Skip to main content

CCOO

Osakidetzako murrizketen aurka mobilizazio gehiago iragarri dituzte sindikatuek

2014-06-23

Osakidetzako murrizketen aurka mobilizazioekin hasiko zirela iragarri zuten ekainaren 4ean honako sindikatuek: SATSE, ELA, LAB, SME, FFHE, CCOO, UGT eta ESK. Hori horrela, ostegun honetan kalera ateratzeko deia luzatu dute. Osakidetzako zuzendaritzari berriro mahai sektorialean eztabaidatzeko eskatu diote eta urri amaierarako erantzunik ez badute, mobilizazio gehiago izango direla ohartarazi dute.

UGT, CCOO eta USO sindikatuek martxoaren 2rako manifestazioa deitu dute

2014-02-19

UGT, CCOO eta USO sindikatuek martxoaren 2rako manifestazio deialdia egin dute Bilbon burutuko den Foro ekonomikoaren kontra. Martxoaren 3 eta 4ean nazioarteko ekonomia esparruko goi-mailako hainbat pertsona ezagun izango dira Bilbon. Besteak beste, Christine Lagarde NDFko zuzendari kudeatzailea, Angel Gurría ELGAko idazkaria eta baita Europako hainbat komisario ere. Sindikatuen arabera hauek dira bizi dugun egoeraren erantzule.

CCOOren ustez Jaularitzak ez du serio hartzen enplegua sustatzeko beharra

2014-01-29

Enplegua sustatzeko beharra ez du serio hartzen Eusko Jaurlaritzak, CCOO sindikatuaren esanetan. Atzo aurkeztutako plana sindikatu eta agente sozialen parte hartze gabe egina dela adierazi dute. Unai Sordoren arabera, planak ez  du egungo egoera aintzat hartzen. Hain zuzen, dagoen langabezia tasa onartezina dela adierazi du. Planak enplegu ezegonkorra eta behin behinekoa sortu ez ezik, finantziazio pribatua bultzatuko duela kritikatu du.

Gipuzkoako papergintzako langileek hamasei eguneko grebari ekin diote

2019-06-19
Gipuzkoako papergintzako langileek hamasei eguneko grebari ekin diote gaur , ELA, LAB eta CCOO sindikatuek deituta. Gaurko lanuztearen helburua hitzarmena berritzeko negoziazioetan Adegiri presioa egitea izan da. Hernanin egin dute gaurko protesta, bertan baitago Zikunaga Gipuzkoako paperfabrikarik handienetako bat. Bihar, berriz, Tolosan bilduko dira, historikoki Gipuzkoako papergintzako industriaren erdigunea izan delako . Mila lagun inguru babesten ditu papergintzako lan hitzarmenak, eta 2018.urtean amaitu zen azkena. ELA, LAB eta CCOO sindikatuek otsailean bateratu zituzten beraien eskaerak. Sindikatuek eskatzen dutena zera da: soldatak KPI-a baino gehiago igotzea, lan erreformaren neurri batzuetatik babesteko klausulak jartzea eta berdintasuna eta kontziliazio planak egitea. Adegik inflaziotik gorako soldata igoerak eskaini ditu baina ez sindikatuek eskatu adina, hau da, KPI-a gehi %2a.
Bizkaiko metal arloko milaka langile irten dira kalera lan hitzarmen duin bat eskatzeko

2019-06-07
Jarraipen zabala izan du gaurkoan ere Bizkaiko metal arloko grebak. Sindikatuen arabera langileen %85ak egin du bat greba deialdiarekin. Patronalak, aldiz, parte hartzea %20koa bakarrik izan dela dio. Bilbon, milaka izan dira sindikatuek hiriaren erdigunean deitutako manifestazioarekin bat egin dutenak. ELA, LAB, CCOO eta UGT sindikatuez gain, manifestazioarekin bat egin dute ESK, USO, CNT eta CGT-k ere. 6.000 lagun inguru, naiz.eus-en arabera. Sektoreko lan hitzarmen bat eskatzen dute langileek.
Segregazioarekin amaitzeko neurriak har ditzala eskatu diote Jaurlaritzari

2019-05-21
EAEko eskola publikoetan segregazioarekin amaitzeko neurriak har ditzala eskatu diote Jaurlaritzari sindikatu eta guraso elkarteek. Agerraldi bateratua eskaini dute Donostian, ELA, Steilas eta CCOO sindikatuek, Ehige eta aikaera guraso elkarteek eta Heize Euskal Eskola Publikoaren Zuzendaritza Elkarteen Federazioak.
 
bannerra

bannerra