Skip to main content

Bilbo

Emakume baten aurkako erasoaren aurrean Azkuna Zentroaren eta Lanaldenen "utzikeria" salatu du LABek

2020-01-21
LABen Pikete feministak mobilizazioa egin du gaur Azkuna Zentroan, abuztuan bertako langile batek pairatutako eraso sexistaren aurrean erakutsitako pasibotasuna salatzeko. Erasoa, Alondegiko zabaltzan, atikoan, gertatu zen. Emakume langilea bere lanpostua ez zen batera bidali eta bakarrik zegoela aprobetxatuz, gizon bat oldartu zitzaion. Jarraian, emakumeak, salaketa jarri zuen. Hurrengo egunean, postu berberera bidali zuen enpresak, segurtasunaren inguruko ez-ohiko neurririk hartu gabe, ezta inolako protokolorik martxan jarri gabe. Azkuna Zentroak, LABen baieztapenak erabat gezurtatu ditu, azalduz, langilea artatu zutela erasoaren ostean eta salaketa jartzerako momentuan. Gainera, erasoa gertatu zen tokian segurtasuna handitu zutela adierazi dute, langile bat beharrean bi langile jarriz, horrelako egoerak ekiditeko.
Ukrainako hegazkinaren aurka bi misil jaurti zituztela baieztatu du Iranek

2020-01-21
Hilaren 8an Irango Indar Armatuek eraitsi zuten Ukrainako hegazkina. Azken orduetan argitaratutako ikerketaren atariko txostenaren arabera, Ukrainar Nazioarteko aire-konpainiaren Boeing 737 hegazkinaren eraispena bi Tor-M1 misilen jaurtiketaren ondorioz gertatu zen.
Jasaten duten "lan-esplotazioa" salatu dute epaitegietako garbitzaileek

2020-01-21
Bilbon, pairatzen dituzten lan baldintzak salatzeko elkarretaratzea egin dute epaitegietako garbitzaileek, ELA sindikatuak deituta. Zapalduta sentitzen direla eta lan karga egunetik egunera handitzen dietela nabarmendu dute epaitegi atarian egin duten protesta ekimenean.
Lau urteko agintaldi plana aurkeztu dute Bilboko udaletxean

2020-01-21
Hamar hiri-proiektu handiz eta hamar ekintza-ildoren inguruko 100 ekintzez osatutako egitasmoa aurkeztu du gaur Bilboko udal gobernuak. EAJk eta PSEk bildutako gehangoari esker martxan jarri da eta Bilbo ``kohesionatuago´´ eta ``iraunkorrago´´ bat sortzea du helburu.
U30eko grebarekin bat egitera deitu dute Hego Euskal Herriko pentsiodunek

2020-01-21
Beren helburuak lortu arte, mugimendu sozial eta sindikalekin borrokan bat egingo dutela azaldu dute elkarretaratzera hurbildu direnek. Nabarmendu dutenez, bi urtetan zehar beren mobilizazioak mantendu dituzten arrazoi berberek eraman dituzte hilaren 30eko mobilizazio orokorrarekin bat egitera.
Trumpek "iruzurtzat" jo du haren aurka abiatuko den epaiketa politikoa

2020-01-21
Presidentea kendu edo ez bozkatu beharko dute Senatuan. Leporatzen zaiona da "botereaz abusatzea" eta haren aurkako ikerketa "oztopatzea". Epaitegi bilakatuko da, hala, goi ganbera. Mutch McConnel errepublikarrak aurkeztu du “impeachment”-erako arauen ebazpena. Akusazioak eta defentsak 24 ordu izango lituzkete arauen earabera kasua aurkezteko eta beren argumentuak plazaratzeko. Ebazpen hau Senatuak onartuz gero, argumentazio-saioak asteazken honetan hasiko liratezke.
 
bannerra

bannerra