Skip to main content

Bilbo

Txus Martin preso gaixoaren ebakuntza atzeratu egin dutela salatu dute

2019-04-24
Txus martinen askatasunaren aldeko plataformak elkarretaratzea egin du gaur Bilboko Justizia jauregiaren aurrean, larriki dauden preso gaixoen askatasuna aldarrikatzeko, bereziki egoera oso larrian dagoen Txus Martinena. Plataformatik adierazi dutenez, Txusen ebakuntza atzeratu egin da, eta hurrengo egunetan emango da bere egoeraren berri, adi-adi jarraituko dute kasua bere eskubideak urratu ez daitezen.
Eusko Alderdi Jeltzaleak emakume eta gizonen arteko berdintasuna lortzeko "konpromisoa" berretsi du

2019-04-23
Bilboko Arriaga Plazan egindako ekitaldian, Idoia Sagastizabal, Kongresurako Bizkaiko hautagaiak esan du neurri zehatzak aurkeztuko dituztela berdintasuna benetakoa izan dadin. Sagastizabalek adierazi du berdintasuna politika transbertsala izan beharko litzatekeela eta neurri zehatzak proposatzen dituztela. Estatuaren eskumenetan, eremu penalean, lan eremuan, pentsioetan eta baita botere politikoetan ere. Alderdiak lehentasunezkotzat jotzen du administrazio publikoan berdintasuna integratzea eta emakumeen ahalduntzea eremu guztietan, pertsonal, kolektibo, sozial zein politikoan.
ELAk salatu du lan istripuetan hildako beharginen kopurua %20 igo dela azken urtean

2019-04-23
ELAk esakndaluzkoa dela azpimarratu du eta honen atzean prekarietatea eta lan postuetako prebentzio falta dagoela salatu. Datu ofizialekin alderatuta, errealitatean hildakoak gehiago direla salatu du sindikatuak. Izan ere, azpierregistro desberdinak daude. Osalanek eta Nafarroako Lan Osasunaren Institutuak ez dituzte gaixotasun profesionalen ondorioz zendutakoak aipatzen, ezta transportistak edo autonomoak ere. 47 dira ofizialak, ELAren arabera 67. Adierazi dute lan harremanak prekarioak direla eta eskakizunak gero eta handiagoak. Prekarietatearen ondorioz eta lanpostuak galtzeko beldurraren ondorioz lan iatripu asko deklaratu ere ez direla egiten salatu nahi izan dute. Honi aurre egiteko baliabide ekonomiko eta pertsonalak behar direla aipatu dute, eta Gobernuei babesa eta neurri zehatzak hartzeko eskatu.
Bilbon, eguerdian eta euripean, baina herritarrek erantzun dute

2019-04-11
Milaka herritarrek bat egin dute Korrikarekin Bilbon. Eguraldiak lagundu ez duen arren, eurijasak etengabekoak izan dira, asko izan dira euskararen lasterketa herrikoiarekin bat egin dutenak.
Korrikako kotxearen bizitza

2019-04-11
Iker Aginaga eta Iosu Ganuza Korrika jarraitzen dabiltza eta eurekin batera bestelako hedabideetako lankideak daude. Honatx, prentsako kotxe eta taldearen bizitza.
Urratsak eman diren arren, kirolaren baitan arautzea eta erabilera ditu jokoan euskarak

2019-04-12
Korrika Gipuzkoara sartu da berriro ere eta Donostian milaka lagun elkartu dira. Gaueko monografikoan, kirola eta euskararen arteko harremana aztertu ditugu Koikili Lertxundi, Joseba Sanchez eta Kike Zurutuzarekin.
 
bannerra

bannerra