Skip to main content

Bilbo

Azkena Rock eta BBK Live jaialdiak bertan behera gelditu dira

2020-05-13
Koronabirusa dela eta bi musika jaialdiak bertan behera gelditu dira
Sindikatuek Eusko Jaurlaritzari eskatu diote langileen zein ikasleen osasuna "bermatzeko" neurriak har ditzala

2020-05-13
Jaurlaritzak Bilbon duen egoitzan egin dute elkarretaratzea ELA, LAB, Steilas, CCOO eta UGT sindikatuetako ordezkariek. Kexu agertu dira EAEko gobernuaren azken iradokizunarekin. Hezkuntza Sailak adierazi zuen zentroetako zuzendaritzek erabaki beharko dutela zein ikasle bueltatu behar den klasera eta zein ez. Erantzukizuna administrazioarena dela iritzita Lakuari bere ardurak bere gain har ditzan eskatu diote eta langileen zein ikasleen osasuna bermatzea ahalbidetuko duten baldintzak eta neurriak hezkuntza komunitatearekin adosteko ere.
Koldo Tellitu (Ikastolen elkartea): "Hurrengo kurtsora begira, Atik Zra doazen planekin eraiki behar ditugu"

2020-05-13
Elkarrizketaren tartean, Euskal Herriko Ikastoletako Koldo Telliturekin hitz egiteko aukera izan dugu. Bertan, maiatzaren 18an zentroak irekitzea deskartatutzat eman du, arlo juridikoan zalantzak daudelako eta oraindik ere ez dutelako Eusko Jaurlaritzaren segurtasun plana.Horrekin batera, hurrengo ikasturtea ondo prestatzearen garrantzia azpimarratu du, etor daitezkeen ataka berriei heldu ahal izateko.
Koldo Tellitu (Ikastolen Elkartea): "Maiatzaren 18an itzultzea ia deskartatuta dago"

2020-05-13
Elkarrizketaren tartean, Euskal Herriko Ikastoletako Koldo Telliturekin hitz egiteko aukera izan dugu. Bertan, maiatzaren 18an zentroak irekitzea deskartatutzat eman du, arlo juridikoan zalantzak daudelako eta oraindik ere ez dutelako Eusko Jaurlaritzaren segurtasun plana. Honatx solasaldiaren aurrerapena. Elkarrizketa osoa, 20:00etatik aurrera, Hamaika Telebistan (LTD eta Euskaltel bidez) eta www.hamaika.eus gure webgunean.
Mikel Balenziaga: “Horrelako arazoak etortzen direnean guztia erlatibizatzen saiatu behar gara"

2020-05-12
50 egun eta gero, La Ligako gizonezkoen taldeek berdegunea zapaldu dute berriro. Berrogeialdiko neurriak leundu bezain laster, jokalariek zelaian entrenatzeari ekin diote. Liga ekaina erdialdean hasteko asmoa daukate, erkidego guztiak era berdintsuan egiten badute aurrera. Futbola egun ezagutu dugun bezala erabat desberdina izango da, berezitasunen artean 5 aldaketa, hasierako agurrik ez, test azkarrak partidaren bezperan edota ikuslerik gabeko norgehiagokak daude. Hamaika Telebistan, Athletic-eko Mikel Balenziagarekin hitz egiteko aukera izan dugu.
Tabernetan tartea uzten ez dutenei isunak jarriko zaizkiela iragarri dute Bilboko eta Gasteizko alkateek

2020-05-12
Atzo tabernak itxi behar izan zituzten Bilboko erdiguneko Ledesma kalean. Eguerdian jendea pilatu egin zen, eta askok ez zuten utzi bi metroko tartea. Udaltzainak kale horretara joan ziren, eta arauen berri eman zieten tabernariei, baina ez zuten isunik jarri. Orduan, tabernariek terrazak itxi zituzten urruntzeko neurriak betearazteko modurik ez zutela argudiatuta. Bilboko Zapikaleetan ez zen arazorik egon. Pilaketok berriz jazo ezin direla ohartarazi du Juan Mari Aburto Bilboko alkateak, eta zigorrak «zalantzarik gabe» ezarriko dituztela esan du.
 
bannerra