Skip to main content

albisteak

Atutxa eta Urruzunok irabazi dute Bost Kiroletako txapela

2019-05-02
AitzoL Atutxa eta Inhar Urruzunok erman zuten atzo 5 kiroleko txapela. Arria V.a eta Jokin Eizmendiren kontra jokatutako finala Bizkaitarrek eraman zuten poltsikora. 1000 ikusle inguru bildu ziren Miribillako Bizkaia Frontoian. Atutxak eta Urruzunok osatzen zuten bikoteak hasieratik joan zen kronometroan errenta hartzen. Estrategia eta erresistentzia fisikoaz baliatuz, aizkolaritza, harrijasotzea, txinga-erutea, ingude jasotzea eta trontza mozketak egin ostean, 41:16-ko denborarekin, bikote bizkaitarrak irabazi zuen txapelketa.
Etxegabetzeak gelditzeko eskatu dute hainbat eragilek Bilbon

2019-05-02
Bizkaiko etxegabetzeak jasan dituzten familiak eta egoera hau salatzearen aldekoak batu dira gaur goizean Bilboko Alokabide-Vicesa bulegoen aurrean. Honekin batera elkartasuna adierazi nahi izan diote etxebizitza duin baten alde borrokan dabilen Maria José Porriñori. Adierazi dute mobilizazioarekin salatu nahi dutela epaileek eta udaletxeek sinatutako etxegabetzeen lankidetza hitzarmenaren hauste sistematikoa. Azaldu dutenez epaileek udaleko gizate-zerbitzuei jakinarazi behar die kaleratzea, kalteberatasun txosten egokia igorri eta ondoren Etxebideren bitartez etxebizitza aukera bat eskaini. Hau betetzen ez dela ikusita azpimarratu egin nahi izan dute Eusko Jaurlaritzaren erantzukizuna kaleratzeetan. 2015eko Euskal Etxebizitzaren legea hausten ari dela argudiatuta.
Porrot egin du estatu kolpe saiakerak Venezuelan, Maduroren Gobernuaren arabera

2019-04-30
Venezuelan, estatu kolpe saiakera bati aurre egiten ari da Nicolas Maduroren gobernua. Goizeko lehen orduan, bere burua herrialdeko presidente izendatu duen Juan Guaidorekin bat egin duten hainbat militar Leopoldo Lopezen etxera joan dira, oposizioko kidea betetzen ari zen etxeko atxiloalditik ateratzera. Handik gutxira, La Carlota base militarraren inguruetan azaldu dira biak, eurekin bat egin duten militarerkin batera.
Euskal Hedabideen Behategiak 2018ko uertekaria aurketu du

2019-04-30
Euskal Hedabideen Behategiak 2018ko urtekaria aurkeztu dute Koldo Mitxelena kulturunean. Urtekariak “premiazkoak” diren hainbat eztabaidagai eta horiek ahalbidetzeko azterketak biltzen dituela adierazi du Libe Mimenzak euskal hedabideen betategiko koordinatzaileak. Hogeita hiru egileren hamahiru lan jasotzen ditu urtekariak. Esaterako, Igor Astibiak, kazetaritzaren aurkako erasoez hitz egiteaz gain, komunikazioaren esparruan gailendu diren joera orokorrak ere aztertu ditu. Ttap aldizkaria bezalako komunikabide berrien estrategiez ere mintzo da Jone Guenetxea. Bestetik, euskaraldiak euskal komunikabidetan izan duen presentzia aztertu dute. Horrez gain, bi lanek euskal hedabideak aztertu dituzte genero ikuspuntutik, alde batetik, emakumeen ikusgaitasuna hedabideetan eta bestetik, emakumeen presentzia eta ahotsa tokiko euskal prentsaren iritzi-foroetan. Interneteren gaia ere jorratu dute eta hamaika eta hamabigarren lanek hartzailearengan jartzen dute arreta. 2015tik gaur egune arteko urtekari guztiak osorik irakur daitezke behategia.eus webgunean.
Euskal Eskola Publikoaren 28.jaiaren abestia eta bideoklipa aurkeztu dituzte

2019-04-30
Euskal Eskola Publikoaren 28.Jaiaren abestia eta bideoklipa aurkeztu dute Donostiako Koldo Mitxelena Kulturunean. Oneka Oliverik jarri dizkio hitzak abestiari eta Yon Figueroak musika. Abeslariak Yon Figueroa eta Estitxu Pinatxo izan dira eta musika zuzendaritzan Arkaitz Miner aritu da koordinazio lanetan beste hainbat musikarirekin batera . Bideoklipa berriz, Gotzon Santaolayak zuzendu du. Oreretan grabatu dute eta herriko kaleez gain, Papresako teilatuan grabatu dituzte irudi batzuk. Gotzonek azpimarratu du Oarsoaldeako eskola publikoaren komunitateko kide ugariren elkar lana izan dela bideoklipa. Beraz ekainaren 2an Euskal Eskola Publikoaren jaia ospatuko dute Oreretan “Makina bat taupada lelopean”. Baina jaiaren jarduerak ez dira egun batean mugatzen eta urte osoko egitaraua dute. Informazio gehiago www.euskaleskolapublikoarenjaia.eus webgunean ikusgai.
Salgai daude dagoeneko Gararen espolioaren aurkako jaialdirako sarrera berriak

2019-04-30
Gaur jarri dira salgai Gararen espolioaren aurkako jaialdirako sarrera berriak. Belodromorako sarrera guztiak 20 minututan agortu ondoren, jaialdia Ilunbera pasa eta are sarrera gehiago jarri dituzte salgai gaurkoan. Iadanik hogei urte dira Gara egunkaria sortu zela Eginek utzitako hutsunea betetzeko. Baina, hasi zenetik, auzitegiek zama astun bat egotzi zioten egunkariari. Izan ere, jatorriz Egin-ena zen zorragatik 4,7 milioi euro ordaintzera behartu zuten auzitegi espainairrek Gara egunkaria. Zorra ordaindu behar izatea kolpe latza ari da izaten egunkariarentzat, eta, hori dela eta, babesa eskatu diete erakundeei eta laguntza gizarteari. Testuinguru horretan kokatzen da Ekainaren 9rako Donostian antolatutako musika jaialdia.
 
bannerra

bannerra