Skip to main content
bannerra

Bilbo

San Mames ere zuri-gorriz jantzi zuten Athletic zaleek

2015-06-02

Espainiako Kopa eskuratzeko aukera izan zuen Athleticek larunbatean. Bartzelonara joaterik izan ez zuten zaleek finala San Mamesen ikusteko aukera izan zuten, pantaila erraldoi batzuen bitartez. Partida irabazi ez arren, aparteko giroa sortu zen katedralean.

Koldo Tellitu: "LOMCEri aurre egiteko adostasuna izango dugula uste dugu"

2015-02-06

Gurean Gaur elkarrizketa saioan Koldo Tellitu Ikastolen elkarteko lehendakaria izan dugu. Euskarazko hezkuntzaren inguruko hausnarketa egin dugu. Nafarroako azken datuek kezka sortu dute. Ikastolen erronkei begira jarri gara, eta bereziki, LOMCE legearen inguruan hitz egin dugu.

HarriBlock: Euskal Herriko boulder txapelketa

2014-11-10

Eskalada gustuko dutenek hitzordu paregabea izan zuten azaroaren 8an, Bilboko Etxebarria parkean. HarriBlock Euskal Herriko boulder txapelketak harrera bikaina izan zuen. Kirola eta festa ederki uztartu zituzten antolatzaileek. Hauxe duzue txapelketak eta giroak emandakoa. 

Adrian Zelaia: "Aurrezki kutxak kreditu kooperatiba bihurtu beharko lirateke"

2014-10-24

Gurean Gaur elkarrizketa saioan, Adrian Zelaia EKAI Center -eko lehendakaria izan dugu. Besteak beste, Kutxabank aferari heldu diogu. Izan ere, legea tarteko bada ere, bere ustez, badira kudeaketarako alternatiba ezberdinak.

"Grebalariak Aske": greba eskubidea aldarrikatuz

2014-10-11

Greba eskubidea Konstituzioak jasotzen duen eskubidea da, langile orok duen eskubidea. Honen bidez eta definizioz pertsona edo talde batek presio soziala egiteko asmoz ekintza bat edo batzuk egiteari uzten dio, honen bidez helburu bat lortzeko asmoz. Azken urteetan 6 greba orokor izan dira. 2012ko martxoaren 29ko Greba Orokorra entzutetsua izan zen. Egun hartan, Bilbon gertatutako istilu batzuetan parte hartu izana leporatuta Bilboko Auzitegiak Deustuko bi gazte bi urteko eta erdiko kartzela zigorrera kondenatu zituen. Egileekin hitz egin dugu.

Euskaldunok Egina | Kaiku - Conservas Zallo - Ekoetxe

2014-07-09

Euskaldunok Egina programaren lehen atalean, hiru enpresa ezberdinetan murgildu gara. Ekologikoki eraginkorrak diren etxebizitzak eraikitzen ditu Ekoetxek. Honen prozesu ezberdinak ezagutuko ditugu. Bestalde, antxoa eta hegaluzeen kontserben prozesua ezagutuko dugu Conservas Zallo enpresaren bitartez. Azkenik, Kaiku enpresak esnekiekin egiten duen lana hurbiletik ikusi dugu.

 
bannerra

bannerra