainbat herrietako musikariek etxean jotzeari ekin diote, inprobisatutako kontzertu ugari eskainiz asteburuan zehar. Zea Maysekoak izan dira aurrenetarikoak, martxoaren 15ean Instagram bidez eskainitakoarekin, baina beste askok antzeko emanaldiak egingo dituztela iragarri dute dagoeneko.
Iparragirre gogora ekarriz abiatu da Loraldiaren seigarren edizioa

2020-03-12
“Iparragirre. Bihotzeko Joxe Mari” ikuskizunak eman dio hasiera aurtengoari. Bertan, omenaldirik egin gabe, Imanol Arregi zuzendari artistikoak azaldu bezala, Iparragirren bardoaren kantuak gogora ekarri zituzten musika eta antzerkia uztartzen dituen emanaldiaren bitartez, bere jaiotzatik 200 urtera.
Musikaren bidebazterrak jorratzen ditu Gertrude Noise Meeting jaialdiak

2020-03-05
Soinu eta zarata industrialak inguru natural batean. Hori da Gertrude Noise Meeting jaialdiak eskaintzen duena Orozkoko Artiñano etxean. XVII. mendeko jauregian XXI.-eneko musikarik esperimentalena. Aurtengoa formatu txikiko festibal honen hirugarren edizioa izan da dagoeneko. Giro lasai eta lagunartekoa sortzea dute helburu antolatzaileek.
Zubietako Hipodromoan ere kontzertua eskainiko du La Polla Records taldeak

2020-02-18
Irailaren 26an Zubietako Hipodromoan joko du punk talde mitikoak, 'Ni descanso, ni paz' biraren baitan. Latinoamerikan abrrena egindako biratik itzuli ebrritan iragarri du kontzertua Last Tour produktorak. Kontzertuan goonbidatu gisa jardungo dute El Drogas, Su Ta Gar, Lehendakaris Muertos eta Liher taldeek ere.
Gatibuk Bilbao Arenan ospatuko du bere 20. urteurrena

2020-02-14
Kontzertu erraldoi batekin ospatuko du Gatibu talde gernikarrak bere 20. urtemuga. Bilboko Miribilla pabilioian izango dira martxoaren 28an eta, horrekin batera bira eta bideoklip berria ere aurkeztu dute data oroitzeko, “bixotzetik” da biraren eta bideokliparen izena.
"Musika-Música 2020" jaialdiak Paris izango du ardatz

2020-02-12
Paris ardatz, matxoaren 5etik 8ra bitarte “Musika-Música 2020” ospatuko da Bilboko Euskalduna Jauregian. Arriaga, Chopin, Offenbach edo Stravinsky-ren doinuek, 30 eta 35.000 ikusentzule inguru bilduko dituzte., nazioarteko 800 artista profesionalen eta kontserbatorioetako 500 ikasleen lanari esker, orotara 88 ekitaldi eskeiniko dituzte. Egitaraua, anitza eta publiko guztientzako izango da. Musikarekin batera, hitzaldiak, zinema, ipuinak eta umeentzako lantegiak ere eskainiko dira. Dohako gune bat ere egongo da. Sarrerak otsailaren 18tik martxoaren 5era egongo dira eskuragarri, musika.musica-ren bulegoetan, Euskalduna jauregian eta Kutxabanken kutxazainetan. Prezioak 5 eurotik 12 eurora bitartekoak izango dira.
 
bannerra