Skip to main content

Bilbo

Hildakoen kopuruak gora egin du zahar etxeetan

2020-08-25
Zahar etxeetan gora egin du hildakoen kopuruak azken egunetan. Lau egoiliar hil dira Bizkaian eta bat Gipuzkoan. Bestetik, Tuterako egoitza batean hamasei egoiliarrek positibo eman dute, baita, hiru langilek ere.
Bayern-ek seigarrenez eskuratu du Txapeldunen Liga

2020-08-24
Munichekoak Kingslay Coman-ek 59. minutuan eskuratutako golaz baliatu dira garaipena lortzeko eta, bide batez, talde alemaniarraren denboraldi paregabea borobiltzeko, Alemaniako liga, kopa eta, orain, txapeldunen liga eskuratuz. Honenbestez amaitu da 19-20 denoraldi berezi hau gizonezko futbolari dagokionez. Bestetik, aste honetan bertan jokatuko da emakumezkoen txapeldunen ligaren azken txanpa. Reale Arenan eta San Mames-en jokatu dira final laurdenak eta bertan ospatuko dira ere finalerdiak eta finala.
Kataluniako buruzagiak espetxetik atera dira hirugarren gradua baliatuta

2020-07-17
Preso dauden buruzagi independentistek aste honetan jaso dute hirugarren gradua, eta astelehenera arte etxean egon ahal izango dira.
PP+C’s koalizioak eskuratu du Eusko Legebiltzarreko azken ordezkaria Bizkaian EH Bilduren kaltetan

2020-07-17
Hauteskunde eguneko zenbaketan lehia estua egon zen herrialde hartako azken eserlekuarengatik eta EH Bilduk eskuratu zuen, Diana Urrea legebiltzarkide bilakatuz. Gaur, aldiz, EAEtik kanpoko herritarren bozkak zenbatu dira eta alderdiek helegitea jarritako mahaien zenbaketa errepikatuta, egiaztatu da Bilboko mahai batean PPk eta Ciudadanosek osatzen duten koalizioak lehenengo zenbaketan iragarritakoak baino 100 boto gehiago jaso zituela.
Sortuk protesta zaratatsua antolatu du gaur Bilbon eta Gasteizen Espainiako Erregeen bisita salatzeko

2020-07-17
Espainiako Erregeek Covid osteko biraren harira gerturatu dira euskal lurraldeetara, nahiz eta Kataluniara ziren joatekoak. Espainiako Erregeek Guggenheimera eta Arte Ederren museora egin dute bisita, Iñigo Urkullu lehendakaria, Juan Mari Aburto Bilboko alkatea eta hainbat diputatuk harrera egin ostean. Arte ederren museoaren alboko Euskadi Plazan Sortuk protesta zaratatsua antolatu du, Espainiako ereserkiari txistu eginez.
10 urteren ostean lan hitzarmena sinatu dute sndikatuek, Kristau Eskolak eta IZEA patronalak

2020-07-17
Azaroan sinatu zuten greba amaierako akordioa 29 lanuzte egunen ondoren ELA, Steilas eta CCOOek. Bertan biltzen ziren edukiak sinatu dituzte orain Lan Hitzarmenean, aipatutako sindikatuek eta UGTk. Eduki nagusien artean ia %9ko igoera dago, hainbat kolektiborentzat lanaldi murruztuak eta lan pertsonalerako ordu osagarriak aitortzea. Horrez gain, %75eko lanaldiko erretiro partziala jasotzen da hitzarmenean langile guztientzat eta hauen ordezkoak %100eko lanaldian kontratatzea. Lorpenik handiena dela esan dute, baina, aurten matrikulazioen jaitsierengatik lan gabe geldituko diren langileak birkokatzea.
 
bannerra

bannerra