Skip to main content

Bilbo

Lehen lekualdaketak Lesbosen, protesta artean

2020-09-14
Milaka pertsonek jarraitzen dute errepide bazterretan bizitzen, Moriako kanpalekuko sutearen ostean, Lesbos uhartean. Atzo hasi ziren lekualdaketak, Morian bizi ziren 12.000 pertsonetatik 3.000 baino hartuko ez dituen kanpaleku berrira. Greziako agintarien arabera, guztientzako lekua egongo da, baina migratzaileek eta errefuxiatuek uko egiten diote lekualdaketari, eta “infernutik atera eta kontinentera iristea” eskatzen dute.
"Etorkizunera begiratzeko" erabakirik ez Morian

2020-09-11
Lesboseko irlan lanean diharduen Zaporeak elkarteak jakinarazi duenez, lantaldearekin kontaktu zuzena duen pertsona batek positibo eman du PCR proban eta, ondorioz, segurtasuna lehenesteko, elkarteko kideei ere PCR probak egingo dizkiete eta berrogeialdian jarriko dira emaitzak jakin arte. Hori dela eta, gaur sukaldea itxita izango dutela jakinarai dute. Eta, desinfektatu bitartean, beste Gobernuz Kanpoko erakundeekin aztertuko dituzte kozinatzeko aukerak. Malen Garmendia Zaporeak Lesbosen duen koordinatzailearekin hitz egiteko aukera izan dugu, eta, Moriako uneko egoera kontatu digu. Adierazi duenez, oso latza da uneko egoera.
Handitzen ari da COVID19aren ondorioz itxi dituzten ikastetxeen zerrenda

2020-09-11
Sei dira dagoeneko ateak itxi dituzten zentroak. Are luzeagoa da kasuren bat antzeman eta ikasle taldeak bakartu behar izan dituzten zentroen zerrenda. Horiek horrela, EAEko sindikatuek protestei eutsiko dietela iragarri dute, aste honetan Jokin Bildarratz Jaurlaritzako Hezkuntza sailburu berriarekin bildu ostean ere.
Ipar Euskal Herria "gune gorri" izatera pasa da

2020-09-11
Erabakia Parisen hartuko dute, baina Akitania Berriko Eskualdeko Osasun Agentziaren txostena zehatza da. Jakinarazi duenez, Ipar Euskal Herria parte den Pirinio Atlantikoetako departamendua, Girondekoa bezala, "arrisku handiko eremua" izango da. Horrek suposatzen du mugikortasuna mugatuta izango dutela biztanleek, gehienez 100km-ko zirkulu batera. Honekin batera, Pirinio Atlantikoetako prefeturak epidemiaren hedapena geldiarazteko neurri murriztaileagoak hartzeko atea irekitzen da. Frantziako Gobernuaran azken asmoen artean dago, berrogeialdia betetzeko epea astebetera murriztea. Momentuz, herritar guztien konfinamendua baztertuta dago, baina bilerak murrizteko aukera aztertzen ari dira, baita pribatuak ere, Erresuma Batuko ereduari jarraituz. Azken 24 orduetan ia 10.000 kasu berri erregistratu dira Frantzian. Azken bi asteetan, 130 kasu erregistratu ditu herrialdeak ehun mila biztanleko, Europako tasarik handienetako bat.
Haserre Gaua, «espetxe politika hiltzailearen» kontra

2020-09-11
‘Haserre Gaua’ izeneko mobilizazioa deitu du Sortuk Bilbon larunbat gauerako. Igor Gonzalez Sola euskal presoaren heriotzaren ostean, Gobernu espainolaren «inakzioa» salatzeko eta espetxe-politikaren aldaketa bat exijitzeko antolatu da ekimena.
Hezurren memoria, Ahotsenea eta Zinemaldia

2020-09-10
Indar berriz, astero kulturak bere zabalenean eskaintzen digunari erreparatuko diogu denboraldi berri horretan ere eta aste honetan gai anitzek hartuko dute gure saioa.
 
bannerra

bannerra