Skip to main content

albisteak

Maddi Ane Txoperena (Idazlea): "Igartza saria bultzada ederra da, baina presio pixka bat ere sumatzen dut"

2020-09-11
Igartza Sarien XXIII. Edizioa irabazi du Maddi Ane Txoperena idazle, kazetari eta bertsolariak, “Ez erran inori” liburuaren proiektuagatik. Liburuaz, sormen prozesuaz eta irabazi berri duen sariaz hitz egin dugu berarekin.
Handitzen ari da COVID19aren ondorioz itxi dituzten ikastetxeen zerrenda

2020-09-11
Sei dira dagoeneko ateak itxi dituzten zentroak. Are luzeagoa da kasuren bat antzeman eta ikasle taldeak bakartu behar izan dituzten zentroen zerrenda. Horiek horrela, EAEko sindikatuek protestei eutsiko dietela iragarri dute, aste honetan Jokin Bildarratz Jaurlaritzako Hezkuntza sailburu berriarekin bildu ostean ere.
Dantzaz beteko du Miarritze Maitaldiaren 30. edizioak

2020-09-11
Dantzak hartuko ditu Miarritzeko kale eta aretoak hurrengo egunetan, gaur hasiko baita Maitaldia dantza jaialdiaren 30. edizioa. 10 egunez, 23 dantza konpainiek bere lanak eskainiko dituzte. Thierry Mandalain koreografo eta jaialdiaren zuzendari artistikoak adierazi du zorionari eta amodioari buruz egingo duten urrats bat izango dela aurtengoa.
Nafarroako tabernetan eguerditik aurrera mahaian soilik kontsumitu ahal izango da asteburutik aurrera

2020-09-11
Gaur iragarri dituzte COVID19ari aurre egiteko neurriak. Neurriok asteburuan sartuko dira indarrean osasun kontseilariak sinatutako foru aginduz. Bestalde, heldu den astean zigor neurri gogorragoak aplikatzen hasiko direla adierazi dute, foru dekretu berria Gobernu batzordean onartu ostean. Iragarritako neurriak 15 eguneko iraunkortasuna izango dute behin behinean.
Ipar Euskal Herria "gune gorri" izatera pasa da

2020-09-11
Erabakia Parisen hartuko dute, baina Akitania Berriko Eskualdeko Osasun Agentziaren txostena zehatza da. Jakinarazi duenez, Ipar Euskal Herria parte den Pirinio Atlantikoetako departamendua, Girondekoa bezala, "arrisku handiko eremua" izango da. Horrek suposatzen du mugikortasuna mugatuta izango dutela biztanleek, gehienez 100km-ko zirkulu batera. Honekin batera, Pirinio Atlantikoetako prefeturak epidemiaren hedapena geldiarazteko neurri murriztaileagoak hartzeko atea irekitzen da. Frantziako Gobernuaran azken asmoen artean dago, berrogeialdia betetzeko epea astebetera murriztea. Momentuz, herritar guztien konfinamendua baztertuta dago, baina bilerak murrizteko aukera aztertzen ari dira, baita pribatuak ere, Erresuma Batuko ereduari jarraituz. Azken 24 orduetan ia 10.000 kasu berri erregistratu dira Frantzian. Azken bi asteetan, 130 kasu erregistratu ditu herrialdeak ehun mila biztanleko, Europako tasarik handienetako bat.
“Gazte langileen etorkizunaren alde” egiteko mobilizazioa deitu dute LABek eta Ernaik Nafarroan

2020-09-11
LAB sindikatuko eta Ernai gazte antolakundeko hainbat kide Nafar Lansarearen Iturrondo Enplegu Agentzia Integralaren Burlatako egoitzan sartu dira gaur, Nafarroako Gobernuari eskatzeko neurri eta politika eraginkorrak har ditzan gazteen etorkizun eta lan-baldintza duinak berma ditzan.
 
bannerra

bannerra