Skip to main content
bannerra

Bilbo

Kataluniarekin "indarrak biltzeko" deia egin du ezker abertzaleak

2019-10-15
Kataluniako buruzagi independentisten aurkako epaiaren ondorioak aztertzeko agerraldia egin du ezker abertzaleak Bilbon. Sortuko idazkari nagusi Arkaitz Rodriguezek Kataluniako herria babesteko deia luzatu dio gizarteari, datozen mobilizazioetan. Bestetik, demokratizazio sakonaren alde dauden edo espainiar Estatuaren desdemokratizazioa babesten duten argi azaltzeko gonbitea luzatu die EAJ eta Podemosi.
"Utzi mezua seinalearen ondoren" antzezlana estreinatuko dute gaur Arriaga antzokian

2019-10-15
"Utzi mezua seinalearen ondoren", Arriaga antzokian estreinatuko den Arantza Portabalesen azken eleberriko moldaketa aurkeztu dute. Tanttaka antzerki konpainiak antolatuta, Miren Arrieta, Mireia Gabilondo, Oihana Maritorena eta Leire Ruiz aktoreak izango dira oholtza gaineran, emakume ezberdinen bide zidorrak arakatzen dituzten istorioak kontatzeko. Bakardadea, maitasuna edota komunkazioari buruzko gogoetak azaleratuko dira lau emakume hauen begi, aho eta bihotzetatik.
Mobilizazioak, Euskal Herrian zein Katalunian, Auzitegi Gorenak ezarritako zigor gogorren aurka

2019-10-14
Espainiako Auzitegi Gorenak 9 eta 13 urte bitarteko zigorrak ezarri ditu Kataluniako buruzagi independentisten aurka. Epaiak hainbat erreakzio sortu ditu eta herritar ugari mobilizatu dira. Katalunian, Tsunami Democratic mugimenduak deituta, El Prat-eko aireportua geldiarazteko asmoarekin eta Euskal Herrian Gure Esku Dagok antolatutako elkarretaratzeekin. Hamaika Telebistak zuzeneko saio berezia osatu zuen.
Protestek utzitako kalteak konpontzen ari dira ekuadortarrak

2019-10-15
Ekuadorrek normaltasuna berreskuratu du hamaika egunetako protestak eta gero. Tentsio handikoak eta gogorrak izan diren protestak igandean bukatu dira Ekuadorko Gobernuak eta lider indigenek akordioa sinatuta. Horrela, Lenin Morenoren gobernuak bertan behera utzi ditu Nazioarteko Diru Funtsarekin adostutako neurri ekonomikoak, tartean erregaiari diru laguntzak kentzea.
Ikasle mugimenduko hainbat kidek greba deialdia egin dute azaroaren 28rako

2019-10-15
Euskal hezkuntza sistema propio baten alde eta hezkuntza eremuan pairatzen dituzten zapalkuntzak salatzeko egingo dute greba azaroaren 28an. Azaldu dutenez, ikastetxez ikastetxe saretzen ibili dira, tokian toki ikasleek bizi dituzten problematikei aurre egiten. Eremu lokalean lan egiteaz gain, beharrezkotzat jo dute Euskal Herri mailan antolatzea.
Bilboko Udalak Gabriel Arestiren urteurreneko lore-eskaintza ospatu du

2019-10-14
Bilboko Udala osotzen duten alderdi politiko guztiek parte hartu dute lore-eskaintzan. Gabriel Arestiren emaztea eta alaba ere bertan izan dira.
 
bannerra

bannerra