Skip to main content

Bilbo

"Eskola Maleta Batean" erakusketa aurkeztu dute Bilbon

2019-02-21
Zubiarte merkatal guneko atari nagusian egongo da Unicefen egitasmoa erakusgai, gizarteari larrialdi egoeran bizi diren haurrentzat hezkuntzak duen garrantziaz informatzeko eta sentsibilizatzeko helburuarekin. Maleta bakoitzak 80 umeri klasea emateko beharrezkoa den materiala dauka barruan. Herritarrek erosi dezakete kita eta beharrizan gehien duten haurrei helaraziko zaie kit hau.
Azken agurra Juanmi Gutierrez zinegileari

2019-02-21
Juanmi Gutierrez zinegilea zendu da, 73 urterekin. Dokumentalgintzan egin du lan bereziki, labur zein luzemetraietan eta euskal zinean zulo sakona utzi du errenteriarrak. Sare sozialetan hainbat lankideren agurra jaso du egunotan eta Hamaika Telebistan gure omenaldi xumea egin diogu.
Eibarrek eta Athletic Club-ek bat egin dute Basque Team Fundazioarekin

2019-02-20
Bi futbol klubek euren aurrekontuaren %0,14arekin lagunduko dute Fundazioa. Zehazki, 179.000€ jarriko ditu Athletic-ek eta 70.000€ Eibarrek eta diru-laguntza horiek Basque Team-ek bekatuta dituen 50 kirolari baino gehiagorentzat bideratuko dira zuzenean, Bingen Zupiria Kultura sailburuak azaldu duenez.
Kakitzat koordinazio antimilitaristak kontzentrazioa egin du Bilbon intsumisio mugimenduaren 30. urteurrena ospatzeko

2019-02-20
30 urte pasatu dira lehen pertsonak intsumiso izatea erabaki zutenetik. Kakitzat koordinazio antimilitaristak kontzentrazioa egin du Bilbon intsumisio mugimenduaren hasiera ospatzeko. "Oraindik ere borrokan jarraitzea beharrezkoa" dela adierazi dute. Azken hamarkadetan mugimendu sozialak lortu duen garaipen handiena bezala hartzen da, desobedientzia zibilaren bidez eta indarkeriarik gabe lortua.
Aratusteak ospatzeko Bilbo film agertoki erraldoia bilakatuko da

2019-02-20
Bilbo film agertoki erraldoia bilakatuko da hurrengo asteetan. Izan ere, aratusteekin batera, jai batzorde mixtotik azaldu dutenez, hirian superprodukzioa egingo dute. Ekimenak, larunbatean hasiko dira Kopla txikien saioarekin. Martxoaren 2an, kalejira nagusia egingo dute.
Osakidetzako EPEko balizko filtrazioen inguruko fiskaltzaren txostena aztertu dute LAB eta ESK-k

2019-02-20
Sindikatuek aipatu dute Jon Darpón osakidetzako sailburua gertatu dena txikiagotzen dagoela. Inputatuak Osakidetzako goi karguak dira Juan Carlos Soto, Xabier Balerdi eta Andoni Arzelai. Gainera, esan dute ikerketak jarraitzen duela eta filtrazio gehiago egon daitezkeela. Honen oinarrian, adierazi dute, EPE eredua dagoela, oposaketa prozedurak filtrazioak egitotea ahalbidetzen duela. Adierazi dute akusazio bezala jarraituko dutela prozeduran, osakidetzako langileen interesak defendatzeko. Onartezina dela esan dute profesionalen artean aukera desberdintasunak egotea. Honen aurrean gobernuak duen erantzukizuna azpimarratu nahi izan dute
 
bannerra

bannerra