Skip to main content

Bilbo

MMA arte martzial mistoen txapelketa Bilbora helduko da martxoaren 9an

2019-02-26
Arte martzial mistoak Bilbora helduko dira martxoak 9an ospatuko den World Fight Tourrek antolatutako gaubelan. La Kasillako aretoan izango da eta 4 borroka aurreratu dituzte. Manuel "Ninja" Rodrigez, Alvaro Fresnoren aurka borrokatuko du, eta, euskaldunon ordezkaritzan Aratz "kamikaze" Garmendia beteranoa Stewart Serrano mendean hartzen saiaktuko da.
Loraldia festibalak Bilbo hartuko du martxoaren 12tik apirilaren 7ra

2019-02-26
Loraldiaren bosgarren edizioak hogeita hamar ikuskizun eskainiko ditu Bilboko hamabi kulturgunetan, martxoaren 12an hasiko da eta 15ean ospatuko da zabalera ekitaldia, 'Kalaportu: Joseba Sarrionandiaren lurralde poetikoa kantuz' kontzertuarekin. Itxieran, Itxaro Bordak 'Buztinezko etorkizuna' testua irakurriko du eta Miren Amuriza eta Oihana Iguaranen bertso saio egongo da.
Solidaria zentro ezkerreko alderdi berria aurkeztu dute

2019-02-26
Partidu Sozialista eta Ahal Duguko kide ohiez gain, politikan orain arte parte hartu ez duen jendea biltzen du koalizioak. Espainiako Kongresu eta Senatura aurkeztuko dira Araban, Bizkaian eta Gipuzkoan. Gizartearen isla izan nahi dute eta bertako eztabaidak politikan islatu. Helburua ez da ezkerreko gainontzeko alderdiekin lehiatzea. Orain arte abstentzioaren hautua egin duten herritarrak erakarri nahi dituzte. Adierazi dute, beraien hizkuntza hitz egingo dutela eta gizarteko kezkei proposamen errealak eman.
Katalunia, hauteskundeak eta martxoaren 8ko greba feminista, hurrengo asteetako arreta gune nagusiak

2019-02-25
Aktualitate politikoa hizpide, Hiriburuan saioan, Beñat Zarrabeitia lankidearen gidaritzapean eta Begotxu Olaizola zein Izaskun Duque-ren parte hartzearekin, hurrengo asteetan herritarren interesa sortuko dituzten hiru ardatz aztertu ditugu: Kataluniako buruzagi independentisten aurkako epaiketa, apirilaren 28ko espainiar Estatuko hauteskundeak eta martxoaren 8ko greba feminista.
'Green book', 'Bohemian Rhapsody' eta 'Roma', protagonistak Oscar sarietan

2019-02-25
Bohemian Rapsody pelikulak lau sari jaso ditu. Rami Malek, lehen aldiz nominatua izan eta irabazi egin du gizonezko aktorerik onenaren saria. Alfonso Cuaronek zuzendaririk onenarena jaso du, Roma filmagatik. Horretaz gain, pelikula honek irudirik onenaren eta ingelesez besteko filmik onenaren saria ere jaso ditu. Emakumezko aktorerik onenaren saria Olivia Colmanek jaso du, The Favourite filmarengatik. Honena ere lehen nominazioa izan da. Animaziozko filmik onenaren saria, lehen aldiz, zuzendari beltz batek, Peter Ramseyk, jaso du Spiderman: Into the Spider-Verse filmagatik. Lehenengoz, baita, eskuratu du Oscar bat Spike Lee zuzendariak, gidoi egokiturik onenaren atalean, BlacKkKlansman filmagatik. Hala ere, pelikularik onenaren saria eta preziatuena Green Book-ek eraman du.
Euskaltzaindiak eta Bilboko udalak euren lankidetza-hitzarmena berritu dute

2019-02-25
Euskara eta euskal kultura sustatzeko lankidetza-hitzarmena sinatu dute Bilboko Udalak eta Euskaltzanidiak. Udalak 35.500 euroko diru-laguntza emango dio Euskaltzaindiari eta Euskaltzaindiak, Udalari aholkuak emateaz gain, Bilborekin eta euskararekin lotura duten pertsonaien lanak eta biografiak argitaratzeko konpromisoa hartzen du akordioaren bitartez.
 
bannerra

bannerra