Skip to main content

Osakidetza

Osakidetzako lan eskaintzaz ikerketa abiatu aurretik, "azken aukera" eskaini dio EH Bilduk Darponi

2018-11-13
Osakidetzako azken lan eskaintza publikoan salatutako irregulartasunen aurrean, eta Eusko Jaurlaritzako profesionalak hautatzeko sistema berrikusteko konpromisoa hartu duenean, Osakidetzako zuzendaritza berritzeko eskatu du EH Bilduk. Rebeka Ubera legebiltzarkideak ikerketa batzorde baten sorrera proposatzeko asmoa agertu du, Jon Darpon Eusko Jaurlaritzako Osasun sailburuak erantzukizunak onartzen ez baditu. Uberaren hitzetan, auzitan dagoen bakarra ez delako lan eskaintza publikoaren funtzionamendua.

Darponek berak astelehenean iragarri zuenez, Osakidetzako profesionalak aukeratzeko sistema berrikusi egingo du Eusko Jaurlaritzako Osasun Sailak. Prozesu horretarako oinarri gisa, Rafael Jimenez Asensio EHUko Zuzenbide doktoreari eskatutako txosten bat baliatuko dute. Bertan jasotzen diren aholkuen artean daude lan eskaintza publikoetarako epaimahaikideak gehienez hiru edo bost izatea, eta zozketa bidez aukeratzea. Baita hautaketak sarriago eta epe motzagoetarako egitea ere.

Jimenez Asensioren proposamenarekin gonbita egin die Darponek alderdi politikoei Osakidetzako lan eskaintza publikoa hobetzeko. Uberak, ordea, harago jo behar dela uste du: Osakidetzako zuzendaritza aldatzeko eskatu dio Darpon sailburuari, ohartarazi du ez dela nahikoa etorkizunerako neurriak iragartzea, eta ikerketa bat behar dela erantzukizunak argitze aldera.

Koalizioak joan den uztaileak erregistratu zuen Legebiltzarrean ikerketa batzorde bat osatzeko eskaera. Eta erantzukizun politikoak orain onartu behar direla nabarmendu du Uberak.

Gobernu kontseiluaren ondorengo agerraldian, kazetarien galderei erantzunez, Josu Erkoreka Eusko Jaurlaritzako bozeramaileak ere hartu du hizpide Osakidetzako auzia. Haren hitzetan, lan eskaintza publikoko gora-beherak hasi zirenetik, behar adina urrats eta behar den moduan egin dira egoera bideratzeko.

Bost azterketa soilik errepikatzea eta epaimahairik ez aldatzea erabaki du Osakidetzak

2018-09-17

Lan Eskaintza Publikoko oposaketetan izandako irregulartasunez egindako ikerketaren emaitzak aztertuta, hartutako erabakien berri eman du Osakidetzako zuzendaritzak. Besteak beste, Traumatologiako epaimahaiko zortzi kidetatik seiri espedientea irekitzea ere erabaki dute

Osakidetzako beste lau espezialitate ikerketapean, eta salatzaileak fiskaltzara

2018-07-19

Osakidetzako espezialiteetako lan eskaintza publikoko hautaketa prozesuko ustezko irregulartasunengatik kontuak eman dituzte gaur Darpon Osasun sailburuak eta Osakidetzako zuzendaritzak Eusko Legebiltzarrean.

Maria Jesus Mugika Osakidetzako zuzendari nagusiak, gainera, iragarri du irregulartasunen salatzaileak fiskaltzara eramango dituztela. Anestesiologia espezialitateko Lan Eskaintza Publikoaren azterketari buruzko barne ikerketaren emaitzak jasotzen dituen txostenak ez du jasotzen azterketa horretan filtraziorik egon zenik, oposaketetara aurkeztu ziren hiru hautagaik salatu bezala.

Aldiz, salaketa egin zuten hiru hautagaiek "iruzur saiakera" egin dutela jasotzen du. Manoel Martinez, Roberto Sanchez eta Marta Macho azterketan iruzurra izango zela argi uzteko froga bila aritu ziren, eta fiskaltzara eta Arartekora jo ondoren, azterketako epaimahaiko hainbat kiderengana zuzendu ziren azterketako galderak eta argibideak lortzeko. Horregatik leporatuko die Osakidetzak "iruzur saiakera".

EGUNEKOA: uztailaren 19ko albiste nagusiak

2018-07-19

Osakidetzako oposizioez azalpenak emateko Eusko Legebiltzarrean izan den batzordeari erreparatu diogu. Horrez gain, Kataluniako ordezkari independentisten inguruko ebazpen juridikoei eta zenbait lan gatazkari ere eskaini diegu arreta.

