Skip to main content
bannerra

Gurean Gaur

Coruñan emango diote hasiera Euskotren eta Eusko Label ligei

2020-07-03
Pandemiaren eraginez, arrisku bizian egon da traineru denboraldia, baina bueltan da eta Galizian lehia handia izatea espero da bai emakumezkoen zein gizonezkoen lehen estropadetan. Emakomezkoen Euskotren ligan hamabi estropadak osatzen dute egutegia, eta, iazko lau talde izango dira leihan: Orio, Arraun Lagunak, Donostiarra eta Hondarribia. Oriok irabazi zuen aurreko urtean, lehenengo liga izan zuena, eta nagusitasunez irabazi ere, estropada batean ez beste guztietan lortu baitzuen bandera. Halabaina, aurtengo neguan jokatu diren jaitsieretan leiha estuagoa izan da, hondarribiak ez beste hiru taldeek lortu baitituzte garaipenak. Gizonezkoen lehen jardunaldirako egindako txanden zozketak erabaki du Ares, Donostiarra, Ondarroa Cikautxo eta Orio Arraun Elkarteak Cidade da Coruña Banderaren lehen txandan arraun egingo dutela. Arraunlariek eta entrenatzaileek kezka bera nabarmendu zuten ligaren hasierako zozketan iragan astean: “ez dakitela nola” dauden lehiari ekiteko.
Anbulantzietako langileek zerbitzuaren publifikazioa eskatu dute

2020-07-03
AB sindikatuak deitutako mobilizazioan nabarmendu dute, Covid19aren pandemiak agerian jarri duela funtsezko osasun zerbitzuen garrantzia. Hala ere, salatu dute zerbitzu honetako langileak ere “lehen lerroan” egoten direla eta “askotan bitartekorik gabe” lan egin dutela.Gehitu dute “sektore publikoaren prekarizazio orokorraren eta suntsipen sistematikoaren” adibide bat dela, “negozio pribatuaren eta lan-esplotazioaren alde”. Eusko Jaurlaritzari exijitu diote sektorean “azpikontratazioarekin amaitu dezala, anbulantzien zerbitzua publiko egin dezala”. Bestela, esan dute “enpresa erabakien zoriaren mende” gelditzen direla.
Jule Goikoetxea (EHU): "Alderdikideak mobilizatzea eta zalantzatiak konbentzitzea dute helburu hauteskunde-kanpainek "

2020-07-02
Internetaren eta informazioaren garaian hauteskunde-kanpainen beharra zalantzan jarri da. Gaia sakonean aztertu dugu Jule Goikoetxearekin EHUko Politika Zientzietako irakaslearekin.
Hirugarren gradua eskuratu dute Oihan Arnanz, Adur Ramirez de Alda eta Jokin Unamuno Altsasuko gazteek

2020-07-03
Hemendik aurrera eta aske uzten dituzten arte astegunetan lo egitera baino ez dira pasa beharko Zaballako espetxetik. Honenbestez, bost dira egoera honetan dauden gazteak. Joan den urte bukaeran atera ziren Iñaki Abad eta Aratz Urrizola eta oraindik ere barruan geratu beharko dira Jon Ander Cob eta Julen Goikoetxea.
Jasone Agirre: "Pandemiaren aurretik, ona ez zen egoera batetik gentozen, osasungintzan, hezkuntzan, industrian ezta kulturan"

2020-07-02
Uztailaren 12ko hauteskundeen harira, Hamaika Telebistan alderdi eta koalizio ezberdinetako hautagaiekin elkarrizketa bilduma osatzen ari gara. Gaurkoan, EH Bilduk Bizkaian aurkeztutako zerrendaburu Jasone Agirrerekin mintzatu da Beñat Zarrabeitia lankidea. Bertan, koalizioak industrian, osasungintzan eta hezkuntzan aztertutako proposamenak garatu ditu eta "gobernatzeko prest" daudela azpimarratu du.
Altsasuko gazteetako hiru hirugarren gradura pasatuko dira bihar bertan

2020-07-02
Adur Ramirez de Alda, Jokin Unamuno eta Oihan Arnanz Zaballako espetxean daude egun eta hala baieztatu diete bertako funtzionariek.
 
bannerra

bannerra