Skip to main content

mobilizazio

Etxerat-ek dispertsioaren aurka ostegunerako mobilizazioak deitu ditu

2014-05-12

25 urte pasa dira Espainiako Gobernuak dispertsioa abian jarri zuenetik eta beraz, mina eta sufrimendua senidetan uztartu zuenetik. Neurriak, ehundaka istripu eragin ditu dagoeneko, eta 16 izan dira hildakoak. Hau honela, Etxerat-ek mobilizazioak deitu ditu horren kontrako aldarria egiteko. Maiatzaren 15ean 12:00etan Hego Euskal Herriko hiriburu guztietan egingo dira.

EGUNEKOA: politika, gizarte, komunikazio eta kirol albisteen bilduma

2018-12-13
Eusko Jaurlaritzak 2019ko aurrekontuak erretiratu izanari, Foro Sozialak Eusko Legebiltzarreko Memoria eta Bizikidetza Lantaldeko desadostasunez azaldu duen kezkari eta Kalera kalera dinamikak gabonetarako antolatutako mobilizazioei erreparatu diegu arlo politikoan. Gizarte gaietan, Kontseiluak Nafarroako Euskararen lege berriaz esandakoak jaso ditugu. Komunikazio albisteetan, Info7 irratiaren larunbateko itxiera aipatu dugu. Azkenik, Euskadiko Futbol Federazioak UEFAko eta FIFAko kide izateko eskaera ofiziala egiteko hartu duen erabakia hartu dugu hizpide.
Valerioren azalpenik eza salatu eta mobilizazioei eutsiko dietela ziurtatu dute pentsiodunek

2018-10-01

38 astez eutsi diete pentsiodunek mobilizazioei, eta beste astelehen batez, milaka atera dira kalera Hego Euskal Herrian. Hain justu, eguerdiko mobilizazio horien aurretik, Bizkaiko pentsiodunen plataformarekin bildu da Magdalena Valerio, Espainiako Gobernuko Lan ministroa. Eta bilkuraren ondoren, aitortu du Espainiako Gobernua ezin dela konprometitu 1.080 euroko pentsioa bermatzera.

Ba Jon Fanok, Bizkaiko pentsiodunen plataformako ordezkariak, salatu du Valeriok ez dizkiela behar bezalako azalpenak eman, eta eutsi egingo dietela mobilizazioei. Iruñean, berriz, aurrerapausoak izan arren, pentsiodunen eskaerak ez dituztela behar beste aintzat hartzen salatu dute. Eta zahartzaro duina bermatzen ez dieten artean, borrokan jarraituko dutela.

Bilbon, Gasteizen eta Iruñean egin dituzte herrialde mailako mobilizazioak pentsiodunek. Gipuzkoako kasuan, herrietan izan dira mobilizazioak, eta larunbaterako antolatu dute herrialde mailako manifestazioa.

Edonola ere, asteleheneroko elkarretaratzea egin dute Donostiako udaletxe aurrean, eta bertan pentsioen eguneratzea KPIan oinarrituta egitea ez dela nahikoa salatu du Maria Serrano Duintasuna elkarteko kideak.

EGUNEKOA: gizarte, politika eta kultura albisteen bilduma

2018-09-24
Naval ontziolaren likidazioari, pentsiodunen mobilizazioei eta mugimendu feministak datorren martxoaren 8rako egindako greba deialdiari erreparatu diegu gizarte gaietan. Angel Luis Ortiz Espainiako Espetxe Zuzendaritzako idazkariak presoen gerturatzeaz egindako iragarpena jaso dugu arlo politikoan. Horrez gain, kultura arloko zenbait zita ere bildu ditugu.
Gipuzkoako adinekoen egoitzetako hitzarmen duina eskatzeko mobilizatuko da LAB

2018-09-12

Azaroan urtea beteko da Gipuzkoako helduen egoitzetako lan hitzarmen berria negoziaziatzeko mahaiak azken bilera egin zuenetik, eta LAB sindikatuak salatu du ordutik ez dutela inolako harremanik izan.

Herrialdeko hitzarmenaren beharrean daudenak 5.000 langile inguru dira. Sindikatuak salatu duenez, 2012ko soldata taula eta lan baldintzekin jarraitzen dute, eta kasu batzutan lan baldintza okerragoak dituzte. Leire Ormazabalen hitzetan, gainera, hitzarmenik ezak eragin zuzena du egoiliarrek jasotzen duten zerbitzuaren kalitatean ere.

LABeko ordezkariak zehazu du sindikatuak egin dituela ahaleginak negoziazioa berreskuratzeko, baina ez dutela erantzunik jaso. Gipuzkoako zahar egoitza eta eguneko zentroetako zerbitzua izanik, egoeraren erantzule nagusia aldundia da Ormazabalen ustez, baina sektoreko patronalak ere utzikeriaz jokatzen ari dira. Hargatik, mobilizazio kanpainari ekin diote aldundi aurreko elkarretaratzearekin eta eskualdeetara hedatuko dute dinamika datozen hilabeteetan.

EGUNEKOA: abuztuaren 27ko albiste nagusiak

2018-08-27

Pentsiodunek Bilbon egindako asteleheneroko mobilizazioari eta urriaren 1erako iragarri dutenari erreparatu diegu, besteak beste. Horrez gain, Volkswagen Nafarroa enpresan negoziatzen ari diren aldi baterako erregulazio txostenaren ingurukoak ere ekarri ditugu. Baita bihar izango den Eusko Jaurlaritzako lehen gobernu kontseiluaren aurrerapena egin ere.

 
bannerra

bannerra