Skip to main content

Bilbo

Gorka Julio (Talaios koop): "Egun gure harremanak eta trazabilitatea erraz aztertu daitezke mugikorretako geolokalizazioa erabiltzen duten aplikazioekin"

2020-05-14
Koronabirusaren pandemiari aurre egiteko hainbat aplikazio kaleratu dituzte gobernu eta erakunde publikoek mundo osoan zehar. Horrekin jendearen mugimendua kontrolatu nahi da, positibo ematen dutenek nondik ibili diren jakitea da ideia. Horrek polemika sortu du, aplikazio hauek erabiltzailearen pribatutasuna zalantzan jartzen dutelako.
Kulturaren egoera aztergai

2020-05-13
Aste honetan, Artekalen, antzerkiari helduko diogu gure elkarrizketan. Horretarako Iñaki Ziarrusta Atx teatroa konpainiako kidea gonbidatu dugu eta itxialdiak kulturan ekarri duen krisiaz solastu gara berarekin. Honekin batera, Bernard Clement argazkilari iruindarraren online erakusketa erakutsiko dizuegu eta bukatzeko, Errekaleor ezagutzera gonbidatuko zaituztegu. Bertan, auzolanaren eta artearen bitartez, auzo oso bat berpiztu dute, Gasteizen.
Eusko Jaurlaritzak astebete atzeratu du EAEko ikastetxeen irekiera

2020-05-14
Eusko Jaurlaritzak aste bat atzeratu du EAEko eskolen irekiera. Hasierako data hurrengo astelehena, maiatzak 18, izango bazen ere, eskolak irekitzeko lehenengo fasea igaro behar denez maiatzaren 25era atzeratzea erabaki du. Argitu beharra dago ez dela irekitze orokorra izango; borondatez irekiko dira ikastetxeak, hau da, kasuan kasu erabakia, baimentze dataren ostean, eskola bakoitzarena izango da.
Koronabirusaren krisiak azaleratutako hainbat gai landuko dituzte Gure Eskuren solasaldi digitalen ziklo berrian

2020-05-14
Itziar Ferron eta Karlos Ibargurenen berbaldia izango da eskuragarri egongo den bigarren txanda honetako lehena, zaintzari buruz.Hizlariak, ordu erdiz dagokien gaiari buruz egiten duten egoeraren analisiaz eta euren ustez behar diren aldaketez eta hartu beharreko erabakiez mintzatuko dira. Oraingoan, zaintzarekin hasiko dira eta krisi ekonomikoa, teknologia, euskara eta klima eta natura ere jorratuko dituzte. Aurreko zikloaren arrakasta ikusita Josu Etxaburu bozeramaileak esker hitzak izan ditu hizlarientzat.
Hego Euskal Herriko herritarren %4,4k garatu du immunitatea

2020-05-14
Carlos III.a Institutuaren seroprebalentziari buruzko ikerketaren lehen emaitzen arabera, Hego Euskal Herritarren 127.000k baino gehiagok izan dute koronabirusa. Gogoratu behar da Nafarroan eta EAEn 25.862 kasu atzeman direla momentuz. Hau da, Hego Euskal Herrian PCR testarekin eta test azkarrekin detektatutako positiboak zirkulazioan dauden kasu errealen % 20ra baino ez dira iritsi. Amaitu gabeko ikerketa da, baina argi uzten du talde inmunitatera heltzeko, %60ra alegia, tarte "handia" dagoela.
Everest 1980: Herri oso bat gailurrean, Felipe Uriarte eta Ramon Olasagastirekin

2020-05-14
1980ko maiatzaren 14a egun historikoa da euskal kirolarentzat eta gure jendartearen iruditegi kolektiboan iltzatuta geratu den lorpena eskuratu zuten Martin Zabaleta hernaniarrak eta Passang Temba sherpak. Espedizio horren balentriak eta gailurrean utzitako mezuak oihartzun zabala lortu zuen. 40 urte beranduago, Everesten izandako Felipe Uriarterekin zein "Herri oso bat gailurrean" liburuaren egile Ramon Olasagastirekin mintzatzeko aukera izan dugu.
 
bannerra