Skip to main content

Gurean Gaur

Christoof Castaner eta Fernando Grande-Marlaska barne ministroek bilera egin dute gaur Hendaian

2019-07-04
G7 goi bileraren harira, polizien arteko elkarlanari buruz hitz egiteko elkartu dira. Bere parekide espainiarrarekin bildu aurretik, Castanerrek adierazi du segurtasuna maila gorenean mantenduko dutela goi bilerak irauten duen artean.
Gipuzkoako erresidentzietako langileek kanpaldia hasi dute Donostian, 80. greba egunean

2019-07-04
Erresidentzietako langileek 80. greba eguna dute gaur, eta kanpaldia hasi dute Donostiako Boulevardean. Bertan azaldu dutenez, "lanaren sexu banaketa eta emakumeen lana ez baloratzea izan dira sistema heterpatriarkal perbertso honi eusteko jendartearen oinarria". Zentzu horretan, gaineratu dute ez dela kasualitatea greba hau horrenbeste luzatzea. n kolektiboak 5.000 lagunek baino gehiagok osatzen dute, eta
Seaskako ikasleen brebeta azterketak Bordelera eraman dituzte bertan zuzendu ditzaten

2019-07-04
Seaskako ikasleen brebeta azterketak Bordelera eraman dituzte Hezkuntza ministeritzako ordezkariek, bertan zuzendu ditzaten. Donibane Lohitzune, Hazparne eta Mauleko zentroetatk pasa dira Parisko Gobernuaren ordezkariak azterketak eramatera. Ondorioz, ikasle euskaldunen azterketak euskaraz ez dakiten irakasleek zuzenduko dituzte. Ez da hau gertatzen den lehen aldia; iaz ere Euskal Herritik kanpo, Pauen, zuzendu zituzten Ipar Euskal Herriko ikasleek egindako azterketak.
Getxok Open House Bilbao festibalean hartuko du parte lehenengoz

2019-07-04
Open House Bilbao nazioarteko arkitektura eta urbanismo jaialdiaren hirugarren edizioa irailaren 28 eta 29an ospatuko da. 70 eraikin baino gehiago ikusi ahal izango dira itsasadarrean zehar, Getxon, Barakaldon eta Bilbon.
Bero boladetan krema ematea garrantzia handikoa da

2019-07-04
Bero boladetan, bereziki, Eguzkitako krema ematea garrantzitsua da oso. Ekainaren hasieran, Isdin eta Bavaria marketako eguzkitako bi krema merkatutik kentzeko eskatu zuen kontsumitzaile elkarte batek. Ikerketa baten ostean, ziotena baino babes txikiagoa ematen zutelako.
Nafarroako Gobernuak Garapen Jasangarriko Helburuen jarraipena egiteko webgunea aurkeztu du

2019-07-04
Nafarroako Gobernuak Agenda 2030 ekimenaren baitan bete beharreko Garapen Jasangarriko Helburuen jarraipena egiteko webgunea aurkeztu du. Pixkanaka eguneratuko duten gunea irekia izango da eta plangintzan ezarritako 17 helburu nagusien zehaztasunak emango ditu.
 
bannerra

bannerra