Skip to main content
bannerra

langile

Lantegi Batuak Fundazioko langileek ez dute onartuko galera gehiago eros ahalmenean

2018-12-20
Lan hitzarmenaren alde, greba egin dute Lantegi Batuak Fundazioko langileek. Azken urteetan galdutako eros ahalmena berreskuratzeko negoziatzen ari dira langile batzordea eta zuzendaritza, baina oraingoz ez dute adostasunik lortu eta 2.000 langile inguru daude lan itun berririk gabe, aurreko hitzarmena iazko abenduaren 31n bertan behera geratu eta gero.
EGUNEKOA: politika, gizarte, ekonomia, kultura eta kirol albisteen bilduma

2018-11-12
Naval ontziolako langile batzordeak Espainiako Industria idazkariarekin eta Eusko Jaurlaritzako ordezkariekin egindako bilera, Nafarroako justizia arloko langileen protesta eta Ipar Euskal Herriko ikastetxeetako greba bildu ditugu gizarte gaien atalean. Arlo politikoan, igande honetan Donostian, Irunen, Zallan, Balmasedan eta Alonsotegin egingo diren galdeketetarako dei bateratuari erreparatu diogu. LABek Eusko Jaurlaritzaren 2019rako aurrekontuez egindako balorazioari erreparatu diogu ekonomia eremuan. Azkenik, Anton Abbadia sariaz eta Behobia-Donostia lasterketaz aritu gara kultura eta kirol gaietan.
Osasungintza euskalduntzeko ausardia eskatu eta elkarlana eskaini du Uemak

2018-10-25
Azken bi urteotan udalerri euskaldunetan osasun publikoan hizkuntza eskubideen egoera zein den aztertu du Udalerri Euskaldunen Mankomunitate. Besteak beste, udalerri euskaldunenetako osasun arloko bost langiletik batek ez duela hizkuntza eskakizunik ondorioztatu dute. Herritarrek osasun arreta nork bere hizkuntza jasotzeko duen eskubidea aldarrikatu eta egoera aldatzeko erabakiak eskatu ditu Josu Labaka Uemako lehendakariak.
Dagoeneko, zazpi langile hil dira AHTren obretan, LAB sindikatuaren arabera

2018-09-25

2018. urtea hasi zenetik, gutxienez, 50 langile hil dira Euskal Herrian. Hori da LAB sindikatuak publiko egindako datua. Azkena, Zornotzan, joan den larunbatean, AHTren eraikuntza lanetan. 50 horietako lau, berriz, Araban hil dira, 24 Bizkaian, bost Gipuzkoan, bat Ipar Euskal Herrian eta 16 Nafarroan. Edonola ere, LABek salatu du AHT eraikitzeko lanetan hildakoak, gutxienez, zazpi langile izan direla.

Lan heriotzez gain, lanean gertatutako istripu arin eta larriak ere salatu beharrekoak dira, sindikatuaren arabera. Eta horien jatorrian, lan baldintza kaskarrak daude: prekarietatea, azpikontratazioa edota behin-behinekotasuna, besteak beste. AHTren obretan, gainera, salatu dute eraikuntzako herrialdeko hitzarmena sistematikoki ez dela betetzen.

Bien bitartean, Arantxa Tapia Ekonomiaren Garapena eta Azpiegituretako sailburuak astelehenez hartu du hitza Eusko Legebiltzarrean, AHTren lanetako atzerapenez eta kosteez argibideak emateko. Zehazki, Tapiak eraikuntzaren atzerapena onartu du, baina 2023rako abian egongo dela ziurtatuta.

Baina LABek salatu du Tapiak ez diela aipamenik ere egin AHTren obretan izandako istripuei. Are gehiago, sailburuari egotzi dio langileenganako presioa egiten aritzea: presa sartzen dielako eta haien eskubideak eta osasuna kontuan hartu gabe lana prekarizatzen duelako, beti ere, sindikatuaren arabera.

Gainera, AHTk eta antzeko azpiegiturek ingurumena suntsitzen dutela ere salatu du LABek. Hargatik, sindikatuko gizarte ekintza arloak mobilizatzeko deia egin du, hain justu, larunbaterako martxa antolatu dute AHTren eraikuntzako Martzillako eremura.

Sexu jazarpena salatutako langilea kaleratu izana egotzi dio LABek Berrizturi

2018-07-16
Aste batzuetara lanera itzultzean, kaleratu egin zuten. Berriztuk aldundiarentzat lan egiten duenez, auzi horretan instituzioak duen erantzukizuna agerian utzi nahi izan dute aldundiaren atarian egindako elkarretaratzearekin.
EGUNEKOA: uztailaren 9ko albiste nagusiak

2018-07-09

Espainiako Gobernuko presidente Pedro Sanchezek Kataluniako Generalitateko presidente Quim Torrarekin egindako bilkura izan da gaurko arreta puntuetako bat. Horrez gain, Bilboko Azkuna Zentroko mediatekako langileen greba amaierari ere erreparatu diogu. Baita Athleticen denboraldi hasierari ere.

 
bannerra

bannerra