Skip to main content

Bilbo

Seulek zazpi eguneko nahitaezko konfinamendua ezarri du berragerraldiengatik

2020-08-31
Neurriak 10 milioi pertsonari eragingo die eta Hego Korean azken bi asteetan 5.100 positibo berri zenbatu ostean heldu da. Administraziotik adierazi dute, positibo gehienak Seul iparraldean dagoen eliza kontserbadore bati eta Gobernuaren aurka egindako manifestazio bati lotutakoak direla. Herrialdeko gainerako hiri jendetsuenetako agintariek 10 pertsona baino gehiagoko manifestazio guztiak debekatu dituzte, eta Seulen maskara erabiltzea derrigorrezkoa da uneoro, bai gune publiko irekietan, bai itxietan
EAJren eta PSEren oinarriek akordioa berretsiko dute gaur

2020-08-31
EAJren eta PSEren barne erakundeek astelehen honetan berretsiko dute Iñigo Urkullu buru izango duen koalizio gobernu baten formula errepikatzeko bi alderdiek itxitako ituna, eta une horretatik aurrera jakingo da bakoitzak Gobernu berrian duen benetako pisua.
La Course eta Frantziako Tourra Nizan hasiko dira bihar

2020-08-28
La Course by Le Tourreko zazpigarren edizioa bihar hasiko da Nizan, Tourreko emakumezkoen lasterketa. Gizonek ordu batzuk geroago osatuko dutenaren antzekoa izango da.
Urkullu eta Iriarte inbestidura saiorako hautagai

2020-08-28
Lehendakariaren inbestidura saiorako hautagaitzak aurkezteko azken egunean, hilaren 28an, Iñigo Urkulluren eta Maddalen Iriarteren hautagaitzak erregistratu dira parlamentuan. Izan ere, datorren ostegunean, irailaren 3an egingo dute Eusko Jaurlaritzako lehendakariaren inbestidura saioa, eta egun horretan bi hautagai izango dira: Iñigo Urkullu jarduneko lehendakari eta EAJren lehendakarigaia, eta Maddalen Iriarte Euskal Herria Bildukoa.
Donald Trumpek "amets amerikarra" defendatu du Bidenen "agenda sozialistaren" aurrean

2020-08-28
Hauteskundeetarako Alderdi Errepublikanoaren hautagaitza onartzeko hitzaldia erabili du Trumpek, Joe Biden bere aurkari demokrataren balizko garaipenaren aurrean beldurra zabaltzeko. 67 eguneko hauteskunde kanpaina dute aurretik. Kritikak ez dira gutxi izan. Errepublikanoak kargua berretsi du, Jacob Blaken aurkako tiroketagatik arrazakeriaren aurkako protestek etenik ez dutenean eta arrazoi berdinagatik NBAko sei taldek partiduak jokatzeari uko egin eta play-offak ere bertan behera gelditzear egon diren momentuan.
Laguntza humanitarioaren menpe

2020-08-27
Fatimetu Zenan Sahararra da, Tindufeko errefuxatuen kanpalekuan jaio zen eta haurra zela etorri zen bere familiarekin Euskal Herrira. Hala ere, jaioterrian dauzka gainontzeko senideak. Duela 45 urte pasa beren herrialdetik kanporatuak izan ziren Sahararrak, laguntza humanitariotik bizi dira Argeliako desertuan. Orain ordea, mugen itxierarekin Covid 19ak eragindako pandemiari aurre egiteko baliabiderik gabe daude.
 
bannerra

bannerra