Skip to main content

konpartsak

Herri mugimenduek jaiak "beste era batera" antolatzeko hausnarketa jarri dute martxan

2020-05-15
Bilboko konpartsek, blusek eta neskek eta piratek alkateen jarrera kritikatu dute. Azaldu dutenez, herritarren osasuna bermatzea da garrantzitsuena egun, baina horrelako erabakiak denen iritzia entzunda hartu behar direla argudiatu dute. Hala ere, jaiak beste era batera antolatzeko gogoeta abiatuko dutela adierazi dute.
Udaltzain bati euskaraz hitz egiteko eskatzeagatik epaitu dute konpartsakide bat Bilboko epaitegietan

2019-12-12
Arkaitz Zarraga santutxuarrak Bilboko jaietako txosnen desmuntaian eztabaida eduki zuen udaltzain batekin. Autoarekin debekatuta zegoen lekutik pasa ostean isuna jarri zioten. Hau Pittu Hauko kideek euskaraz egin ohi dute jai gunean. Mesedez hizkuntz horretan mintzatzeko eskaera egin ostean, udaltzainak mozal legea aplikatu eta bigarren isuna jarri zion. Kasua epaitegietan aztertu da gaur.
Iritsi da Marijaiari agur esateko unea

2019-08-25
Bilboko Aste Nagusia bukaerara heldu da. Konpartsetako kideek azken indarrekin heldu diote jaietako bederatzigarren egunari. Kaskagorri eta Pa... Yaren arteko guda zikinean ere izan gara gaur, horren ostean erromeriaz girotuta pasa dute iluntzea Marijaia erre baino lehen.
Eraso sexista baten berri eman dute konpartsek Bilboko Aste Nagusiko zortzigarren egunean

2019-08-24
Eraso sexista baten berri eman dute Bilboko konpartsek. Honen harira, elkarretaratzea egon da 19.30etan Arriaga plazan. Horrez gain Bilboko Emakumeen IV. ikurrina San Juan Iberdrola taldeak irabazi du goizean izan diren estropadetan. Gizonezkoetan ere, San Juan izan da garaile. Eguneko protagonistak, baina, konpartsak izan dira. Izan ere, Bilboko Aste Nagusia amaierara heltzen ari den honetan, bazkaria egin dute eta ondoren jai giroan konpartsen arteko herri kirolak ospatu dituzte.
Euskal presoen aldeko aldarriak jende andana bildu du Bilboko Aste Nagusiko zazpigarren egunean

2019-08-23
Euskal preso eta iheslariek jasaten duten eskubideen urraketa salatzeko burutu den manifestazioan jendetza batu da Bilbon. Bestalde, presoen senideen bazkariak, urtero bezala, alderik alde zeharkatu du Euskalguneko eremua. Aste nagusiko zazpigarren egun honetan, Piztiak eta Komantxe konpartsetako kideekin izan gara. Horrez gain, 2000 pertsona baino gehiagok hartu dute parte herri krosean.
Aniztasunaren aldeko aldarriaz abiatu da Bilboko Aste Nagusia

2019-08-17
Bea Severrek, Naizen adingabe transexualen familien elkarteako bozeramaileak, aniztasunaren aldarria zabaldu du lau haizetara Arriaga Antzokiko balkoitik. Itsasne Nuñez Pa...Ya konpartsako kideak txupina bota eta jaiak eztanda egin du Bizkaiko hiriburuan.
 
bannerra