Skip to main content

aurrekontuak

EGUNEKOA: politika, gizarte, memoria eta kultura albisteen bilduma

2018-11-16
EAEko 2019rako aurrekontuez Pedro Azpiazu Eusko Jaurlaritzako Ekonomia eta Ogasun sailburuak EH Bildurekin eta Elkarrekin Podemosekin egindako bilkurei eta 'Cabacas auziaz' Iñigo Cabacas zenaren senide eta lagunek egindako balorazioari erreparatu diegu arlo politikoan. Gizarte gaietan, Kontseiluak 2018. urteaz egindako balorazioa eta Irache Nafarroako Kontsumitzaileen Elkarteak zoru kalusulen epaiketak eteteko eskatu izana jaso ditugu. Memoria kontuetan, Guardia Zibilak duela 40 urte Arrasaten hildako Jose Mari Iturrioz 'Zapa'-ri, Roberto Aranbururi eta Emili Larreari egindako omenaldiari erreparatu diogu. Kultura arloan, azkenik, Iruñean abian den Expo Tatoo topaketaren ingurukoak bildu ditugu.
ELAren esanetan, EAEko 2019ko aurrekontuak "PPren aurrekontuak dira"

2018-11-13
ELAren ustez onartezinak dira Eusko Jaurlaritzak proposatutako aurrekontuak. Rajoy-ren gobernuarekin adostutakoaren arabera egindakoak direla ziurtatu du sindikatuak eta gastu araua errespetatzeko murrizketa politiketan sakontzen dela salatu ere. Horren aurka, gastu araua haustea eta zerga erreforma aurrerakoia exijitu dituzte eta indar progresistei jarrera irmoa eskatu diete proiektuaren aurka.
EAEko aurrekontuak ez dira sozialak ezta burujabeak LAB sindikatuaren en ustez

2018-11-12
LAB Sindikatuak ez nahikotzat jo ditu Eusko Jaurlaritzak proposatutako aurrekontuak. Behar sozialei ez erantzutea eta zorraren ordainketa lehenestea egotzi dio sindikatuak Jaurlaritzari, proposamenak ez baitu BPGaren igoerarekin batera areagotzen gastu soziala. Kritikatzeaz gain, zuzenketak proposatu dituzte herritarren eros ahalmena berreskuratzeko eta industrian inbertsio handiagoa eskatu dute, La Navalen ematen ari den egoera ekiditeko.
EH Bilduk aurrekontuak adosteko aukera ikusten du eta Elkarrekin Podemosek hasierako eskaerei eusten die

2018-10-24

EH Bildu koalizioak aukerak ikusten ditu Eusko Jaurlaritzarekin akordioa lortu eta 2019ko aurrekontuari bide emateko. Elkarrekin Podemosen iritziz, ordea, aurrekontuetan egin daitekeen edozein aldaketa onartzea ez da ezkerreko alderdi batek izan behar lukeen jarrera.

Leire Pinedo legebiltzarkidearen hitzetan, EH Bilduk aurrekontuetarako pentsioez eta enpleguaz egindako proposamenak onartzeko borondate politikoa soilik behar da. Pinedok berretsi du EH Bilduko legebiltzarkide taldea prest dagoela bi abstentziorekin aurrekontuak aurrera ateratzen uzteko, beti ere, pentsiodunek, emakumeek eta gazteek kalean plazaratutako beharrak aurrekontuen bidez aseko direla bermatzen bada.

Eusko Jaurlaritzak 11.784,1 milioi euro gastatzea aurreikusi du 2019. urterako aurrekontu proiektuan. 371 milioi eurora mugatu du Jaurlaritzak datorren urterako gastu hazkundea. Zorpetze gastua eta AHTren diru saila kenduta, beraz, aurten baino %3,6 diru gehiago izango du eskura politika propioak garatzeko. Pedro Azpiazu Ogasun sailburuak zero defizita duen kontu proiektua aurkeztu du, eta ohartarazi du ez dela posible izango gehiago gastatzea, gastu araua urratuko lukeelako.

Hazkunde horren zati handi bat langile eta funtzionamendu gastuetarako erabiliko da, aurten baino 205 milioi gehiago bideratzea jaso du proiektuak. Besteak beste, langile publikoei eskaini zaien soldata igoera sartuko litzateke igoera horretan. Halaber, Inbertsio publiko propioa %7,4 igoko dela nabarmendu du sailburuak. Azpiazuren hitzetan, horiek dira aurrekontuen gakoak: inbertsio publikoak eta izaera soziala.

Aurrekontu esparru horrek definituko ditu kontuak aurrera ateratzeko oposizioarekin egin beharreko negoziazioak. EH Bildu eta Elkarrekin Podemos proposamen zehatzak lantzen ari dira, eta agiri bana helarazi diote Ogasun Sailari. PPk lehen bilera sorta egin du Azpiazurekin, baina ez du igorri dokumenturik.

Elkarrekin Podemosei dagokionez, bidalitako lehen proposamenak gastu hazkunde oso handia zekarrela gogoratu du Ogasun salburuak. Elkarrekin Podemosen izenean, ordea, Julen Bollainek esan du haien eskaerak bere horretan mantentzen direla.

Aurrekontuen negoziazioak gertutik jarraitzen dituzte pentsiodunek

2018-10-22
Bilboko udaletxean elkartu dira astelehenero bezala pentsiodunak eta Madrilen eta Gasteizen negoziatzen dauden aurrekontuei buruz aritu dira bereziki. Orain arte Podemos eta PSOEk adostutakoa ez da nahikoa haien aburuz eta mobilizatzen jarraituko dute.
EH Bildu aurrekontuak onartzea ahalbidetuko du kaleko aldarriei erantzuten badiete

2018-10-19
EH Bilduk aurrekontuak onartzeko beharrezko abstentzioak eskaini dizkio Eusko Jaurlaritzari aurrekontu horiek kaleko aldarriei erantzuna ematen badiete. Maddalen Iriartek eta Nerea Kortajarenak indar abertzalearen proposamena aurkeztu dute Bilbon. Bertan 420 milioi euroko inbertsioa aurreikusi du Bilduk, 350 penstiodunen bizi baldintzak duintzeko eta 70 kalitatezko enplegua sortzeko bideratuta.
 
bannerra

bannerra