Skip to main content

Bilbo

Martxoak 8, bizitzak erdigunera

2019-03-12
Hamarnaka milaka pertsona kalera atera ziren martxoaren 8an egindako greba feministan. Hiriburuan saioan, egunak emandako guztia errepasatu genuen, hirigune handietan zein eskualdeetan izandako mobilizazioen bilduma osatu genuen.
Hirugarren itxialdia hasi dute gaur lanbide heziketako irakasleek

2019-03-12
2007ko errege dekretua aurreko urtean aplikatzeak bere lan baldintzak aldatzea ekarri du. Honen aurrean irtenbiderik ematen ez zaiela ikusita hasi dute protesta.Urtarrilean egin zuten lehen itxialdia Mendizabala ikastetxean, Gasteizen arlo honetako Euskal Autonomia Erkidegoko hainbat irakaslek. 3 astez egon ziren itxialdian. Handik Gipuzkoakoak batu zitzaizkien eta gaur Bizkaiko irakasleek egin dute bat, astero herrialde batean egingo dituzte itxialdiak. Eskatzen dutena da zerredetan dauden lizentziaturadun irakasleen eskubide berdina izatea. Oposaketetara presentatzeko aukera eta lan finko baterako aukera izatea. Bi bilera egin dituzte Hezkuntza Delegaritzarekin akordio batera heldu gabe, hirugarrena daukate orain. Adierazi dute, ikasleei ez diela eragingo eta klaseak berdin berdin emango dituztela.
Bizkaiko Bertsolari Gazteen BBk Sariketaren XXVII. edizioa ospatuko du

2019-03-11
Bizkaiko Bertsolari Gazteen BBK Sariketak bere XXVII. edizioa ospatuko du martxoaren 13tik aurrera. Guztira 48 bertsolari gaztek hartuko dute parte, eta, finala Bilboko BBK aretoan izango da, apirilaren 3an. Lehiaketak aurreko urteetako formatua hartuko du. Arratia, Busturialdea, Durangaldea, Enkarterri-Ezkerraldea, Hego Uribe, Lea Artibai, Uribe-Butroe eta Uribe-Kosta eskualdeek izango dute ordezkaritza, eta bakoitzetik sei bertsolarik hartuko dute parte. Sei bertsolarien artean A eta B mailakoak uztartuko dira, A maila 18 urtera arte izanik, eta B maila 18 eta 25 urte artean.
'Hartu zure kultura espazioa' lelopean, emanaldiak antolatzera deitu du Arteak Irekik

2019-03-11
Arteak Irekik, zuzeneko kultur emanaldiak mugatzeko Eusko Jaurlaritzaren dekretuaren kontrako plataformak, ‘Hartu zure kultura espazioa’ lemapean ekitaldiak antolatzera deitu du martxoaren 23an. Bi hilabete barru indarrean sartzekoa den dekretuak urtean 12ra mugatuko ditu taberna eta kultur gune txikiek antolatu ditzaketen zuzeneko emanaldiak, bat hilabeteko. Zentzurik gabeko erasotzat jo du neurria plataformak eta eszena lokala indartzearen beharra azpimarratu du.
EJk bertan behera utzi ditu eskola jangelen kudeaketa arautzeko urtarrilean iragarritako neurriak

2019-03-11
Eskola jangelen kudeaketa arautzeko urtarrilean iragarritako neurriak bertan behera utzi ditu EJk. LAB sindikatuak pausu hori ospatu du baina iragartzeko modua kritikatu du. Prentsa-ohar bidez eman zuen Hezkuntza sailak erabakiaren berri eta errespetu faltatzat jo du hori sindikatuak. Hitz egiteko momentua dela adierazi du LABek, baina aldi berean, apirilaren bigarren astean deitutako greba deialdiak mantenduko dituztela iragarri dute, albisteak ez baitu ziurtatzen sektorean dituzten aldarrikapenak beteko direnik.
DIA supermerkatuetako langileek greba mugagabeari ekin diote Bizkaian eta Gipuzkoan

2019-03-11
Manifestazioa egin dute Bilbon supermerkatu kateak aurkeztutako enplegu erregulazioko espedientea gaitzesteko. Estatuan, guztira, 2.100 langile kaleratu nahi dituzte, horietatik 81, Hego Euskal Herrian. Hiru lanuzte egin dituzte orain arte, baina enpresak aurkeztutako enplegu erregulazioko espedientearen harira akordiorik lortu ez dutela ikusita, greba mugagabea abiatu dute gaur. Supermerkatuen administrazio-kontseiluak 300 milioi eurotik gorako galerak iragarri ditu. Gainera, Dia supermerkatuak salaketa bat jarri dute Fiskaltzaren aurrean, kontuetan irregulartasunak antzeman ostean. Langileek informazio falta salatu dute. Enpresak ez ditu negoziazio mahaietara deitu eta ez dakite beren lanpostuekin zer gertatuko den.
 
bannerra

bannerra