Skip to main content

Bilbo

Urtarrilaren 30ean izango da "pentsio eta bizitza duinen aldeko" greba orokorra

2019-11-26
"Pentsio eta bizitza duinen aldekoa" izango da lanuztea. Euskal Herriko Eskubide Sozialen Gutunak antolatu du greba eta Euskal Herriko Pentsiodunen Mugimenduak bilera egin du gaur mobilizazioetan jauzi kualitatiboa emateko atxikimendua erakutsi duten eragileekin.
Bilboko Udalak 400 jarduera baino gehiago antolatu ditu Gabonetarako

2019-11-26
Proiektuak jarduera programa zabala aurkeztu du. Gabonen baitan, 400 jaruera baino gehiago antolatu ditu Bilboko Udalak. Azaroaren 27an hasiera emango zaio egitarauari. Berritasun gisa, izotz ekologikoaren pista Areatzan egongo da aurten, eta tamaina bikoitza izango du iazkoarekin alderatuta: 800 metro.
Irekita dago "B-Tuber. Youtuber Izarren bila!" tailerretan izena emateko epea

2019-11-26
Bilboko Udalak, Azkue Fundazioarekin elkarlanean, "B-Tuber. Youtuber Izarren bila!" tailerretan izena emateko epea ireki dute. 2006-2007 urteetan jaoitako neska-mutilei zuzenduta dago, eta izena emateko epea abenduaren 8an amaituko da. Ekimenaren xede nagusia gazteengan euskara sustatzea da, haientzako ezagunak diren erramintak erabiliz. Sareetan eta interneten lehengo lerroan kokatzen dira Youtuberrak gaur egun; hala ere ez dira gehiegi euskaraz darabiltzatenak. Ane Atxutegi, Aiora Probatxoa, Super Txope edo Xabi Antxia dira Euskal Herriko Youtuberretako batzuk. Gauzak horrela, gazteek aukera izango dute zinez etorkizuneko ogibidea izango dena ikasteko, "B-tuber. Youtuber Izarren bila! tailerretan". Bi maila bereziko dira, hasiberrien maila eta hobetzeko maila. Hasierako kategoriak bi data izango ditu, abenduaren 26 eta 27a, edo urtarrilaren 2 eta 3an. Hobetzeko kategoriak data bakarra izango du, urtarrilaren 2 eta 3an.
Bi polizia epaituko dituzte Ingalaterran Dalian Atkinson Realeko jokalari ohiaren heriotzagatik

2019-11-26
2016ko abuztuaren 15ean, bere aitaren etxearen aurrean, poliziak laser pistola batekin Dalian Atkinson futbolari ohia tirokatu eta hil zuen. 1990-1991 denboraldian, Realean jokatu zuen, 12 gol sartu eta zaletuen maitasuna bereganatuz. Orain, hiru urteko ikerketaren ostean, bi polizia epaituko dituztela iragarri dute. Marakana Txikia saioan, Azken Kromoa sekzioa eskaini diogu.
Zalantza ugari sortu dituen Davis Cup berria irabazi du Espainiak

2019-11-26
Gerard Piqué futbolariak hainbat proiektu gidatzen ditu berdeguneetatik kanpo, euren artean Davis Cup txapelketaren eraberritzea. Bere eskutik, 24 talde elkarrekin aritu dira egun bakar batzuen buruan, "entsaladera" irabazteko asmoz. Formatu berri honen lehen edizioa Madrilen lehiatu da eta zalantza ugari eragin ditu, partidak gaueko ordu txikiak bitarte luzatu edo publikoaren erantzunagatik. Kirol alorrean, Nadalek gidatuta, Espainiak bere seigarren koroa eskuratu du. Honatx, Alessandro Rutaren analisia.
Euskal derbiak Athletic eta Alavesentzat; Baskonia, Garinoren ordezko baten bila

2019-11-25
Kenan Kodroren gol batek Osasunaren bolada bikainari amaiera eman zion. Horrenbestez, 30 partida eta gero, gorritxoek porrota jaso zuten etxean. Asteburuko beste derbian, Alavesek garaipen garrantzitsua lortu zuen Ipuruan. Bestalde, saskibaloian, Baskoniak susperraldi bikaina izan du baina Patricio Garino denboraldi osorako galdu du. Azkenik, Espainiak Copa Davis-eko edizio berria irabazi du. Hauek eta beste hainbat, Marakana Txikia saioan, Beñat Zarrabeitiaren gidaritzapean eta Olatz Foruria zein Mikel Zumalderen parte hartzearekin.
 
bannerra

bannerra