Skip to main content
bannerra

CCOO

Gizarte ekimeneko langileek 22. greba eguna egin dute

2019-04-01
Apirilaren 1etik 4ra 9.000 langile daude grebara deituta. Joan den astean patronalarekin egindako azken bileran akordiotik oso urrun daudela adierazi zuten sindikatuek, Kristau Eskolak proposamen berririk ez baitzuen egin haien ustez. 10 urte darama sektoreko hitzarmena berritu gabe eta lan karga jasanezinak eta soldatak izoztuta izatea salatzen dute langileek. Apirileko lau egun hauetaz gain, maiatzaren 8 eta 9an ere greba egingo dute konponbiderik ez bada azaltzen horren aurretik.
Elikagai industriako hitzarmenaren negoziaketa blokeatu du patronalak

2019-02-20
Adegik Elikagai industria eta mekataritzako Gipuzkoako Hitzarmenaren negoziaketak blokeatu egin dituelak salatu dute gaur sindikatuek. Adegiren Donostiako egoitzaren atarian egindako elkarretaratzean salatu dutenez, bi urte baino gehiago igaro dira dagoeneko hitzarmenaren indarraldia amaitu zenetik. Iazko apirilean ekin zieten negoziaketei, baina ELA, LAB, CCOO eta UGTk salatu dutenez, Abenduaren 19an egindako bileran negoziaketa erabat blokeatu zuen Patronalak. Langileek salatu dute euren aldarrikapenei betoak jartzen jardun duela patronalak orain arte. Salatu dute soldata igoerei buruz hitz egiten hasi nahi izan duela patronalak negoziaketa, langileek gainontzeko eskakizunak baztertu ditzaten, baina ez dutela horretarako asmorik adierazi dute. Protesta gehiago ere egingo dituzte langileek. Datorren asteazkenean Uvesco enpresaren aurrean egingo dute elkarretaratzea, eta egoera bideratu ezean Gipuzkoako hainbat saltokiren atarietan egingo dituzte elkarretaratzeak Martxoaren 13an.
Villavesa enpresako langileek mobilizazioak deitu dituzte

2019-02-08
UGT eta Comisiones Obreras sindikatuek gutxiengo sindikala izanik, Iruñeko garraio publiko kolektiboa kudeatzen duen TCC enpresarekin hitzarmena sinatu dute. Langile batzordean gehiengoa duten ELA, ATTU eta LAB sindikatuak prentsaurrekoa ematen ari dira sindikatu minoritarioek enpresarekin sinatu duten akordioaren kontra eginen dituzten mobilizazioak iragartzeko. Adierazi dutenez, hitzarmen honek lan baldintzak okertzen ditu, lan taldearen zati bat opor eta jai egun gabe uzten dituela salatu dute. Mobilizazioak eta lanuzteak egingo dituzte Iruñeko eskualdeko Villavesa zerbitzuan. Azaldu dute estatutuetatik kanpo egindako hitzarmena dela eta prekarizazioa areagotzen duela, negozioazio kolektiboa dinamitatuz.
Sindikatuen elkarretaratzea Osakidetzako lanbide karreren ordainketa exijitzeko

2019-01-17
SATSE, CC.OO. eta UGT Sindikatuek elkarretaratzea egin dute Bilbon, Osasun eta Kontsumoko Bizkaiko Lurralde Ordezkaritzaren aurrean 2011ko lanbide-karrera mailaren ordainketa exijitzeko. Sindikatuek ohar bidez jakinarazi dutenez, 2012tik Osakidetzak langileekin dituzten zorrak ordaintzera behartzen duen epaia eman zuen EAEko auzitegi nagusiak baina ez da oraindik bete.
Sindikatuek presoen auzia konpontzeko pausuak eskatu eta urtarrilaren 12ko manifestazioarekin bat egin dute

2018-12-20
ELA, LAB, UGT, Steilas, ESK, CNT, CGT, EHNE, Hiru eta Etxalde sindikatuek agerraldi bateratua egin dute Bilbon, euskal presoen afera konponbide fasean sartu behar dela aldarrikatzeko. Horiek horrela, gobernuei urratsak eskatzeaz gain, aurrerantzean hileroko mobilizazioak antolatuko dituzte. Horrekin batera, urtarrilaren 12an, Baionan eta Bilbon egitekoak diren manifestazioekin bat egin dute.
%65eko babesa jaso du itunpeko hizkuntzako lehen greba egunak sindikatuen arabera

2018-11-27
Gizarte ekimeneko itunpeko hezkuntzaren greba hasi dute langileek Bilboko kaleetan manifestazioa eginez. Ostiralera arte luzatuko da sektoreko sindikatu guztiek deitutako geldialdia, ELA, LAB, Steilas, CC.OO. eta UGTk. 215 ikastetxetako 9.000 langile daude deituta eta 120.000 ikasleei eragingo die. Sindikatuek %65eko babesa jaso duela adierazi duten bitartean, Kristau Eskolak, gatazkaren eragina jasoko duen patronal nagusiak, %32ra jaitsi du kopurua.
 
bannerra

bannerra