Skip to main content

Bilbo

Lesbos uharteko Moriako migratzaileen kanpalekua kiskali da

2020-09-09
Bart gauean sua piztu da Moriako migratzaileen kanpalekuan, Lesbos uhartean. Protestetan piztu ziren suteak. Izan ere, kanpalekuetan 35 koronabirus kasu baieztatu dituzte orain arte, eta bart beste 125 lagun jarri zituzten berrogeialdian, baina kanpalekuko arduradunek ez zieten inolako azalpenik eman horiei, eta protestak piztu ziren. Zaporeak elkarteko kideek laguntza eskatu dute, eta diru ekarpena bi kontu korronte jarri dituzte herritarren eskura: ES32 2095 5011 80 9115250322 (Kutxabank) eta ES71 3035 0103 88 1030035880 (Laboral Kutxa).
Londresek tentsioa areagotzen jarraitzen du Brexiterako negoziaketaren zortzigarren txanda hasi berritan

2020-09-09
Boris Johnson-en exekutiboak urrian adostutakoa ez betetzearekin mehatxatu du Europa. Hain zuzen, ipar irlandari dagokion akordioaren zatia berrikusiko du Erresuma Batuak, iragarri dutenez, aurrera atera asmo duten lege berriaren bitartez. Onartu dute, gainera, nazioarteko legedia urratuko lukeela horrek.
Eskolara buelta, ikasgelen itxierekin eta konfinatutako haurrekin

2020-09-09
Eskolara buelta ikasgelen itxierekin eta konfinatutako haurrekin hasi da zenbait udalerritako ikastetxeetan. Bestetik, koronabirusaren tratamenduari dagokionez, txertoa eskuratzeko mundu mailako lasterketan eten egin da. Izan ere, AstraZeneca farmazeutikak koronabirusaren aurkako txertoa lortzeko entsegu klinikoa etetea erabaki du.
Ion Ansa (Analista politikoa): “Lakuak inplizituki onartu du autonomiak dituen bi alor garrantzitsuenetan ez dituela gauzak espero bezain ondo egin”

2020-09-09
Iñigo Urkulluren hirugarren Gobernuko hamaika sailburuek euren kargua hartu dute Ajuria Enean. Ekitaldian, arduraren lehendabiziko zina Josu Erkorekak egin du, izan ere, berebiziko garrantzia izango du bozeramaile ohiak Eusko Jaurlaritza berrian. Badirudi, pisu politikoa lehenetsi duela Urkulluk Gobernuaren eraketan. Hala adierazi du Ion Ansa analista politikoak ere, esanez, aurreko legealdiarekin alderatuta, alderdiko egiturek pisu handiagoa dutela Lakuaren osaketa berrian.
Lehen gobernu kontseiluaren aurretik hartu dute kargua sailburu berriek

2020-09-08
Hasi du ibilbidea Iñigo Urkullu buru duen Lakuako Gobernu berriak, hamaika sailburuen kargu hartzearekin batera. Izan ere, sailetako buruek karguak hitzeman ondoren, lehen aldiz bildu da XII. legegintzaldiko Gobernu Kontseilua. Horretan, koronabirusak eragindako krisitik ekonomia suspertzea izan da eguneko gai nagusia.
Aleksei Navalni Errusiako oposizioko kidea komatik esnatu da

2020-09-08
Ospitaleratua egin den Berlingo zentrotik adierazi dutenez, “hitzezko estimuluei erantzuten die”. Iragan astean Alemaniako Gobernuak aditzera eman zuen, "Novichok motako agente neurotoxiko batekin" pozoitu zutela Navalni Errusiako oposizioko kidea, nabarmenduz “arma kimikoekin egindako atentatu baten biktima” izan dela oposizioburua. Berlingo ospitaleak orain ateratako oharrean zehazten da “oraindik goizegi” dela pozoitzeak epe luzera eragin dakizkiokeen ondorioak antzemateko eta aztertzeko.
 
bannerra

bannerra