Skip to main content

greba

Lan arloko borrokak biderkatu egin dira LABen ekintza sindikaleko txostenaren arabera

2019-07-08
Ikasturte honetako ekintza sindikalen balorazioa egin du LAB sindikatuak. Lan arloko borrokak areagotu egin dira greba presentzia nabarmenarekin, txostenak jaso duenez. Lan Harremanen Kontseiluaren datuen arabera, EAEn 2018an grebak %11 igo ziren eta 2019ko lehen hiru hilabeteetan %19.
Greban jarraitzen dute Gipuzkoako papergintza eta grafikagintza sektoreko langileek

2019-07-04
Gipuzkoako papergintzaren kasuan ekoizpena erabat geldirik egon zen atzoko greba egunean eta gaurkoa ere hala izatea espero da. Grafikagintzan ere, azken greba egunetako jarraipena «oso altua» izan dela adierazi dute, eta atzo egun guztian lantegiak guztiz itxia izan zituzten hamahiru enpresa baino gehiagok.
Greba eguna izan dute gaur Gipuzkoako papergintza eta grafikagintza sektoreetan

2019-07-03
Tolosan egindako manifestazioan sindikatuek azaldu dutenez, grebaren jarrapena %80 ingurukoa izan da gaur. Ehunka langilek bat egin dute manifestazioarekin, eta langileek salatu dutenez, patronala izan zen grebei ekin aurretik egindako azken bilerak negoziazio mahaitik alde egni zuena. Orduz gerozti, ez du berriz negoziatzeko borondaterik erakutsi, salatu dutenez.
Loiuko aireportuko langileek 18 greba egun aurreikusi dituzte "lan karga jasanezinagatik"

2019-07-01
Loiuko aireportuko langileen grebak %100eko jarraipena izan du lehen egunean. Lan kargaren gorakada salatzeko uda honetan 18 greba egun deitu dituzte. AENAko iturrien arabera 26 hegaldi geldituko dira bertan behera gaurko egunean zehar. Patronala den AENA enpresak egindako ikerketaren arabera 36 langile falta dira dagoen lan kargari aurre egiteko. Langileek esan dute Sustapen Ministeritzaren gutxieneko zerbitzuen inguruko ebazpenak babestuta ez zeuden bi hegaldi baimendu dituela. Hau salatuko dute.
Enpresarekin akordioa lortu dute Gipuzkoako Epaitegi eta Komisaldegietako garbitzaileek

2019-06-26
Kale garbitzaileekiko soldata arrakala %70ean murrizteko prest azaldu da, azkenean, enpresa, bederatzi hilabete greban eta mobilizatzen eman ondoren. Bart gauean lortu zuten azkenean akordioa
Gipuzkoako papergintza eta grafikagintzako greba jarraipen zabala izaten ari da

2019-06-26
Gaur, Gipuzkoako industria alorreko bi sektoreek, Grafikagintzak eta Paperak, egun osoko greba burutu dute beren hitzarmen kolektiboen defentsan eta benetako negoziazioa aldarrikatzeko. Langileek kontzentrazioa egin dute ADEGIren egoitzaren aurrean. Papergintzaren kasuan, gaurkoa hirugarren greba eguna izan da eta aurreko bi greba egunetan bezala %90ko jarraipena izan du, ekoizpena geldiaraziz. Grafikagintzako sektorean gaurkoa lehenengo greba eguna izan da, eta grebak arrakasta handia lortu du, %80ko jarraipena izan baitu. Bihar, bi sektoreek beste greba egun bat burutuko dute. 12:00etan, manifestazioa egingo dute Tolosako triangulo plazatik.
 
bannerra

bannerra