Skip to main content

ELA

Jasaten duten "lan-esplotazioa" salatu dute epaitegietako garbitzaileek

2020-01-21
Bilbon, pairatzen dituzten lan baldintzak salatzeko elkarretaratzea egin dute epaitegietako garbitzaileek, ELA sindikatuak deituta. Zapalduta sentitzen direla eta lan karga egunetik egunera handitzen dietela nabarmendu dute epaitegi atarian egin duten protesta ekimenean.
Nekane Murga Osasun Sailburuak irregulartasunak baimendu dituela salatu du ELAk

2020-01-14
2017ko urtarriletik, Osasun Sailburu izendatu arte, Antolamendu eta Osasun Ebaluazioetako zuzendaria izan zen, konfiantzazko eta izendapen karguduna, hau da, zuzenean esleitzen dena. Bera zuzendari zela bi prozesu sustatu ziren, zerbitzu eginkizunetan bi arduradun postu betetzeko. Proba bat egin behar dute legez lan-eskatzaileek eta hau ebaluazio batzorde batek kalifikatu. Bestela gertatu zela salatu du sindikatuak.
GAKOAK | 2020-01-13

2020-01-13
Euroaparlamentutik dator gaur albistea: Puigdemont eta Comin aulkietan eseri dira estreinakoz. Eratu da Espainiako Gobernua: 4 presidenteorde eta 22 ministro izango ditu gobernuak. Eztabaida piztu da berriz ere Euskal Herriko errepide beltzenetako batean: 31 pertsona hil dira N-121 errepidean azkeneko 10 urtetan. ELA sindikatuak eta LAB sindikatuak lan duina bermatzeko akordioa proposatu diote patronalari.
Gipuzkoako zahar-etxeetako langileek greban jarraituko dute otsailaren 7ra arte

2020-01-10
Gaur bildu dira berriz patronala eta ELA, baina sindikatuko Txomin Lasak salatu du «etxeko lanak egin gabe» joan dela bilerara patronala. Urtarrilaren 17an berriro bilduko dira. Greba «gutxienez» otsailaren 7ra arte eginen dute.
Euskal gehiengo sindikalak ofizialki erregistratu du urtarrilaren 30erako greba deialdia

2020-01-09
ELA, LAB, STEILAS, ESK, HIRU, ETXALDE ETA EHNE sindikatuek urtarrilaren 30eko greba orokorrerako deialdia erregistratu dute Iruñean eta Bilbon. Greba orokor honen helburua herritarren bizi baldintza duinak bermatzea dela gogoratu du Garbiñe Aranburu LABeko idazkari nagusiak.
Haurreskolak Partzuergoko Kudeaketako langileek Administrazioaren proposamen berriaren zain jarraitzen dute

2020-01-07
LAB sindikatuak agerraldia egin du gaur Bilbon Haurreskolak Partzuergoak eta Hezkuntza Sailaren arduradunek negoziaziorako duten gaitasun eza salatzeko. Negoziazio mahaian gehiengoa duen LAB sindikatuak 2018an akordioa sinatu zuen. Geroztik, urtebetez jardun dute negoziaketan, akordio zabalago eta sakonago bat lortzeko. Tartean lanpostu zerrenda handitzea, langileen kategorien parekatzea edota OPE deialdietan zabaltzen ari den kontsolidazio prozesuekin konpromezu bat sortzea. Abenduan grebara deitu zuten. Orain, Administrazioaren keinu baten zain daude, negoziazio mahaia osatu eta eskaerak betetzen diren arte. Hezkuntza Sailak urtarillaren 9an bilera egingo dutela jakinarazi zien; hala ere, ez dute baieztapen ofizialik jaso.
 
bannerra

bannerra