Skip to main content
bannerra

kanpaina

Espainiako hauteskundeen laugarren eguna

2019-11-04
Euskal Herriko alderdiek Madrilera eramango dituzten proposamenak mahai gainean jartzen dihardute. EH Bilduko Mertxe Aizpurua Espainiako Kongresurako Gipuzkoako zerrendaburuak gaineratu du emakume feministak ordezkatuko dituen ahots indartsua behar dela Madrilen. EAJk Euskadi agendan sartzeko eskatu dio Sanchezi. Aitor Esteban EAJko Madrileko bozeramaileak herritarren arazoei begiratu behar zaiela nabarmendu du. PSEri dagokionez, inkestek garaile jartzen duten arren, arriskua dagoela esan du gaur Patxi Lopezek. Atsekabea gainditzeko deia egin du Elkarrekin Podemosek eta haserrea boto bihurtzeko eskatu.
Jaietan eraso matxisten aurka egiteko prestatu duen kanpaina aurkeztu du Donostiako Udalak

2019-07-12
Udako jai denboraldia hasten ari den honetan, eraso matxiten aurka egiteko prestatu duen kanpaina aurkeztu du Donostiako Udalak. "Baietzik gabe ezetza da" izango da aurtengo kanpainaren leloa. Donostiako udaletxean egindako aurkepen ekitaldian, Eneko Goia alkateak azpimarratu du gizarte osoari eragiten dion gai bat dela indarkeria matxista, eta beraz gizarte osoaren ardura dela honi aurre egitea. Bereziki nabarmendu nahi izan du gizonezkoek halako jarreran aurrean erreakzionatzeko duten ardura. Erasoak eta tratu txarrak ekiditeko gomendioak biltzen dituzten liburuxka batzuk banatuko dituzte. Bi liburuxka mota izango dira: Gizonei bideratutakoa bata eta emakumezkoei bideratutakoa bestea. Hazitzaile horiek izango dira materiala banatuko dutenak. Horrez gain, informazio puntu berezi bat jarriko da Karmengo jaietarako, Jazzaldirako, Euskal jaietarako eta estropadetarako.
Plastikoaren erabilera murrizteko mundu mailako kanpaina jarri dute abian

2019-06-05
Plastikoaren kontsumoa murrizteko astea hasi zen ekainaren 3an eta ekainaren 9ra arte iraungo du. Nazioarteko Ozeanoen Egunaren harira, plastikozko ontzi edo poltsetan datozen elikagaiak ez kontsumitzeko deia egin du Zero Waste mugimenduak. Horrekin lortu nahi dutena da saltoki handiei eta multinazionalei presioa egitea. Gaur egungo material kutsatzaileenen artean dago plastikoa. Horregatik, mugimendu ekologistak denbora darama jendartea kontzientziatzen plastiko kontsumoa murriztu eta erabilitakoa birzikla dezan. Hain zuzen, Zero Waste mugimenduak plastikorik gabeko astea ekimena jarri zuen abian plastikoak eragiten duen kutsaduraren inguruan kontzientzia piztu eta, era berean, kontsumo ohituretan aldaketak eragiteko. Erosketak egiteko poltsan zer sartu hautatzeak duen garrantzia nabarmentzea da kanpainaren helburua. Fridays For Future ikasle mugimenduak bat egin du ekimenarekin, eta ekainaren 3tik 9ra, #Plastikoariboikota2019 kanpaina hasi du. Kanpainaren bidez, plastikoaren erabilera murrizteko eta bere erabilera salatzeko erronka luzatu die kontsumitzaileei, gehiegizko plastikoa duten produktuen argazkiak sare sozialetan publikatuz.
Raquel Gonzalezek (PP) EAJrik gabeko Bilbo posible dela aldarrikatu du

2019-05-24
Bizkaiko Alderdi Popularrak Bilboko erriberako merkatuan egin du kanpaina itxierako ekitaldia. Raquel Gonzalez PPko Bilboko alkategaiak EAJrik gabeko Bilbo posible dela aldarrikatu du. Adierazi du segurtasuna indartu eta auzoak hirian integratzeko jardungo duela lanean. Aldi berean, babes sozialerako laguntzetan gertatzen ei den iruzurraren aurkako borrokan engaiatzeko asmoa adierazi du. Bestalde, Amaya Fernandez Batzar Nagusietarako zerrendaburuak nabarmendu du Bizkaiarako Popularrek duten proiektua enpleguan oinarritzen dela.
Pedro Sanchez Espainiako jarduneko presidentea Donostian izan da PSE-EEren kanpaina ekitaldian

2019-05-15
Pedro Sanchez PSOEko idazkari nagusia eta Espainiako jarduneko presidentea Donostian izan da euskal sozialisten kanpaina ekitaldian. Bertan Espainiar Estatuko hauteskundeetan eskuratutako garaipena azpimarratu du. Idoia Mendiak PSE-EEko idazkari nagusiak adierazi du sozialisten proposamenak aurrea ateratzeko Donostiako udalaren eta Donostiako Foru Aldundiaren konpromisoa beharrezkoa izango dela. Espainiako jarduneko presidenteak azpimarratu du elkar bizitzaren legegintzaldia izango dela hurrengoa.
Madrilen "pentsiodunen ahotsa" izango dela adierazi du EH Bilduk

2019-04-25
Gaur egin duten prentsaurrekoan Oskar Matutek adierazi du kolektibo honen eskakizunak bidezkoak eta beharrezkoak direla bizi baldintza duinak bermatzeko. Eh Bilduko Bizkaiko Kongresurako hautagaiak esan du pentsioak eskubide bat direla eta inoiz ez pribilegio bat. Pentsiodunei duintasuna bueltatzeko garaia dela adierazi du, pentsio minimoak segurtatuz, sostengarritasun faktorea indargabetuz eta Gizarte Segurantza gestionatuz. Banku desberdinen aurrean eman du alderdiak prentsaurrekoa, hauek pentsioetan duten erantzukizuna azpimarratzeko. Izan ere, bankuak erreskatatzeko erabili ziren 4 euroetatik 1 erabili zen pentsioetarako.
 
bannerra

bannerra