Skip to main content

Eusko Jaurlaritza

Jatorri atzerritarreko herritarrek jasotzen dutena baino gehiago ematen diote ekonomiari

2020-05-21
Etorkinek ekonomiari egiten dioten ekarpena jasotzen dutena baino handiagoa da. Horixe nabarmentzen du, Ikuspegi-Immigrazioaren Euskal Behatokiak, Culturmetria-rekin egindako azterlanak. Jatorri atzerritarreko herritarrek Arabako, Bizkaiko eta Gipuzkoako ekonomiari gastuaren, kontsumoaren, bitartez zer ekarpen egiten dioten aztertu dute eta, ondorioztatu dutenez, Euskal Autonomia Erkidegoko administrazioetatik laguntzen bidez dirutan jasotzen dutena ia halako bi ematen dute.
Eusko Jaurlaritzak posta bidezko botoa sustatuko du uztailaren 12ko hauteskundeetarako

2020-05-20
Hauteskunde prozesua egoerara moldatuko du Jaurlaritzak. Josu Erkoreka bozermaileak azaldu duenez posta bidezko botoa sustatzearekin batera, mahaikideak eta herritarrak babesteko protokoloak lantzen ari da Jaurlaritza. Zenbait hautesleku moldatu eta lekualdatuko dituzela iragarri du, herritarren joan-etorriak kontrolatu eta jende pilaketak sahiestea da helburua.
Eusko Jaurlaritzak 15 milioi euro bideratuko ditu turismoaren eta merkataritzaren sektorea laguntzeko

2020-05-19
15 milioi euro bideratuko ditu Eusko Jaurlaritzak turismoa eta merkataritza laguntzeko. Sonia Pérez Ezquerra, Turismo, Merkataritza eta Kontsumoko sailburuak aurkeztu du kontseiluan bertan onartutako "Covid19 Ezohiko Laguntzen Programa". Azaldu duenez, 7,5 milioi bana bideratuko dira bi arloetara.
Eusko Jaurlaritzak astebete atzeratu du EAEko ikastetxeen irekiera

2020-05-14
Eusko Jaurlaritzak aste bat atzeratu du EAEko eskolen irekiera. Hasierako data hurrengo astelehena, maiatzak 18, izango bazen ere, eskolak irekitzeko lehenengo fasea igaro behar denez maiatzaren 25era atzeratzea erabaki du. Argitu beharra dago ez dela irekitze orokorra izango; borondatez irekiko dira ikastetxeak, hau da, kasuan kasu erabakia, baimentze dataren ostean, eskola bakoitzarena izango da.
Lanbidek 16 milioi euro gehiago zuzenduko ditu autonomoentzako laguntzen programara

2020-05-13
Gogoratu beharra dago, apirilaren 16an ireki zuela eskaera egiteko aukera gauerdian eta momentu horretan bertan erori zela webgunea. Beatriz Artolazabal Enpleguko eta Gizarte Politiketako sailburuak nabarmendu du bazekitela eskari handia zegoela, baina ez zutela hainbestekorik aurreikusi. 16571 eskari jaso dituzte astelehenera arte eta 8822ren espedientea hasi dira aztertzen.
Ikasleen itzuleran galderak dira nagusi

2020-05-12
6 eta 10 urte bitarteko haurrak eskolara itzultzen hasi dira Ipar Euskal Herrian geletara, baldintza zorrotzekin. Eusko Jaurlaritzak zentro bakoitzaren esku utzi du maiatzaren 18an maila sentikorrenak bueltatzeko erabakia. Gaiaren ertz batzuk landu ditugu Seaskako lehendakari Peio Jorajuriarekin eta Euskal Herriko Ikasleen Gurasoen Elkarteko Lurdes Imazekin.
 
bannerra