Oposizioetako iruzurra salatu zutenak fiskaltzara eramango ditu Osakidetzak

2018-07-19

Osakidetzako zuzendari Maria Jesus Mujikak jakinarazi du fiskaltzaren esku utziko duela Anestesiologia espezialitateko Lan Eskaintza Publikoaren azterketari buruzko barne ikerketa. Ikerketa horren emaitzak jasotzen dituen txostenak ez du jasotzen azterketa horretan filtraziorik egon zenik, oposaketetara aurkeztu ziren hiru hautagaik salatu bezala. Aldiz, salaketa egin zuten hiru hautagaiek "iruzur saiakera" egin dutela jasotzen du.

Manoel Martinez, Roberto Sanchez eta Marta Machok azterketan iruzurra izango zela argi uzteko froga bila aritu ziren, eta fiskaltzara eta Arartekora jo ondoren, azterketako epaimahaiko hainbat kiderengana zuzendu ziren azterketako galderak eta argibideak lortzeko. Horregatik leporatuko die Osakidetzak "iruzur saiakera".

Horrez gain, beste lau espezialitateko azterketak ikertuko ditu Osakidetzak, Jon Darpon Eusko Jaurlaritzako Osasun sailburuak iragarri duenez. Digestio Aparatua, Medikuntza Intentsiboa, Traumatologia eta Urologia dira ikertuko diren espezialitateak. Horrez gain, Darponek iragarri du "hausnarketa prozesu bat" jarri dutela abian azterketen przedura hobetzeko.

Hain justu, aurrez salatu du Elkarrekin Podemosek Traumatologiako espezialitatean filtrazioa egon zitekeela. Zehazki, Deba Goieneko erietxean beste kasu bat agertu delako, filtrazioak gertatu zirela frogatuko lukeena. 

Oviedoko Unibertsitateak 86 alorretako azterketen ikerketa psikometrikoak egiten jarraitzen du, baina dagoeneko 44ri buruzko txostenak helarazi dizkio Jaurlaritzako Osasun Sailari, eta horietan oinarrituta beste lau espezialetatetako azterketak ikertzea erabaki dute. Darpon sailburuak eman du erabakiaren berri, hain justu, Eusko Legebiltzarreko Osasun Batzordean eginiko agerraldian.

Bestetik, eta datozen lan eskaintzetan halakorik gerta ez dadin, hausnarketa prozesu bat jarri dute abian, alderdi politikoen ekarpenak kontuan hartuko dituena. Darponek iragarri du haren odnorioak hiru hilabete barru aurkeztuko dituztela. Martxan jar ditzaketen neurrien arean legoke modu automatikoan zuzenduko den proba bakarra egitea alor guztietan edo eta lan eskaintza publikoak maizago eta espezialitateak bateratuaz egitea parte hartzaile kopurua murrizte aldera.

Zorroztarria argazki erakusketa zentsuratu du Osakidetzak

2018-07-05
Donostia Ospitaleko sarreran egoteko adostuta zegoen Zigor Merodio presoaren eskulturen argazki erakusketa zentsuratu du Osakidetzak . “Zorroztarria” izeneko eskultura-lanak egin ditu Merodiok. Edu Martinezek eskultura hauei ateratako argazkiek eta Alaitz Areitio eta Jon Troitiñok idatzitako testu eta bertsoek osatzen dute gaur Ospitaleko sarreran erakutsi behar zen erakusketa. Ospitaleko arduradunek erakusketaren edukien eta egileen inguruko informazioa hasieratik zeukaten arren, azken momentuan erabaki dute debekua . Sentsibilitaterik ez dutela mindu nahi eta egileen izenek polemika ekarriko dutela argudiatu dute ospitaletik. Inposaturiko zigorra betetzen ari diren pertsona batzuen adierazpen artistikoa zentsuratzeko inolako arrazoirik ez dagoela adierazi du sindikatuak. Eneko Pascual sindikatuko kideak, argazkien eduki artistikoa nabarmendu du eta Osakidetzak bai ala bai estali nahi duena ospitaleko atarira eramatea erreakziorik onena dela azaldu du. Duela hilabete batzuk programatu zen erakusketa eta Donostiako ospitaleak erakusketa iragartzeko kaleratutako kartelean egileen izenik ez jartzea lotsagarria dela adierazi du Pascualek. Kutsu politikorik ez duten obrak direla eta kultur etxe desberdinetan erakutsi direnean arazorik ez dela egon esan du Pascualek. Diskriminazio egoera hau salatzeko sindikatuko hainbat kide bildu dira, denen artean adierazpen askatasuna aldarrikatuz.
 
bannerra

bannerra