Skip to main content

sindikatuak

Sindikatuek bat egin dute Gure Esku Dago ekimenarekin

2014-05-21

123 kilometro daude Durango eta Iruña artean, horregatik gaur goizean 123 enpresetako komiteetako ordezkariek agerraldia egin dute Gure Esku Dago ekimenarekin bat egiteko. ELA, LAB, ESK, EILAS, HIRUeta EHNE sindikatuetako ordezkariek bat egin dute ekainare 8an egin behar den giza katearekin.

Aldaketa politikoa behartzeko helburuarekin jardungo du LABek

2014-01-23

LAB sindikatuak urteroko delegatuen batzar nazionala burutu gaur Donostiako Atano III pilotalekuan. 2014rako erronka eta iniziatibak eztabaidatu dituzte batzarrean. Mugarri berriak jartzeko lan egiteko beharra azpimarratu du Ainhoa Etxaide idazkari nagusiak. Egoera ekonomiko eta sozialean aldaketak ekarriko dituen erabakiak behartzeko jardungo dutela adierazi du.

Lan arloko borrokak biderkatu egin dira LABen ekintza sindikaleko txostenaren arabera

2019-07-08
Ikasturte honetako ekintza sindikalen balorazioa egin du LAB sindikatuak. Lan arloko borrokak areagotu egin dira greba presentzia nabarmenarekin, txostenak jaso duenez. Lan Harremanen Kontseiluaren datuen arabera, EAEn 2018an grebak %11 igo ziren eta 2019ko lehen hiru hilabeteetan %19.
Tubacex enpresako langilearen heriotza salatu dute Laudion

2019-07-05
Tubacex enpresan atzo izandako heriotza salatu dute goizean Laudion . Enpresako lan batzordeak deituta, lantegiaren aurrean egin dute elkarretaratzea eta manifestazioa egin dute ondoren herriko plazaraino. Langileek salatu dute prekarietatearen ondorioz hil dela gaztea, eta enpresako zuzendaritzari egotzi diote heriotzaren erantzukizuna. 25 urteko gaztea praktiketan ari zela hil zen Tubacex fabrikan. Ikasketa duala egiten ari zen, hau da, aldi berean uztartzen ari zen lana eta lanbide heziketa. Iturri sindikalaren arabera, bi urte zaraman enpresan mantentze lanetan eta lanean ari zela makina baten pieza bat erori zitzaion gainera. ELAk gogoratu du aurten dagoeneko 26 pertsona hil direla lanean Hego Euskal Herrian, horietatik hiru Araban. Bestalde, LABek salatu du beharginak ezin zuela bakarrik jardun ez zuelako behar beste esperientziarik postu horretan bakarrik lan egiteko, horregatik sindikatuak neurri eraginkorragoak eskatu ditu. Horrez gain, Ernaik ohar bidez salatu du prekarietatearen ondorioz heriotzek ez dutela etenik eskualdean. Gogora ekarri dute iaz Orozkon bi langile hil zirela eta beste behargin bat duela bi urte. Azpimarratu dute Tubacex enpresan 10 urtean lau langile hil direla dagoeneko.
Greban jarraitzen dute Gipuzkoako papergintza eta grafikagintza sektoreko langileek

2019-07-04
Gipuzkoako papergintzaren kasuan ekoizpena erabat geldirik egon zen atzoko greba egunean eta gaurkoa ere hala izatea espero da. Grafikagintzan ere, azken greba egunetako jarraipena «oso altua» izan dela adierazi dute, eta atzo egun guztian lantegiak guztiz itxia izan zituzten hamahiru enpresa baino gehiagok.
Loiuko aireportuko langileek 18 greba egun aurreikusi dituzte "lan karga jasanezinagatik"

2019-07-01
Loiuko aireportuko langileen grebak %100eko jarraipena izan du lehen egunean. Lan kargaren gorakada salatzeko uda honetan 18 greba egun deitu dituzte. AENAko iturrien arabera 26 hegaldi geldituko dira bertan behera gaurko egunean zehar. Patronala den AENA enpresak egindako ikerketaren arabera 36 langile falta dira dagoen lan kargari aurre egiteko. Langileek esan dute Sustapen Ministeritzaren gutxieneko zerbitzuen inguruko ebazpenak babestuta ez zeuden bi hegaldi baimendu dituela. Hau salatuko dute.
 
bannerra

bannerra