Skip to main content

salaketa

Gipuzkoako 30 familiak salaketa jarri dute Kutxabanken aurka

2014-05-21

Gipuzkoako 30 familiak salaketa jarri dute Kutxabanken aurka, IRPH indizea aplikatzeagatik. Eguerdian jarri dituzte salaketak Donostiako Merkataritza Arloko Epaitegian, eta 14:00etan prentsaurrekoa eman du Gipuzkoako IRPH Stop plataformak.

EH Bilduk La Razón egunkariaren aurkako salaketa jarriko du

2014-05-14

Pasa den astelehenean La Razón egunkariak honako titularra jarri zuen azalean: "ETA inscribe a EH Bildu como partido para que sea el sucesor de Batasuna". Hori dela eta EH Bilduk egunkari espainiarraren aurkako salaketa jarriko du. Kasu honek zein bestelako hedabideek maiz izaten dizuten gisako jokaerek bi helburu dituztela esan du koalizioak. Batetik, koalizioaren inguruko zalantzak piztea eta bestetik Euskal Herriko normalizazio prozesua zapuztea. Aurrerantzean ere halako jokabideak errepikatuz gero, epaitegietara joko dutela iragarri du EH Bilduk.

Elkarretaratzeak egin ditu Ongi Etorri Errefuxiatuak elkarteak Turkiako eta Greziako Kontsulatuen atarietan

2020-03-04
Horren guztiaren aurrean, Eusko Jaurlaritzari eta Espainiar Gobernuari herrialde horietan esku-hartzeko eskatu diete elkarteko kideek, eta Europar Batasunari errepresioan oinarritutako politikak baztertu eta giza eskubideak errespetatzeko.
11/13 makroepaiketako auziperatuei elkartasuna erakutsi die Ernaik

2019-09-12
Madrilen epaituko dituzten 47en alde Ernai gazte antolakundeak deituta, mobilizazioak egon dira gaur eguerdian Hego Euskal Herriko unibertsitate campusetan. Astelehenetik aurrera Madrilen epaituko dituzte 47 euskal herritar presoen eta euren senide eta lagunen eskubideen alde lan egiteagatik. Gazte antolakundeak adierazi du tribunal arrotzetan ebatziko dutela, beste behin ere hamarnaka euskal herritarren etorkizuna. Horregatik, elkartasuna adierazi nahi izan die epaituak izango diren kideei eta haien senide eta lagunei. Nabarmendu dute gatazkak elikatzen dituen sektore erreakzionarioentzat “goxokia” dela makroepaiketa hau. Hala, larunbateko Bilboko manifestazioan parte hartzeko deia egin du.
ELA sindikatuak Gasteizko epaitegiari eskatu dio Osakidetza Garapen Profesionala ordaintzera behar dezala

2019-09-10
Osakidetzak ez ditu ordaindu oraindik 2011ko Garapen Profesionalaren deialdiari dagozkion diru-sarrerak, ELA sindikatuak salatu duenez. 10.000 langileri eragiten dien auzia da. ELA sindikatuak 2018ko maiatzean irabazi zuen epai batek ordaintzera behartzen du Osakidetza. Epai horrek jasotzen du Osakidetzako langileei soldata-osagarri bat kendu zietela nominatik. Momentu honetan, zorra 130 milioi eurokoa da. Egoera horren aurrean, ELAk epaitegiari eskatu dio Osakidetza behar dezala epaia betetetzera.
Mediterraneora itzuliko da Aita Mari ontzia, erreskaterako baimenik gabe ere

2019-07-01
Itsasoan erreskate lanak egiteko baimenak lortu gabe ere Greziara Itzuliko da Aita Mari ontzia. Hala iragarri dute gaur Pasaiako badian, ontziaren ondoan, egindako elkarretaratzean. Atzo iritsi zen ontzia Euskal Herrira, dituen matxura batzuk konpontzera. Hilabete eman dute Grezian, Egeo itxasoko irletako kanpamentuetan dauden migratzaileei mediku laguntza eskeintzen. Denbora honetan ezin izan dute itsasoan erreskate lanik egin, hasiera batean euren asmoa hori zen arren. Gobernu espainiarrak ez die oraindik horretarako baimenik eman. Estatu espainarraren itsas eremuan 240 lagun hil dira aste honetan bertan, Kanariar irletara iritsi nahian hildakoak ere aintzat hartuta. Gaineratu dute Aita Mari ezarritako lege mugak legez kanpokoak direla, eta salaketa formal bat egiteko asmoa dutela adierazi dute.