Skip to main content
bannerra

Langileak

Langile baten kaleratzea ontzat eman du Auzitegi Konstituzionalak, hutsegiteak justifikatuta eduki arren

2019-10-30
Gauzak horrela, aurrerantzean zilegi izango da 2 hilabetetan tarteka 9 egunez lanera kale egiteagatik langile bat kaleratzea. Aipatu behar da, artikulu hau alderdi popularraren lan erreforman datorrela. Beraz, nahiz eta baja hartzeko eskubidea eduki, enpresak langilea botatzeko eskubidea izango du ere. Minbizia kanpoan geratzen dira.
Bizkaiko etxez etxeko laguntzaren sektoreko langileek greba iragarri dute azaroaren 5 eta 28rako

2019-10-29
Bizkaiko etxez etxeko laguntza sektoreko langileek greba eta mobilizazioak iragarri dituzte, lan baldintzak salatu eta hobekuntzak eskatzeko. Greba azaroaren 5 eta 28an egingo dutela azaldu dute, eta lanuzte partzialak azaroaren 4 eta 27an, goizeko 7etatik, 11etara. Mobilizazioa ere deitu dute, Bilbon, azaroaren 23rako. Lan baldintzen egoera kaxkarra udalei egotzi egiten diete, etxez etxeko laguntza titulartasuna publikoa izanda, eta udalerrien erantzukizuna izanik, kudeaketa pribatizatu dutela azalduz, lehiaketa publikoaren bidez kutsu soziala ez duten enpresa pribatuen eskuetan utzi baitute.
Bizkaiko metalgintzako langileek Eusko Jaurlaritzak Bilbon duen egoitzara eraman dituzte euren protestak

2019-10-02
Bizkaiko Metalgintzako langileek 16 urte daramatzate hitzarmena sinatu gabe. Historikoki metalak garrantzi handia izan du Bizkaiko industrian eta langileek hala jarraitu dezan nahi dute. Greba deitu duten ELA, CCOO, LAB eta UGT sindikatuek, Eusko Jaurlaritzak egun hauetan izan duen jarrera salatu dute. Iñigo Urkullu lehendakariak patronalaren alde egindako adierazpenak kritikatu dituzte. Hitz hauek sortutako zalapartaren ildotik, Josu Erkoreka Jaurlaritzako bozeramaileak ziurtatu du Urkulluk ez duela “sakoneko posizio bat ezarri”. Egun hauetako greben ondorioz, enpresa batzuetako buruek kaleratzearekin mehatxatu dituzte langileak. Honen aurrean borrokan jarraitzeko beharra azpimarratu dute beharginek.
Bizkaiko metalgintzako langileen %85a batu da lehen greba egunera, sindikatuen arabera

2019-09-30
Sindikatuek deitu dute lanuztea, patronalak "negoziatzeko inolako borondaterik ez" duela salatzeko. Gaurtik ostiralera bitartean, 50.000 langile daude grebara deituta, lan hitzarmen "duin" bat lortzeko. Joan den astean bi bilera egin zituzten sindikatuek eta patronalak egungo egoera saihesteko. Sindikatuek aitortu zuten Metaleko Lantegien Bizkaiko Federakuntzak proposamena hobetu arren, euren eskaeretatik urrun dagoela. Salatu zuten lan baldintzek baino gehiago, grebak kezkatzen zuela. Grebaren ondorioz, hainbat enpresa itxi egin dituzte Durangaldean, Ezkerraldean eta Meatzaldean. Zenbait errepide itxi dituzte Elorrion, Iurretan eta Durangon.
GAKOAK | 2019-09-23

2019-09-23
Gaurko Gakoak saioan, Herrialde Katalanetara joko dugu. Bertan, Guardia Zibilak 9 pertsona atxilotu dituzte terrorismoa goratzea leporatuta.
BBK Live jaialdia antolatzen duen Last Tour promotorak salaketa jartzeko mehatxua egin dio Eragin plataformari

2019-07-09
BBK Live jaialdian langileek pairatzen dituzten baldintza txarrak salatu nahi izan ditu Eragin plataformak. Horretarako, kartel bat igorri dute sare sozialetan, langile ohien testigantzak jaso eta baldintza horiekin amaitzen saiatzeko. Publikazioak ohiartzun handia izan du, arik eta Last Tourrek, jaialdia antolatzen duen enpresak, salaketa mehatzua egin dion plataformari, bere iruditeria erabili eta bere izen ona zikintzeagatik. Mikel Ruiz Eragineko kidean azaldu digu gatazka sakoneko elkarrizketan.
 
bannerra

bannerra