Skip to main content

Bilbo

LABek Arcelor Mittaleko aldi baterako lan erregulazio espedientea auzitegietan salatuko du

2020-05-22
Sindikatuak ohar batean zehaztu duenez, enpresak espediente berriaren negoziazio mahaiaren bilera berria deitu aurretik, eramango du auzitara, Lan Ministerioari oposizio txostena aurkeztu ondoren. LABek ez du erregulazio horren beharrik ikusten, "enpresak ez duelako egiaztatu covid19ak bertan izan duen eragina”. Ziurtatu du Euskal Herriko “lantoki eta langile guztiei” eragingo diela neurriak, nahiz eta duela gutxi enpresak jakinarazi ez zela hala izango. LABek gogorarazi duenez, “Arcelor Mittal Espainian hamaika urtez jarraian aldi baterako lan erregulazio espediente bat aplikatzen ari den enpresa bakarra da, “gaur egun indargabetuta dagoen legedi bati esker”.
Gorka Orive (Farmazia irakaslea): "Zientziaren ahalegina izugarria izaten ari da"

2020-05-22
Hainbat aste igaro dira alarma-egoera ezarri zenetik. Une honetan, immunitateari buruz aspektu gehiago ikasi eta aztertzea dagokio zientzian diharduen komunitateari. Bereziki, koronabirusari aurre egiteko txertoa aurkitzeko bilakaerari dagokionean. Hortaz aritu da Gorka Orive Euskal Herriko Unibertsitateko Farmazia irakaslea. Esan duenez, kutsatuen olatu berririk izango den eta egotekotan, noiz gertatuko den, dira momentuko galderak. Horretan, testek berebiziko garrantzia hartzen dute eta, noski, txertoaren inguruko ezbaia ere hor dago. Oriveren hitzetan, hipotesiak kontrastatze aldera, berri onak espero dira.
Hegoaldeko 10.001 biztanletik beherako eta kilometro kuadroko 100 herritar baino gutxiagoko herrietan ez dago kalera ateratzeko ordutegirik

2020-05-22
Udalerrian erroldatuta daudenei edo azken hamalau egunetan hor bizi izan direnei eragiten die. Espainiako Gobernuak argitaratutako agindua bigarren fasera arte izango da indarrean, printzipioz, astelehena bitarte EAEn eta Nafarroan. Hala ere, biztanle kopurua eta dentsitatearen irizpideak, biak, betetzea derrigorrezkoa da eta Hego Euskal Herrian ez dute herri gehienek bigarrena betetzen. Hala ere, Madrilek agindu du, bigarren fasera pasatzen diren herrialdeetan ez dela ordutegi tarterik izango.
Koronabirusak 5 milioi pertsona baino gehiago kutsatu ditu mundu osoan

2020-05-21
Horrela baieztatu du gaur Osasunaren Mundu Erakundeak. Izan ere, gaitza hasi zenetik, atzo izan zen positiborik gehien eman den eguna. Azken 24 orduetan 106 mila kasu eman dira.
Derrigorrezkoa da Hego Euskal Herriko leku publikoetan maskarak erabiltzea

2020-05-21
Gaurtik aurrera derrigorrezkoa da Hego Euskal Herriko leku publikoetan maskarak erabiltzea, 2 metroko segurtasun distantzia bete ezin denean. Ipar Euskal herrian, ordea, derrigorrezko erabilera garraio publikora mugatzen da, nahiz eta Frantziako gobernuak espazio publikoetan erabiltzeko gomendioa eman duen.
Liburugintza Covid-19 garaian, Nazioarteko Museoen Eguna eta "Bolante baten historia" dokumentala

2020-05-21
Aste honetan, ARTEKALEn, COVID19aren krisiaz liburugintzan Joxe Mari Sors Euskal Editoreen Elkarteko buruarekin. Gainera, “Bolante baten historia” dokumentala, Nazioarteko Museoen eguna eta Susana Bera fotokazetari iruindarra izango ditugu hizpide.
 
bannerra