Skip to main content

Beñat Zarrabeitia

Euskaldunen arteko final historikoa eta Gu Ere Bai ekimenaren aurkezpena

2020-03-09
Athletic-ek eta Realak apirilaren 18an Sevillako La Cartuja futbol zelaian jokatzekoa den Errege Kopako finalerako txartela eskuratu dute. Hitzordu historikoa izango da eta lehoiek zein txuri-urdinek tituluarengatik borrokatuko dute. Bitartean, asteburuko emaitzei dagokionean, bizkaitarrek garaipen garrantzitsua eskuratu zuten Valladoliden, Realak VAR-ak hartutako erabaki eztabaidagarri baten ondorioz galdu zuen, Osasunak ezinbesteko hiru puntu lortu zituen, Alavesek bere bolada onarekin jarraitzen du eta Eibarrek kolpe gogorra jaso zuen Mallorcaren aurka etxean. Horrekin batera, Alessandro Ruta eta Aritza Eskandonekin batera, euskal kirol selekzioen ofizialtasunaren aldeko Gu Ere Bai ekimenaren aurkezpena izan dugu hizpide.
Athletic eta Reala, aste erabakigarrian murgilduta, finalaren atarian

2020-03-02
Zuri-gorriek eta txuri-urdinek garaipen garrantzitsuak eskuratu dituzte asteburu honetan, Vila-Real eta Valladolid mendean hartu ostean. Hortaz gain, Eibarrek eta Alavesek salbaziorako borrokan puntu inportanteak lortu dituzte. Porrot bakarra, Osasunak jasotakoa izan da. Guzti honen inguruan aritu gara Asier Laraudogoitia eta Alessandro Rutarekin batera.
Azken segunduan, Alavesek eraman du Mendizorrotzako derbia; Futbola eta elkarbizitza, Haritz Aranbururekin

2020-02-24
Rodigo Elyk azken segundoan sartutako golari esker, Alavesek Athletic-en aurkako derbia irabazi du. Emaitza honek, zuri-gorrien krisia areagotu du. Bestalde, Realak garaipen bikaina lortu zuen Valentziaren aurka eta Eibarrek zein Osasunak porrot mingarriak pairatu dituzte. Elkarrizketaren tartean, Haritz Aranbururekin, futbola, baloreak, elkarbizitza eta etorkizuna izan ditugu hizpide.
Osasunak eraman du San Mameseko derbia, Athletic-ek Lezamakoa

2020-02-17
Alessandro Ruta eta Asier Laraudogoitiarekin batera, kirol asteburuak emandako guztia errepasatu dugu. Besteak beste, San Mameseko derbian Jagoba Arrasateren mutilek lortutako garaipena edo Lezaman Athletic-ek Realaren aurkako partida iraultzea.
Superkopa eta derbiak igarota, Kopara begira

2020-02-10
Alexander Isak suediarrak Reala eta Athletic-en arteko derbia desorekatu zuen. Mendizorrotzan, Lucas Perezek eta Oliver Burke eskoziarrak lortutako golek hiru puntu garrantzitsu eman zizkioten Alavesi. Bestalde, Salamancan lehiatutako Superkopan, Realak kolpe gogorra (1-10) pairatu zuen Bartzelonan. Aste honetan, futbolean zein saskibaloian, arreta guztian Kopan jarrita egongo da.
Marakana Txikia Legends: Athletic eta Gabarra, herria elkartu zuten garaipenak

2019-12-23
Ezustean eta 27 urtetako sikateari amaiera emanez, Athletic-ek Liga irabazi zuen 1983ko maiatzean Kanariar Uharteetan. Hurrengo urtean, Javier Clementek zuzentzen zuen taldeak, balentria bikoiztu zuen Liga eta Kopa irabaziz. Garaipen horien adierazlerik sinbolikoena gabarran egindako ospakizuna izan zen. Euskal jendarteak garai latzak bizi zituen 80ko hamarkadaren hasieran eta testuinguru sozial ilun horren baitan heldu ziren Athletic-en garaipen historiko horiek. Marakana Txikia Legends saio berezi honen lehen atalean, Juan Carlos Latxaga kazetariarekin batera, talde horren inguruko ardatzak aztertu ditugu.