Skip to main content

Bilbo

"Lana ardatz" duten aurrekontuak aurkeztu ditu Bizkaiko foru gobernuak

2019-10-29
8.477 milioi euro erabiltzea aurreikusi du EAJk eta PSEk osatzen duten foru gobernuak, joan den urtean baino %3,17 gehiago. Bestalde, (Sailek gastatu dezaketen diru) kopurua ere handitu dute proiektuan, hain zuzen, 28,4 milioi gehiago izango dituzte guztira. Kasu honetan, 2019an baino %2,26ko igoera. Gobernuak lana duela ardatz adierazi du Rementeriak eta enplegu plan bereziaren 10 milioietatik 2,5eko doiketa biltzen du 2020ko aurrekontu proiektuak.
Bizkaiko etxez etxeko laguntzaren sektoreko langileek greba iragarri dute azaroaren 5 eta 28rako

2019-10-29
Bizkaiko etxez etxeko laguntza sektoreko langileek greba eta mobilizazioak iragarri dituzte, lan baldintzak salatu eta hobekuntzak eskatzeko. Greba azaroaren 5 eta 28an egingo dutela azaldu dute, eta lanuzte partzialak azaroaren 4 eta 27an, goizeko 7etatik, 11etara. Mobilizazioa ere deitu dute, Bilbon, azaroaren 23rako. Lan baldintzen egoera kaxkarra udalei egotzi egiten diete, etxez etxeko laguntza titulartasuna publikoa izanda, eta udalerrien erantzukizuna izanik, kudeaketa pribatizatu dutela azalduz, lehiaketa publikoaren bidez kutsu soziala ez duten enpresa pribatuen eskuetan utzi baitute.
Alberto Fernandezek irabazi ditu Argentinako hauteskundeak

2019-10-28
Argentina peronismora itzuli da. Cristina Fernandez Kirchner eta Alberto Fernandezen alderdiak botoen %47,72 lortu ditu behin-behineko zenbaketaren arabera. Gauzak horrela, ez da bigarren itzulirik behar eta Argentinako ezker mugimenduak boterea berreskuratuko du.
Gizarte ekimeneko ikastetxeen negoziaketa bileran elkarrizketarako prozedura adostu dute

2019-10-28
Gizarte ekimeneko ikastetxeen gatazka bideratzeko ELA, Steilas, CCOO eta LAB sindikatuak patronalarekin eta Hezkuntza sailarekin batu dira. Hitu orduko bileran adostu dute Jose Ignacio Baras abokatuak bitartekari lanak egingo dituela. Negoziazioak jarraipena izango du, beraz, datozen egunetan.
Bigarren itzulia saihesteko adina bozka lortu ditu Moralesek

2019-10-28
Hauteskunde Auzitegiak Evo Morales garaile aitortu zuen bozken %47,08arekin. Aldiz, Carlos Mesak, aurkari nagusiak, %36,51ª lortu zuen. Boliviako hautes-legeriak jasotzen duenaren arabera, lehenengo itzulian modu zuzenean irabazteko, botoen %40ª lortu behar da gutxienez, eta aurkakoari 10 puntu atera. Baldintzak bete ditu Moralesek, beraz, jakinarazpen ofizialen faltan, hauteskundeak irabazi ditu. Presidente gisa egingo duen laugarren agintaldia izango da, ezusterik ezean.
BBK EKIN diru laguntza eta aholularitza programa berria aurkeztu du BBK-k

2019-10-28
Ekintzailetza sustatzeko programa berria aurkeztu du BBK-k. BBk EKIN programaren bitartez diru laguntzak eta lehen mailako aholkularitza eskeiniko dio erakundeak Bizkaiko bost proiekturi. Azaldu dutenez, kutsu soziala duten bost StarUp-ek 38.000 eurorainoko sustatzaile soldata jasoko dute bi urtez lehenengo fasean, eta 50.000 eurora heldu daitekeen kreditua bigarren fase batean. Gaur zabaldu da proposamenak aurkezteko epea eta edozein sektoreko proiektuak aurkeztu ahalko dira abenduaren 30era bitartean.
 
bannerra

bannerra