Skip to main content

Gurean Gaur

300 ekintza baino gehiago egongo dira Bilboko Basque Fest jaialdian

2019-03-25
Zazpigarren urtez antolatzen den euskal kulturaren ekimena Aste Santuan burutuko da. Apirilaren 17tik 21era. Jaialdiaren helburua alde batetik Aste Santuan turistak erakartzea da eta bestetik Bilbotarrek ere beraien hiriaz gozatzeko ekintzak sustatzea. Berrikuntza bezala Zinema atala egongo da, Goyetara nominatu zen Gernikaren proiekzioa eskainiz. Aukera egongo da grabaketako irudiak ikusteko ere, David Herranzen argazkiei esker. Azpimarratu nahi izan dituzte Oreka TX eta Korrontziren ekitaldiak eta baita Bilborocken egongo diren emakumeei lotutako kontzertuak ere. Amaiera ekitaldia Arriagan izango da, Negua izeneko akelarre batekin. Euskal mitologiaren suaren inguruko erritu eta dantzak ikusi ahal izango direlarik. 300 ekimenetik gora egongo dira, aurten inoiz baino espazio eta txoko gehiagorekin.
Helduen euskalduntze "unibertsala, doakoa, publikoa eta kalitatezkoa" eskatu du LABek

2019-03-25
LAB Sindikatuak helduen euskalduntzea lau oinarriren gainean eraikitzea eskatu dio Eusko Jaurlaritzari. Zerbitzua doakoa, unibertsala, publikoa eta kalitatekoa exijitu dio Lakuari, izan ere, alderdiekin izandako harremanetan pribatizazio eta prekarizaziorako joera somatu du sindikatuak. Herritarren euskara jakiteko eskubidea bermatzeko ardura EJko Hezkuntza Sailaren gainean jarri du LABek eta proposamena Legebiltzarrean aurkezteaz gain, mobilizazioei ekingo diola iragarri du.
Espainiako Kongresu eta Senaturako aliantza estrategikoa egin dute ERC eta EH Bilduk

2019-03-25
Adierazi dute elkar hartuta jokatuko dutela herrien defentsan. Jauzi kualitatiboa dela gaur aurkezten duten akordioa. Oskar Matutek adierazi du indar batuketaren akordioa dela, Kongresuan eta Senatuan eragiteko gaitasuna biderkatzeko. Akordioa dela inboluzio antidemokratikoari aurre egiteko modua eta Euskal Herria zen Kataluniaren biziraupena bermatzeko modua dela. Faxismoaren kontra harresiak izatea dela helburua adierazi du ERCko Gabrel Rufianek.
Espainiako Estatuaren indarkeriaren biktimak gogoratu dituzte Azpeitian

2019-03-25
Larunbat honetan Azpeitian duela 35 urte Espainiako poliziak Pasaian tiroz hildako Komando Autonomo Antikapitalistetako lau kideak oroitu dituzte; Dionisio Aizpurua, Pedro Mari Isart, Rafael Delas eta Jose Maria Isidro Izura. Aurten, ordea “estatu indarkeriak” hildako Juan Paredes Txiki eta Angel Otaegi, 1976ko martxoaren 3an Gasteizen hildako bost langileak, German Rodriguez, Jose Miguel Etxeberria Naparra, Joxe Arregi, Ramon Oñederra eta Josu Muguruza ere gogoratu dituzte. Ane Muguruza Josu Muguruzaren alabak “egia osoa eta justizia” aldarrikatu ditu. Bestalde, Pello Aizpuru Dioni Aizpuruaren anaiak Pasaiako sarraskiko biktimen senideek urteotan jaso duten laguntza eskertu du. Gogoratu du oraindik ez dutela aitortza ofizialik jaso eta eskatu du “injustizia hori guztia Euskal Herriko historian idatzita” gera dadila.
Pello Aizpuru: "Biktima guztien aitortza ezinbestekoa da elkarbizitzarako"

2019-03-22
Pasaiako Sarraskiaren 35.urtemugan Pello Aizpurua Dioni Aizpurua sarraskiko biktimaren anaiarekin hitz egin dugu. Aizpuruak azpimarratu du garai hori gogoratzea gogorra egin zaiola eta biktima guztien aitortza ezinbestekoa dela elkarbizitzarako. Martxoaren 23an azpeitian ekitaldi bat sarraskia gogoratzeko.
Juan Carlos I.a gerra ontzi espainiarra Getxon porturatu da gaur goizean

2019-03-22
Juan Caros I.a gerra ontzi espainiarra Euskal Herrian porturatu da gaur goizean. Getxon egin du geldialdia, goizeko lehen orduan. Espero zitekeen moduan, polemika giroan iritsi da gerra hegazkin-ontzia. Joan den astean erakunde adierazpen bat onartu zuen Getxoko Udalak, armada espainiarreko ontzia herrian porturatzearekin ados ez zegoelako. EAJ, PSE, GUK eta EH Bilduk babestu zuten propsamena, eta PPk eta Ciudadanosek aurka bozkatu zuten. Protesta ekimenak ere burutu dituzte eragile antimilitaristek, eta baita Ongi Etorri Errefuxiatuak eta EH Bilduk ere.
 
bannerra

bannerra