Skip to main content

Bilbo

AEBetako Moderna Therapeutics enpresak koronabirusaren aurkako txerto bat garatu duela jakinarazi du

2020-07-16
Estatu Batuetako Moderna Therapeutics enpresak koronabirusaren aurkako txerto bat garatu duela jakinarazi du eta argitu dutenez, amaitzeko azken fasean aurkitzen da. Izan ere, egun, Covid-19aren txertoa aurkitzeko lehian hamaika enpresa ari dira. Lasterketa horren buruan Moderna terapeutics dago; uztailaren 27an hasiko da txertoaren azken fasea, eta 30.000 pertsonei egingo diete proba. Horien erdiei 100 miligramoko dosia emango zaie eta beste erdiari, berriz, plazeboa. Lehenik eta behin txertoa gizaki guztientzat segurua dela baieztatu behar da.
Roger Torrentek eta Ernest Maragallek kereila jarriko dute CNIko zuzendari ohiaren aurka, espioitza egotzita

2020-07-16
Roger Torrent Kataluniako Parlamentuko presidenteak eta Ernest Maragall ERCko diputatuak 2019an CNIko zuzendari zen Felix Sanzen aurka jarriko dute kereila ustez, Israelgo konpainia batek garatutako Pegasus programaren bidez sakelako telefonoak zelatatu zituztenean. Ez dute baztertzen ikerketa zabaltzea, beste pertsona batzuk operazioan parte hartu zuten zantzuak ondorioztatzen badira. Andreu Van Den Eynde abokatuaren arabera softwarea Gobernuko inteligentzia agentzien esku dago, eta, kasua argitu duten kazetarien arabera, euskarria sortu duten enpresa Israeldar NSOko langile ohi batek Espainiako Estatua enpresa horretako bezero gisa identifikatu du 2015etik.
EAJ eta PSE-EE astelehenean hasiko dira koalizio gobernua negoziatzen

2020-07-16
EAJk eta PSE-EEk astelehenean hasiko dituzte koalizio gobernua osatzeko negoziazioak, alderdiek sare sozialetan jakinarazi dutenez. Lehenengo bilera Sabin Etxean izango da, EAJren egoitza nagusian, astelehen eguerdian.
Castexek Frantziako lehen ministroak “separatismoaren kontrako” lege proposamena aurkeztuko duela aurreratu du bestelako neurri batzuen artean

2020-07-16
Castexen diskurtsoan halaber, ekonomiak izan du pisurik handiena eta koronabirusak eragin duen krisiari erantzuteko 100.000 milioi euroko ditu funtsa eratuko duela jakinarazi du. Neurriak iragartzean, baina, “separatismoa” estatuaren “etsai” gisa aurkeztu du eta honen kontrako lege proposamen bat aurkeztuko duela jakinarazi du. Ez du xehetasun gehiagorik eman. Hala ere, helburua dela “hainbat talde, beren ezaugarri etniko edo erlijiosoen inguruan intransigentziaz itxi daitezela eragoztea”. Gehitu duenez, "Errepublika Frantzia da. Eta haren oinarriak ere kolokan daude, bere etsaien arteko koalizioaren ondorioz: terroristak, estremistak, konspiratzaileak, separatistak, komunitaristak".
Euskaltelek EAEko beste 105 udalerriri emango dio zerbitzua zuntz-optiko sarea hedatuta

2020-07-15
105 herri gehiagori eskainiko dio zerbitzua eta 200.000 etxe ingururi. Horrenbestez, 241 udalerritako 1.200.000 etxek jaso ahalko dute Euskaltel-en zerbitzua zuntz-optiko bidez, hots, EAEko ia herri guztietara hedatu du sarea konpainiak dagoeneko.
Torrentek Espainiako EstatuarI egotzi dio bere mugikorra espiatu izana eta erantzukizunak argitzeko eskatu du

2020-07-15
Roger Torrent Kataluniako Parlamentuko presidentearen mugikorra Pegasus softwarearen bidez espiatu dela eman dute jakitera 'El País' eta 'The Guardian' egunkariek. NSO enpresa israeldarrak garatutako programa da eta gobernuek eta segurtasun indarrek soilik eros dezakete. Kataluniako Parlamentuko presidenteak salatu duenez, “espiatu izanak frogatzen du” Espainiako Estatuko aparatuek "aurkari politikoak jazartzen” dituztela.
 
bannerra

bannerra