Skip to main content

Espainia

Juan Carlos I.a gerra ontzi espainiarra Getxon porturatu da gaur goizean

2019-03-22
Juan Caros I.a gerra ontzi espainiarra Euskal Herrian porturatu da gaur goizean. Getxon egin du geldialdia, goizeko lehen orduan. Espero zitekeen moduan, polemika giroan iritsi da gerra hegazkin-ontzia. Joan den astean erakunde adierazpen bat onartu zuen Getxoko Udalak, armada espainiarreko ontzia herrian porturatzearekin ados ez zegoelako. EAJ, PSE, GUK eta EH Bilduk babestu zuten propsamena, eta PPk eta Ciudadanosek aurka bozkatu zuten. Protesta ekimenak ere burutu dituzte eragile antimilitaristek, eta baita Ongi Etorri Errefuxiatuak eta EH Bilduk ere.
Apirilaren 28rako deitu ditu azkenean kongresu eta senaturako hauteskundeak Pedro Sanchezek

2019-02-15
Apirilaren 28a zen azken orduotan gehien errepikatzen zen aukera. Mahai gainean zeuden beste bi egunak bozketa apirilaren 14an edo maiatzaren 26ko beste bozketekin batera egiteko aukeren aurretik. Gauzak horrela, Kongresurako eta senaturako hauteskundeak Apirilaren 28an deituta, Apirilaren 12an hasiko da hauteskunde kanpaina. Aste santuan egingo da hauteskunde kanpaina. Hilabete beranduago, maiatzaren 26an itzuli ebharko dute herritarrek hauteslekuetara, Udal, Foru eta Europa mailako hauteskundeetan bozkatzera. Kontua da kasu honetan kanpainari Maiatzaren 10ean ekingo zaiola, Apirilaren 28ko hauteskundeak amaitu eta bi aste baino gutxiagora alegia. Estatuko gobernua osatzeko negoziaketa betean direla ekin beharko diete alderdiek bigarren hauteskunde kanpaina bati. Bien bitartean, aurrera jarraituko du Preso politiko Kataluniarren aurkako epaiketak ere. Estatu mailako hauteskunde kanpainak iraun bitartean astearte, asteazken eta ostegunero egingo dira saioa Auzitegi Goren espainiarrean. Hain justu, Europarako hauteskunde kanpainari ekin baino egun bat lehenago amaituko dira saioak.
Estatus berriaren aldeko babesa lortzeko manifestua aurkeztu du Demokrazia Baik

2018-12-18

Demokrazia Bai plataformak gizarte zibileko dinamika abiarazi du estatus berri baten aldeko babesa lortzeko. Espainiako Konstituzioak 40 urte beteta, Espainian ustelkeria eta demokraziaren aurkako inboluzioa nagusitu direla salatu dute. Euskal herritarrak "nazioa" izanik, hainbat eremutako jendeak bat egin du eskumen osoko estatus berria aldarrikatzeko.

Espainiaren eta Euskal Herriaren arteko harremanak aldatzeko, ezinbestekotzat jo dute gizartea ahalduntzea. Otsailera bitartean, oraingoz 90 lagun ingururen babesa duen manifestuaren aldeko sinadura bilketarekin segituko dute.

Espainiaren "inboluzioaren" aurrean, aliantza zabalak osatzeko deia egin du EH Bilduk

2018-12-03
"Faxismoaren eta eskubide urraketaren aurka", ostegunean Bilboko manifestaziora joatera deitu du EH Bilduk. Espainiako Konstituzioaren 40. urtemugaren atarian, Arnaldo Otegiren iritziz, "ezinezkoa da Espainia demokratizatzea".
EGUNEKOA: politika, gizarte eta kirol albisteen bilduma

2018-12-03
Arlo politikoan, EH Bilduk eta Sortuk Espainiako Konstituzioaren 40. urtemugaren atarian egindako adierazpenei eta 'De Miguel auziko' defentsako akusatuak esandakoei erreparatu diegu. Gizarte gaietan, Nafarroaren Eguneko Iruñeko ekitaldien eta Bilboko Biziprest egunekoen berri jaso dugu. Azkenik, Alberto Uribe-Etxeberriak Athleticeko presidente izateko hautagaitza aurkeztu izanaren berri jaso dugu.
"Haustura demokratikoa" lortzeko, Espainiako Estatuko nazioak indarrak batzera deitu ditu Sortuk

2018-12-03

Gernika-Lumon egindako agerraldian, hainbat belaunalditako ia ehun kidez inguratuta, Espainiako Konstituzioa ezarri zenetik 40 urte betetzear direla, duela lau hamarkada egindako hausnarketa politikoan «bete-betean» asmatu zutela adierazi du Arkaitz Rodriguez Sortuko idazkari nagusiak.

Haren esanetan, ezker abertzalearen orduko analisiak "inoiz baino gaurkotasun handiagoa" du, geroz eta sektore gehiagok bat egin duelako irakurketa horrekin. Are gehiago, begi bistan uzten omen du autogobernua eta eskubideak inoiz baino zaurgarriagoak direla. Egoera horri aurre egiteko, Sorturen esanetan, ezinbestekoa da "78ko erregimenarekiko haustura demokratikoa", eta Rodriguezek aurreratu du haustura hori ez duela Espainiako Estatuak ekarriko, estatu barruko nazioek baizik.

 
bannerra