Skip to main content

Bilbo

Emaitza proiektu gastronomikoa martxan jarri du Errotik jendarte ekimenerako kooperatiba feministak

2019-10-29
Helburua da, egoera lazgarrian egon diren emakumeei lanerako tresnak ematea eta beren burujabetzan laguntzea. Asteartero tailer bat egiten dute eta gaurkoan, beraiekin izan gara.
Iñaki Etaio (Askapena): “Klaseen arteko borroka islatzen ari da kaleetan”

2019-10-29
Bigarren itzulia saihesteko adina boto lortu ditu Moralesek hauteskundeetan, zehazki %47,08a. Aldiz, Mesak, oposizioko liderrak, %36,51 lortu du. Evo Moralesen aldeko martxak egin dituzte Bolivian, eta oposizioak, hauteskundeak errepikatzeko edota bigarren itzulia eskatzeko protestak antolatu ditu. Herrialdea bitan banatuta dagoela esan daiteke. Guzti honen inguruko analisia egiteko Iñaki Etaiorekin, Askapenako kidearekin, hitz egin dugu.
"Lana ardatz" duten aurrekontuak aurkeztu ditu Bizkaiko foru gobernuak

2019-10-29
8.477 milioi euro erabiltzea aurreikusi du EAJk eta PSEk osatzen duten foru gobernuak, joan den urtean baino %3,17 gehiago. Bestalde, (Sailek gastatu dezaketen diru) kopurua ere handitu dute proiektuan, hain zuzen, 28,4 milioi gehiago izango dituzte guztira. Kasu honetan, 2019an baino %2,26ko igoera. Gobernuak lana duela ardatz adierazi du Rementeriak eta enplegu plan bereziaren 10 milioietatik 2,5eko doiketa biltzen du 2020ko aurrekontu proiektuak.
Bizkaiko etxez etxeko laguntzaren sektoreko langileek greba iragarri dute azaroaren 5 eta 28rako

2019-10-29
Bizkaiko etxez etxeko laguntza sektoreko langileek greba eta mobilizazioak iragarri dituzte, lan baldintzak salatu eta hobekuntzak eskatzeko. Greba azaroaren 5 eta 28an egingo dutela azaldu dute, eta lanuzte partzialak azaroaren 4 eta 27an, goizeko 7etatik, 11etara. Mobilizazioa ere deitu dute, Bilbon, azaroaren 23rako. Lan baldintzen egoera kaxkarra udalei egotzi egiten diete, etxez etxeko laguntza titulartasuna publikoa izanda, eta udalerrien erantzukizuna izanik, kudeaketa pribatizatu dutela azalduz, lehiaketa publikoaren bidez kutsu soziala ez duten enpresa pribatuen eskuetan utzi baitute.
Alberto Fernandezek irabazi ditu Argentinako hauteskundeak

2019-10-28
Argentina peronismora itzuli da. Cristina Fernandez Kirchner eta Alberto Fernandezen alderdiak botoen %47,72 lortu ditu behin-behineko zenbaketaren arabera. Gauzak horrela, ez da bigarren itzulirik behar eta Argentinako ezker mugimenduak boterea berreskuratuko du.
Gizarte ekimeneko ikastetxeen negoziaketa bileran elkarrizketarako prozedura adostu dute

2019-10-28
Gizarte ekimeneko ikastetxeen gatazka bideratzeko ELA, Steilas, CCOO eta LAB sindikatuak patronalarekin eta Hezkuntza sailarekin batu dira. Hitu orduko bileran adostu dute Jose Ignacio Baras abokatuak bitartekari lanak egingo dituela. Negoziazioak jarraipena izango du, beraz, datozen egunetan.
 
bannerra

bannerra