Skip to main content
bannerra

Gurean Gaur

Gaur hasi da ikusi eta ikasi haurrentzako programa

2019-02-01
4 eta 8 urte bitarteko haurrei zuzenduta dagoen arren, lematzat du “familian euskaraz gozatu”. 15 urte dira egitasmoa hasi zenetik eta helburua da Bilboko haurrek aisialdi jarduerak euskaraz eta modu dibertigarrian egitea. Euskara umeengana hurbiltzea. 75 jarduera izango dira denetara ikuskizun eta lantegiak kontuan hartuta. Ikuskizunak doan izango dira, hitza eta interakzioa oinarrizko bi zutabe dutelarik.
48128 zale San Mamesen, Europan emakumezkoen futbol partida bat ikusteko inoiz izandako kopururik altuena

2019-01-31
48128 ikusle bildu ziren San Mamesen Athletic-ek eta Atleticok Kopako final laurdenetan jokatutako partida ikusteko. Europan, bi kluben artean, emakumezkoek jokatutako lehia bat bizitzeko inoiz izandako zifrarik altuena. Giro eta babes handia izan arren, zuri-gorriek ezin izan zituzten finalerdietarako txartela lortu. Madrildarrek maila bikaina erakutsi zuten eta 0 eta 2 irabazi zuten.
SOS Alde Zaharra plataformak auzoaren eta hiriaren turistifikazioa salatu du

2019-01-31
SOS Alde Zaharra-Auzoa Bizirik plataformak auzoaren turistifikazioa, eta honek dakarren ondorioak salatzeko prentsaurrekoa egin du gaur Erribera kalean, zehazki, ireki berri den Tayko hotelaren aurrean. Turistifikazioa, jada, arazo larriA bezala izendatzen dute SOS Alde Zaharra plataformatik. Zazpi kaleetan nabariagoa den efektua bada ere, prozesu global baten barruan kokatzen dela azaldu dute.
"Elkarrekin arnasteko ordua da" lelopean aurkeztu dute 40 minutu rock jaialdia

2019-01-31
Elkartasun jaialdiaren 5. Edizioa bi egunekoa izango da: otsailaren 22 eta 23an ospatuko da aurten. Ostiralean Pirritx, Porrotx eta Marimototxekin hasiko da jaialdia, Elkartasun dantzaldiarekin. Eragile eta esparru desberdineko jendea batuko da bertan, hazkuntza komunitatea, mugimendu feminista, musikariak, bertsolariak etab. Etxerako giltzak ikuskizunaren tartea izango da ondoren, 40 minutu irauten duen ikuskizuna. Larunbatean, goizeko 10.30etan irekiko dira Landakoko ateak eta egun osoko kontzertu egitarauari emango zaio hasiera.
Sestaoko 40 kolektibok herri iniziatiba aurkeztu dute udaletxean

2019-01-31
Auzo, kirol, gizarte eta kolektibo kulturalak batu dira Sestaoko udalean herriko espazio naturalak defendatzeko. Udalean erregistratu dute eskaera espazio naturalak babestu eta degradatuak daudenak berreskuratzeko.
Aingeru Zudaireri begia galdu arazteaz akusatutako polizaren aurkako epaiketa hasi da

2019-01-31
Gaur hasi da Iruñeko auzitegian Aingeru Zudaireri begia galdu arazteaz akusatutako polizaren aurkako epaiketa. Fiskaltzak absoluzioa eskatu du. 3 aldiz artxibatu zuen Fermin Otamendi epaileak auzia baina Nafarroako Auzitegiak berrirekitzea erabaki zuen Aingeruren defentsak helegitea jarri ostean. Auzitegiaren kanpoaldean 50 pertsona inguru bildu dira elkartasuna adierazteko.
 
bannerra

bannerra