Skip to main content

Bilbo

Caja Rural eta Euskadi Murias La Vueltan lehiatzeko gonbita jaso dute

2019-05-07
Abuztuaren 24an Torreviejan abiatuko den lasterketak, Burgos BH eta Cofidis gonbidatu ditu baita. Caja Rural-ek eta Euskadi Murias-ek ilusioz jaso dute albistea eta biek ala biek maila altua eskaintzea espero dute. Gogoratu, aurten ere, Espainiako Itzuliak Euskal Herria zeharkatuko duela. Batetik, Donapaleu eta Urdazubi lotuko dituen etapan eta bestetik Los Arcos-eko zirkuitoa eta Bilbo arteko ibilbidea eginez.
Markel Susaetak ez du Athletic-en jarraituko

2019-05-07
Eibartarrak 22 urte eman ditu Lezaman, horietariko 10 zuri-gorrien lehen taldean eta guztira 506 partida jokatu eta 56 gol sartu ditu. Hala klubak, agiri hotz eta berantiar baten bidez agurtu du, Susaetak ez du Ibaiganeren berririk izan hilabeteetan zehar eta, ondorioz, azken orduan jasotako eskaintza errefusatzea erabaki du.
Supersur handitzearen aurkako jaia egingo dute maiatzaren 11n

2019-05-07
Supersur Handitzeari Ez plataformak agerraldi berria egin du gaur bilbon, autobidea eraikitzeak suposatuko dituen ondorioak salatzeko eta Bolintxu araneko desagerpena berriro ere mahaian jartzeko. Honekin batera, larunbatean kontzientziazio jaia egingo dutela aurreratu dute. Bertan, Bolintxutik ibilaldia ez ezik, bertsolariak, herri bazkaria, giza katea eta kontzertuak egingo dituzte, besteak beste.
Kirol indarkeriaren aurkako telefonoa jarri du martxan WATS Team-ek

2019-05-07
Startup euskaldunak Euskaltelekin batera abiatu du proiektua. 688 655 099 zenbakira deituta salatu ahal izango dute biktimek eta lekukoek erasoak eta 24 orduko epean erantzuna jasoko du erabiltzaileak. Aditu talde batek indarkeria mota identifikatu eta dagokion protokoloa jarriko du martxan epe horretan.
Txus Martin preso gaixoari emandako tratu 'krudela' salatu du Sarek

2019-05-07
Egoera ikusita larriki gaixo dagoen presoaren kaleratzea eskatu du gaur Bilbon. Euskal presoen eskubideekiko errespetua eskatu du, eta larriki gaixo dauden presoen kasuan, dagokien tratamendua espetxetik kanpo eta senideekin jaso ahal izateko aukera izatea. Eusko Jaularitzaren delegaritzaren aurrean izan da elkarretaratzea. Izan ere Herrizaingo Sailaren jarrera salatu nahi izan dute, autoaren interpretazio esan dute murriztailea eta Ertzaintzaren presentzia handitzen zuena gelaren barruan. Hala ere, adierazi dute zaintza modua aldatu egin dela azken orduetan. Ertzaintzak jarrera aldatu arren, Sarek elkarretaratzeari eustea erabaki du, Txusek eta bere senideek jasan behar izan duten tratua salatzeko eta larriki gaixo diren presoen berehalako etxeratzea eskatzeko.
Balizko aliantzak eta gobernu akordioak, maiatzaren 26ko gauaren ondoren iritsiko dira

2019-05-06
Hego Euskal Herriko alderdi politikoak, apirilaren 28ko bozen ondoren, maiatzaren 26ko hauteskundeetara begira daude. Orduan finkatuko dira, balizko gobernu aliantzak. Bestalde, epaileek argi berdea eman diete Carles Puigdemont, Toni Comin eta Clara Ponsatí-ri Europako parlamentuko hauteskundeetarako hautagai izateko. Guzti honen inguruan aritu gara Elsa Pamparacuatro eta Izaskun Duquerekin batera.
 
bannerra