Skip to main content

Bilbo

"Obabakoak" Stuttgart-eko Antzerki Nazionalean antzeztuko da euskaraz

2019-06-26
Bernardo Atxagaren "Obabakoak" gure lurraldearen mugak aspaldi zeharkatu zituen. Oraingoan, Calixto Bieitok zuzenduriko antzerkia, Arriagatik Stuttgarteko Antzerki Nazionalera egingo du salto. “Bidaia esperimental” honen ñabardura guztiak ezagutzeko, Lander Otaola akotrearekin egin dugu hitzordua, Alemanian antzezteko gogotsu dagoena.
Torturaren Biktimen Babeserako Nazioarteko Eguna onartzeaz gain, neurri zehatzak eskatu ditu Egiari Zor fundazioak

2019-06-26
Pozik agertu dira fundazioko kideak Legez Besteko Proposamena onartu duelako Legebiltzarrak. Izan ere, esan dute, torturaren sufrimendua mapan kokatzea ahalbidetuko duela. Halabaina, Eusko Jaurlaritzari eskatu die gogoratzeko Nazio Batuen Erakundeak sustatzen duen biktimen babeserako eguna. 2017ko abenduan aurkeztu zen Kriminologia Euskal Institutuak egindako ikerketa. Han frogatu zen tortura praktika sistematikoa zela, 4113 pertsona torturatu egonik EAEn. Txostenean, ordezkaritza politiko ugari interpelatzen dira eta hala egin dute elkartekoek ere.
Euskotreneko batzorde iraunkorrak lanuztea egin du epaiketak iraun bitartean

2019-06-25
Euskotreneko batzorde iraunkorrak lanuztea egin du goizeko 10:30ean hasita, 15:30etara. Gutxienez, egiturazko 80 lanpostu bermatzera konprometitu zen Euskotreneko Zuzendaritza. Akordioa bete ordez, Euskotrenek kanpo-enpresa batekin bi urteko lizitazioa aurkeztu du. Horren aurrean, Euskotreneko batzorde iraunkorrak auzitara eraman du gertaera.
Zortzi hilabeteko espetxe zigorra onartu du Manuel Herrerak, 2017an Bilboko Plaza Berrin egindako erasoarengatik

2019-06-25
Ultraeskuindar espainiarra ez da Bilboko epaitegira joan ere, baina erasoa erakusten duen bideoa grabatu eta sarreratu zuen bere kidearekin batera, gertakarietan parte hartu izana onartu, eta 8 eta 6 hilabeteko expetxe zigorrak hitzartu dituzte, urrenez urren, fiskaltzarekin
Eusko Legebiltzarreko Ikerketa Batzordeak administrazioaren "kudeaketa traketsa" azpimarratu du eskola jangelen auzian

2019-06-25
Eskola jangelen auzia aztertzeko Eusko Legebiltzarrean sortutako batzordea bildu da gaur. Araba, Bizkaia eta Gipuzkoako eskola publikoetako jangeletan zerbitzua eman izan duten katering enpresen auzia aztertu dute. 2003-2015 urteen artean Eusko Jaurlaritzak “kudekaeta traketsa” egin zuela jasotzen du batzordeak egin duen txostenak. 2016an, jada, agintaritzak frogatutzat jo zuen zortzi enpresek “merkatua banatu” zutela. Honen balorazioa egin du Eh Bilduko Larraitz Ugartek, administrazioak utzikeriaz eta prepotentziaz jokatu duela adierazi du.
Bost urte bete ditu .eus domeinuak

2019-06-25
Adierazi dute bost urteko ibilbidea eginda domeinua sendotu egin dela eta 10.000 erabiltzaile gainditzetik gertu dagoela. Nabarmendu nahi izan dute, .eus domeinua dela euskaldunak interneten konektatzen eta bereizten dituen marka. Honen erakusgarri Bilboko metroan jarri duten pantaila interaktiboa. Iñaki Goirizelaia PuntuEUS Fundazioko lehendakariak azaldu du bost urtetan oztopoak izan dituztela, baina epe ertainean Euskal Herrian, hirugarren domeinu erabiliena izan nahi dutela. Ostegunean, urteurreneko ospakizun-ekitaldia antolatu du PuntuEUS Fundazioak Bilboko Kafe Antzokian. 5 urte hauetako ibilbidea baloratuko dute bertan.
 
bannerra

bannerra