Skip to main content
bannerra

jaiak

Gipuzkoako ikastolen jaia ospatuko dute igandean Zarautzen

2019-10-04
Igande honetan ospatuko da Kilometroak jaia Zarautzen, Salbatore Mitxelena ikastetxeak antolatuta. Egitarau “inklusibo, feminista eta jasangarri” bat prestatu dutela azpimarratu dute antolatzaileen. Aurten hiru gune izango ditu eta Ni, Hi, Hura… ikastola mundura! leloari jarraituz jarri diete izena bakoitzari. Ni gunea Malekoian egongo da eta kontzertuak izango dira bertan. Goizean Skasti, Pottors eta Klito eta Optika arituko dira, besteak beste, eta arratsaldean, berriz, Joseba Irazoki. Haur eta familientzat egokitutako Hi gunea ikastolan egongo da, eta Hura gunea Mollarrin. Sonakay, Ene Bada, Ane Guria, Mac Onak eta Bad Soundek kontzertuak eskainiko dituzte bertan. Gune guztietan egongo da jan-edana, eta baita kale animazioa ere, txaranga, batukada eta abarrekin.
Zein paper jokatzen du herri mugimenduak eraso sexistak salatzeko garaian?

2019-09-12
Donostiako Aste Nagusiko asteazkenean, Piratek beren egitaraua eteteko erabakia hartu zuten 24 ordu baino gutxiagotan 6 eraso sexista salaketa baino gehiago jaso zituztelako. Donostiako Udalak, bere aldetik, ez zuen ezer egin eta jaietako egitarauak normaltasun osoz jarraitu zuen. Herri mugimenduek zein paper dute eraso sexistak salatzeko garaian? kide diren Amaia Garin eta Amaia Oulade Zirgariko kidekin eta Samara Velte kazetariarekin aztertu dugu gaia.
Aniztasunaren aldeko aldarriaz abiatu da Bilboko Aste Nagusia

2019-08-17
Bea Severrek, Naizen adingabe transexualen familien elkarteako bozeramaileak, aniztasunaren aldarria zabaldu du lau haizetara Arriaga Antzokiko balkoitik. Itsasne Nuñez Pa...Ya konpartsako kideak txupina bota eta jaiak eztanda egin du Bizkaiko hiriburuan.
Jaietan eraso matxisten aurka egiteko prestatu duen kanpaina aurkeztu du Donostiako Udalak

2019-07-12
Udako jai denboraldia hasten ari den honetan, eraso matxiten aurka egiteko prestatu duen kanpaina aurkeztu du Donostiako Udalak. "Baietzik gabe ezetza da" izango da aurtengo kanpainaren leloa. Donostiako udaletxean egindako aurkepen ekitaldian, Eneko Goia alkateak azpimarratu du gizarte osoari eragiten dion gai bat dela indarkeria matxista, eta beraz gizarte osoaren ardura dela honi aurre egitea. Bereziki nabarmendu nahi izan du gizonezkoek halako jarreran aurrean erreakzionatzeko duten ardura. Erasoak eta tratu txarrak ekiditeko gomendioak biltzen dituzten liburuxka batzuk banatuko dituzte. Bi liburuxka mota izango dira: Gizonei bideratutakoa bata eta emakumezkoei bideratutakoa bestea. Hazitzaile horiek izango dira materiala banatuko dutenak. Horrez gain, informazio puntu berezi bat jarriko da Karmengo jaietarako, Jazzaldirako, Euskal jaietarako eta estropadetarako.
Udako jaietako kartelak aurkeztu ditu Donostiako Udalak

2019-06-28
Estropadetako, Aste Nagusiko, Euskal Jaitako eta Su Artifizialen lehiaketako kartelak aurkeztu dituzte Donostiako udaletxean. Aurkezpenean hartu dute parte Jon Insausti Jaietako zinegotziak, Alfredo Leon Euskal jaitako eta Estropadetako kartelen egileak eta Sonia Urrezti Su Artifizialen Nazioarteko Lehiaketako karteleko argazkiaren egileak.
7.000 pertsona bildu ditu Muskizeko suzirien jeitsierak

2019-06-24
Euskal Herri osoan zehar ospatzen den San Juan gau xarmagarriak garrantzi berezia du Muskiz-en. Bizkaian, herri horretakoa da ospakizun garrantzitsuenetakoa duen erakargarritasun eta ikusgarritasunagatik. Urtero urtero milaka pertsonek egiten dute bat, suziriak eskuetan elkarrekin egiteko tren geltokitik sanjoandarako bidea, bertan, guztien artean su erraldoia osatzen dute udako solsitizioa ospatzeko.
 
bannerra

bannerra