Skip to main content

Bilbo

Lezamako tren zaharrak utzitako eremua berreskuratuko du Bilboko Udalak

2020-01-09
Horren guztiaren ardatza 1,5 kilometro izango dituen pasealeku nagusi eta lau bat izango da, etorkizunean Deustuko Auzoko Bihotzarekin konektatuko duena, eta zeharka, esparru horretan dauden bide eta pasabide guztiekin. Lan honi esker integratu egin dira trenbidea kendu ondoren sortu diren espazio berriak.
Lourdes Azurmendi: [Semea Mont de Marsanera hurbiltzea] guretzat berealdiko aldaketa izan da"

2020-01-09
SAREk urtero antolatzen duen euskal presoen aldeko manifestazioaren atarian, Etxeratek bi euskal presoren amen testigantzak bildu ditu. Juana Zumalde eta Lurdes Auzmendi Igor Suberviola eta Ekaitz Sirvent presoen amak dira, tartean bake eragileen eta Frantziako Gobernuaren arteko elkarrizketaren ondorioz, beren semeak Mont de Marsaneko espetxera hurbildu dituztenak, Euskal Herritik 200 bat kilometrora, Frantziako hurbilena.
Sarek "itxaropena" agertu du Espainiako Gobernu berriak euskal presoen egoera aldatuko duelakoan

2020-01-09
Urtero euskal presoen eskubideen alde egiten den manifestazioak Giza Eskubideen errespetuan eta akordioetan oinarrituko den jendarte bat eraikitzeko aldarria izango du. Gaineratu dut gobernu berriaren osaketarekin baikor dagoela. Izan ere, azaldu du gobernu berri hau osatzen duten bi alderdi nagusien euskal ordezkariek behin eta berriz erakutsi dutela espetxe politika aldatzeko borondatea. Sare Herritarrak nabarmendu nahi izan du elkarbizitzaren eta bakearen alde zein espetxe politika aldatzearen aldeko indarraren batuketaren aurrean dagoela Euskal Herria.
Juan Guaidok bigarrenez izendatu du bere burua Venezuelako presidente

2020-01-08
Igandean Luis Parra izendatu zen Asanblada Nazionaleko presidente diputatu Chavisten bozkei esker, baina Venezuelako Guardia Nazionalak oposizioko kideei eragotzi zienez saio horretan sartzea, Guaidok astearterako deitu zuen beste saio bat. Horretan, hainbat hedabidek argitaratu dutenez, oposizioko 100 bat diputatuen babesa jaso eta Asanblada Nazionaleko presidente kargua berreskuratutzat eman zuen oposizioko buruak.
Misilak jaurti ditu Iranek AEBetako armadak Iraken erabiltzen dituen bi base militarren kontra

2020-01-08
Irango Ali Khamenei aiatolaren iritziz, eraso hori “zaplazteko bat” izan da,baina ohartarazi du misil jaurtiketak ez direla “nahikoa izan”. Anbar hiriko Ain al-Asad basea eta Irakeko Kurdistanen dagoen Erbil basea erasotu dituzte. Hain zuzen ere, joan den astean Estatu Batuetako Armadak Qassem Soleimani Irango jenerala hil izanari erantzuteko. Washingtonek eta Bagdadek adierazi dute erasoaren ondorioz ez dela hil beren armadako soldadurik, baina Iraneko zeinbait hedabidek zabaldu dute “80 terrorista amerikar” hil dituztela, eta kalte handia eragin diotela AEBen ekipamendu militarrari.
Iñaki Zugadi: "Presoen egoera gogorra da baina guztion artean aldaraziko dugu"

2020-01-08
Euskal presoen eskubideen alde Baionan eta Bilbon egitekoak diren manifestazio jendetsuetarako 4 egun eskas falta direnean, Hamaika Telebistan espetxeratuek hartutako bide juridikoen inguruan aritu gara Iñaki Zugadi abokatuarekin batera. Espetxe zuzendaritzak presoen norbanako trataera berezitua egiteko plangintzarik ez duela salatzeaz gaindi, gaixotasun larriak pairatzen dituzten gatibuen inguruan ohartarazi nahi izan du Zugadik. Horrekin batera, urruntzearekin amaitu, emakume presoen egoera hobetu eta graduen progresioa ahalbidetzea erronka bezala kokatu ditu.
 
bannerra

bannerra