Skip to main content
bannerra

Bilbo

Iñigo Muguruzari omenaldia egingo diote abenduaren 17an Bilboko Kafe Antzokian

2019-11-12
Kortatu, Delium Tremens, Negu Gorriak, Joxe Ripiau, Sagarroi eta Lurra taldeko musikaria izan zen Iñigo Muguruza, Irailaren bostean hil zen esklerosi anizkoitzaz jota 54 urte zituelarik. Sei taldetan aritu ostean, 2017an Lurra taldea utzi behar izan zuen, sufritzen zuen gaitzagatik. Ordea, bere azkenengo lan musikala Hiru Leike izeneko bikotea izan zen, honetan gitarra distortsionatua jotzen zuelarik.
Koalizio-gobernua osatzeko akordioa egin dute PSOEk eta Unidas Podemosek Espainian

2019-11-12
Pedro Sanchez eta Pablo Iglesiasek gobernu-akordioa izenpetu dute Espainiako Kongresuan. Gobernu aurrerakoia osatzeko bidea irekitzen duen akordioa dela adierazi dute, baita lurralde krisiari aurre egiteko ere. Dirudienez, indar subiranisten abstentzioa beharko du Sanchez-ek presidente izateko.
Mexikok asilo politikoa eman dio Evo Moralesi

2019-11-12
Mexikoko hegazkin ofizial batean eraman dute Boliviako presidente ohia. Horrela, Andres Manuel Lopez Obradorren eskaintza onartu du Evo Moralesek.
Kirolean aplikatutako teknologiek ezagututako mugak gainditzea ahalbidetzen dute

2019-11-12
Teknologia aspaldi hasi zen kirolean aplikatzen. Gorputza mugaraino eramatearekin batera, aplikatutako teknologiak muga hauek gainditzeko aukera ematen digute, baina, zein preziotan? Adituek, teknologiaren onurak onartzen dituzte, baina baita ere zenbait kezka mahai gainera ekarri dituzte, tartean, berehalako emaitzak bialtzea, lesio berriak agertzea edota osasun frogak ez egitea. Dena errendimendu hobeago baten mesedetan, dena markak husteko.
Eba Blancoren izendapena eten du epaileak behin-behinean

2019-11-12
Eusko Alkartasuneko idazkari nagusia izateko izendapena, behin-behinean baliorik gabe utzi du epaileak. Izan ere, alderdiko erroldara salbiderik izan ez dutela salatzeko, alderdiko sektore kritikoak auzitara jo zuen. Hauteskunde primarioetan desabantailan egon direla argudiatuz.
Celtics eta Lakers, garai zaharretan bezala; Athletic-ek Berlineko harresia gainditu zueneko eguna

2019-11-11
Hiru aste igaro dira, NBA-ko denboraldi berria abiarazi zenetik eta, orain arte, Boston Celtics eta Los Angeles Lakers talderik sendoenak dira. Koldo Tellitu eta Olatz Foruriarekin batera, Luka Doncic-ek emandako maila, Curryk edo Hayward-ek pairatutako lesioak edo frankizia ezberdinen bilakaera aztertu ditugu. Futbolean, atzera egin eta Berlineko harresiaren erorketaren urteurrenean, Athletic-ek 1986ko udazkenean Magdeburgon jokatutako partida gogoratu dugu Endika Guarrotxenarekin batera. Azken kromoan, Nadia Nadim-en figura izan dugu hizpide eta Alessandro Rutak Jean Marc Bosman-en soslaia osatu digu.
 
bannerra

bannerra