Skip to main content
bannerra

Bilbo

Klubaren egungo kudeaketa eredutik, ikuspegi enpresarialera igarotzea defendatu du Elizegik

2018-12-14
Aitor Elizegik Athletic-eko presidente izateko hautagaietako batek, bere plantxak alor ekonomikoan dituen ardatz nagusiak azaldu ditu hedabideekin partekatu gosarian. Fernando San José eta Jon Ander de la Fuentes hautagaitzako kideekin lagunduta, Elizegik klub kudeatzeko egungo eredutik, kluba enpresa eredutik kudeatzerako bidea defendatu du. Ekinbide horretan, egun indarrean dauden Kirolaren Lege autonomikoa zein estatala aldatzeko ahaleginean diharduko dutela azpimarratu dute hautagaitzatik. Horrekin batera, onartu egin dute Alberto Uribe-Etxebarriak irabaziz gero, haren taldeak 300 milioi eurotako ondasuna eskura izango lukeela eta aldiz bere hautagaitzak ezin izango lukeela. Horren aurrean, kirol legearen zein klubaren estatutuen berriztapena defendatu ditu Santutxuko sukaldariak, etorkizunean egoera errepikatu ez dadin.
Tracking Bilbao Festibalaren seigarren edizioaren aurkezpena egin dute Euskal Museoan

2018-12-14
Tracking Bilbao Festibalaren seigarren edizioaren aurkezpena egin dute antolatzaileek Euskal Museoan. Hasiera eman zion Bocabeats taldearen komedia saioak eta ondoren Ane Guriaren kontzertuak girotu zuen aurkezpena. Disziplina anitzeko adierazpen askoren erakusketa da Tracking Bilbao. Aro digitaleko kultura herrikoia zabaldu nahi dute. Festibala, abenduaren 17tik 22ra bitarte ospatuko da.
Arrakasta izugarria izaten ari da “Everest 1980: herri oso bat gailurrean” komikia

2018-12-14
Cesar Llaguno marrazkilariak eta Ramon Olasagasti gidoilariak komiki batean bildu dute Euskaldunontzako ito handi bat markatu zuen bidaia osoa. Euskal Museoan dago erakusketa Mendi Film festibalaren barruan. Martin Zabaletaren lorpena biltzen duten komikiaren binetarik esanguratsuenak daude ikusgai. Errealitatetik ahalik eta hurbilen kokatzen saiatu dira egileak testigantzak bilduz eta parte hartu zuten pertsonen izaera ahalik eta berdintsuen islatuz.
Berri Txarrak taldearen agurra eta Entzun! urtekaria

2018-12-13
Berri Txarrak talde nafarrak etenaldi mugagabea egingo duela jakinarazi du. Gainera, Entzun! urtekariaren 68. zenbakia, Bizkaiko Bertsolari Txapelketaren finala eta Oteizaren erakusketa berria dakar gaurko saioak.
Javier Aldazabal: "Egindakoa balorean jarri eta klubaren erronka berriei heldu nahi diegu"

2018-12-13
Athletic-en hauteskundeetarako kanpaina abian da. Hamaika Telebistak Alberto Uribe-Etxebarria eta haren hautagaitzako kide Javi Aldazabal elkarrizketatu ditu. Bien, klubak aurrera begira dituen erronkak aztertu ditugu: Alor ekonomikoa, Lezama, kirol zuzendari berriaren profila, emakumezkoen taldea, animazioa edo Llorente zein Ibairen balizko itzulerak. Aldazabali egindako elkarrizketa osoa, bertan ikusgai.
EAEko hezkuntza legea osatzeko parte hartze demokratiko eskatu dute eragileek

2018-12-12
Hezkuntza arloko hainbat eragileek argi azaldu dute Jaurlaritzak berriz hasi behar duela prozesua. Salatu dute, Eusko Jaurlaritzak adostu beharreko hainbat gai kanpoan utzi zituztela eta horrelako erabakiak parte hartze demokratiko baten bidez hartu behar direla.
 
bannerra

bannerra