Skip to main content

Liburua

Musikenek eta Nevadako Unibertsitateak euskal musikari buruzko liburua argitaratu dute ingelesez

2019-07-11
Musikenek eta Nevadako Unibertsitateak euskal musikaren historia bildu dute “The History of the Basque Music” liburuan. Ingelesez idatzi dute, eta historiaurretik hasi eta gaur egunera arteko garai eta generoak aztertu dituzte. Liburuak hamar zati ditu: zazpi atalek historiaurretik XXI.mendera arteko aroak biltzen dituzte. Beste hirurek gai zehatzagoak lantzen dituzte: emakumea euskal musikan, jazza Euskal Herrian eta musika herrikoia. Liburua Nevadako Unibertsitatearen web orrian eskuragarri egongo da ingelesez, eta baita Estatu Batuetako hainbat liburu dendetan ere.
Nevadako Unibertsitateak emakume bertsolarien inguruko liburua argitaratu du

2019-06-26
Nevadako Unibertsitateak emakume bertsolarien inguruko Female improvidational poets ikerketa liburua argitaratu du ingelesez. Emakumeek lehen munduan, eta euskal gizartean zehazki, berdintasuna lortzeko izaten ari diren arazoen berri ematen dute liburuko artikuluek eta bertsolaritzan zein country musikan emakumeek izan dituzten erronkak mahai gainean jarri dituzte argitalpenean. Liburuan, Miren Artetxe, Oihana Iguaran, Maialen Lujanbio, Jone Miren Hernandez, Caroline Dufurrena eta Joseba Zulaikak gaiaren inguruan egin dituzten ekarpenak jaso dituzte. Testuingurua dela eta, euskal bertsolaritzaren eta Estatu Batuetako poesia country-aren arteko paralelismoak antzeman dituzte egileek.
Altzoko Handia, istoriotik historiara

2019-06-25
Altzoko Handia, ‘Euskaldun mitiko bat (nahiz guztiz erreala) XIX.mendeko Europan’ liburua aurkeztu dute Koldo Mitxelena Kultur etxean. Luis Angel Sanchez madrildarrak idatzi du liburua; historian doktorea eta antropologiako irakaslea da bera. Idazleak pertsonaiaren inguruan eraiki diren mitoak eta kondairak alde batera utzi, eta Migel Joakin Elizegi altzoarrak bizi eta pairatu behar izan zuena azaldu du liburuan. XIX.mendearen erdialdean, Europan bizi izan zen erraldoirik ezagunena aztertu dute liburuan. ‘Altzoko Handia’ ezizena jarri zioten Migel Joakin Elizegi Ateagari , eta 1818tik 1861.urtera arte bizi izan zen. Ez dago argi zenbat neurtzen zuen, baina Sanchezek adierazi du 2,42 metrorainoko altuera izan zuela. Euskal Herrian orain arte izandako pertsonarik altuena da, nahiz eta nazioartean badiren handiagoak ere. Altuera horren zergatik azaldu ditu Sanchezek liburuaren aurkezpenean. "Hipofisian tumor bat zuen, tumor onbera bat. Tumor horrek zapaldu egiten zion hipofisia, eta hazkunde hormona asko sorrarazten zizkion horrek".
Bidaia poetiko bat bildu du Gorka Salces Alcaldek "Iraganaren Izterrak" poema liburuan

2019-06-12
Gaur aurkeztu dute bigarren DK poesia lehiaketaren irabazlea. Poema sorta hau ez zuela liburu bat izateko asmoarekin idatzi azaldu du. Poema askok lehenagokoak ere badira. 2013tik 2018ra bitartean idatziak dira, Euskal Herrian, Galesen, Grezian edo Portugalen. Bakoitza non idatzia izan zen asmatzeko jokoa proposatu die Salcesek irakurleei
Agosti Xahok lehen gerra karlistari buruz idatzitako bi idazki argitara

2019-06-12
Agostin Xahok lehen gerra karlistari buruz idatzitako bi idazki biltzen dituen liburua aurkeztu dute Koldo Mitxelena Kultur etxean. Escritos sobre La Primera Guerra Carlista: Palabras de un vasco. Viaje a Navarra izena du liburuak, eta elebiduna da; hain zuzen, Justo Garatek eta Rafael Galarzak frantsesera eta gaztelaniara itzuli dute. Prentsaurrekoan hartu dute parte Xabier Irujo Nebadako Unibertsitateko irakasleak, Patri Urkizu liburuaren sarreraren egileak eta Mikel Alberdi Zumalakarregi museoko artxiboaren arduradunak. Zumalakarregi museoak elkarlanean egin du liburua Nevadako Unibertsitateko Euskal Ikasketen Zentroarekin. Ez da Renok eta Ormaiztegik elkarrekin lan egiten duten lehen aldia: izan ere, 2015ean Henningsenen autobiografia bat argitaratu zuten “hamabi hilabetez Zumalakarregi generalarekin” izenburupean. Hizlariek adierazi dute liburu sorta bat argitaratzea dela helburua, Tomas Zumalakarregiren irudia nazioartean ezagutarazteko eta aldi berean Euskal Herriaren historiaren hedapena zabaltzeko.
Hasier Arraizek politika eta literatura uztartu ditu "Maitasun keinu bat besterik ez" liburuan

2019-06-06
Literatura eta politika uztartu ditu Hasier Arraiz, Sortuko idazkari nagusi izandakoak, kaleratu berri duen "Maitasun keinu bat besteri ez" liburuan. Aukezpenean azladu duenez, beretzat dena da politika, eta dena da kultura, eta bi mundu horietan barrena murgildu da lan honetan. Horretarako bere belaunaldiko idazleen lanak aztertu ditu, bizitzea tokatu zaien garaiari erreparatuz, egungo egoera politikoan aurrerapausoak eman nahian.
 
bannerra

bannerra