Skip to main content

Espainia

EGUNEKOA: politika, gizarte eta kultura albisteen bilduma

2018-11-27
Arlo politikoan, Espainiako Estatuaren Abokatua 'Bateragune auziko' Estrasburgoren ebazpenari helegitea jartzearen aurka agertu izanari erreparatu diogu. Gizarte gaietan, berriz, Kristau Eskoletan eta IZEAko ikastetxeetan egindako greba, Iruñeko Udalak emandako berdintasunaren kazetaritza saria, Donostiako Satorralaia mugimenduaren salaketa eta Loiolako kuartelaren auzia izan ditugu hizpide. Azkenik, 'Bertsolaritzaren bilakaera genero ikuspegitik' ikerketari buruzkoei erreparatu diegu.
EGUNEKOA: gizarte, politika, memoria eta kultura albisteen bilduma

2018-11-05
Hego Euskal Herriko urriko langabezia datuei eta pentsiodunen aldarrikapenei erreparatu diegu gizarte gaietan. Arlo politikoan, berriz, EH Bilduk Espainiako Konstituzioaren 40. urtemugarako Bilbon antolatu duen manifestazioa eta España Ciudadana plataformaren Altsasuko ekitaldiaren ondoren erreakzioak jaso ditugu. Azkenik, Espainiako Gobernuak frankismoan fusilatuez Paco Etxeberria auzi medikuari eskatutako txostena eta Donostiako Literaktum jaialdiaren hemezortzigarren edizioa aipatu ditugu memoria eta kultura gaietan.
Euskal presoek Frantzian betetako zigor urteak Espainiak aintzat ez hartzea ontzat jo du Estrasburgok

2018-10-23

Estrasburgoko Auzitegiak ezustekoa eman du: Giza Eskubideen Europako Auzitegiak ontzat jo baitu euskal presoek Frantzian betetako zigor urteak Espainiak aintzat hartu ez izana.

Hala, epaileek erabaki dute Espainiak ez duela urratu askatasunerako eskubidea, ezta indarrean dagoen araudirik gabe zigortua ez izateko eskubidea ere; bai, ordea, bidezko prozesu judizial bat izatekoa. Iker Urbinaren hitzetan, ez da, inondik inora, presoen abokatuek espero zutena.

Estrasburgoko Auzitegiko areto nagusian helegitea jar dezakete, eta era berean, Europako Batasuneko Justizia Auzitegira jo. Aukera hori, ez legoke zuzenki abokatuen esku: epaile batek ala Europako Batasuneko batzorde batek egin beharko luke. Hirugarren aukera bat ere bada, Espainiak legea erreformatzea.

Ebazpenak erreakzio soka eragin du, besteak beste, Sare Herritarraren izenean, Inaxio Oiartzabalek arduratuta hitz egin du. Presoek jasaten duten egoera konpondu ordez, areagotu egiten duelako ebazpenak.

Bateko eta besteko desadostasunak, Espainiako aurrekontuez aritzeko Iglesias Urkullurekin bildu izanaz

2018-10-22

Iñigo Urkullu Eusko Jaurlaritzako lehendakaria Pablo Iglesias Podemoseko idazkari nagusiarekin bildu da, Espainiako Estatuko egoeraz hitz egin eta aurrekontuen gaiaz zein Kataluniako egoeraz aritzeko.

Izan ere Podemosek lortu du akordioa Pedro Sanchez Espainiako Gobernuko presidentearekin 2019ko aurrekontuak aurrera ateratzeko, baina diputatuen kongresuan babes handiagoa behar dute, besteak beste, alderdi subiranista katalanenak eta EAJrenak.

Ba Aitor Esteban Espainiako kongresuko diputatu jeltzaleak esan du Iglesiasek badakiela aurrekontuez EAJrekin negoziatu behar duela, eta ez lehendakaritzarekin.

Jeltzaleek 2019ko Espainiako aurrekontuez izango duten jarrera, berriz, Madrilek errespetatu egin beharko du 2018ko aurrekontuetarako jeltzaleekin egindako akordioa.

Iglesiasek Urkullurekin biltzeko hartutako erabakiarekin bereziki kritiko agertu dira popularrak. Pedro Sanchezen gobernuaren ordezkari izatea leporatu dio Amaya Fernandez PPren Euskadiko idazkari nagusiak. Eta ohartarazi du PSOEk eta Podemosek adostutako aurrekontuak kaltegarriak liratekeela EAErako.

EH Bilduko koordinatzaile nagusi Arnaldo Otegik, berriz, EAEko aurrekontuez hitz egiteko koalizioarekin bildu ez den bitartean, Iglesiasekin biltzeko prest egoteagatik kritikatu du Urkullu.

Espainiako batasunaren aldeko manifestazioa Bartzelonan, Hispanitatearen egunean

2018-10-12
65.000 lagun inguruk aldarrikatu dute Espainiaren Batasuna urriaren 12an Bartzelonan egindako manifestazioan. Horrez gain, espetxean dauden ordezkari independentista katalanen zigorrak luzatzeko ere eskatu duteUnes 65.000 persones es manifesten per la unitat d'Espanya a Barcelona i els organitzadors demanen llargues condemnes per als presos eta eskuin muturreko taldeek esteladak erre dituzte.
Estrasburgoko ebazpena espetxe politika aldatzeko baliatzeko eskatu dio Sarek Espainiako Gobernuari

2018-10-10
Urriaren 23rako espero da Giza Eskubideen Europako Auzitegiak espetxe zigorren kontaketari buruzko ebazpena jakinaraztea. Estatu batean preso egondako urte kopurua aintzat hartzearen aldeko ebazpena balitz, Frantzian preso egon direnei kontuan hartu beharko litzaizkiek urte horiek Espainiako espetxe zigorretarako. Santiago Arrospide euskal preso ohiaren helegite baten harira ebatziko du Estrasburgok, eta jurisprudentzia ezarriz gero, 50 bat euskal presori eragingo lieke. Sare Herritarraren arabera, gainera, horietako hamalau "automatikoki" geratuko lirateke libre. Sententziaren atarian, Espainiako Gobernuari eskaera egin dio Sarek: utz diezaiola salbuespenezko espetxe politikarekin presoen eta haien gertukoen sufrimendua luzatzeari eta balia dezala Estrasburgoko epaia espetxe politika aldatzeko. Horrez gain, urriaren 20rako Donostian antolatu duten manifestaziorako deia egin diete herritarrei, Espainiari eta Europari erakusteko giza eskubideen aldeko aterkipean hainbat pentsamoldetako herritarrek bat egiten dutela.
 
bannerra