Skip to main content
bannerra

Gurean Gaur

Itzaletik Argira, Iturramatik Euskal Herrira

2019-11-29
Iturrama Iruñeko auzoa da, jatorri kontserbadorekoa, baina gazte belaunaldiek bizi berritutakoa. Hori izan daiteke, hain zuzen ere, hainbat gertaera politiko ilun eta espetxeratzen azalpena. Joseba Compains eta Iker Araguas dira dokumentalaren sustatzaileak. Tokiko ikuspegitik, Iturrama auzoaren loraldia ekarri nahi dute argira.
Ehunka herritar atera dira goizean Iruñeko egunaz gozatzera

2019-11-29
Azaroaren 29a jai eguna da hiriburuan San Saturnino festa dela eta. Goizean ehunka herritar atera dira alde zaharreko kaleetara jai egunaz eta giroaz gozatzera
Sartu eta atera dira lehen autobusak Bilbo geltoki Intermodal berritik

2019-11-29
Lehen autobusa Bilboko Aireporturantz zihoan goizeko 6.00etan. Juan Mari Aburto Bilboko alkatea lehen autobusen irteeraren eta etorreraren lekuko izan da. Egunero 19.000 lagun igaroko dira geltokitik; hau da, urtero zazpi milioi bidaiarik erabiliko dute; Loiuko aireportuak dituen erabiltzaileak baino bi milioi gehiago direla esan du alkateak. Autobus geltoki berriak kafetegi bi eta dendak izango ditu, beste zerbitzu batzuen artean. Termibusek ere bazituen taberna eta gozoki denda, eta lanak hasi zirenean behin-behineko geltokian jarraitu zuten beharrean. Oraingoan, baina, ez diete enplegua subrogatu, eta ez dute autobus geltoki berrian beharrean jarraituko. Hogei urteren ondoren, hamasei lagun beharrik gabe geratu dira aste honetan.
Abenduaren 22an arituko dira Pirritx, Porrotx eta Marimotots Iruñeko Anaitasunan

2019-11-29
Iruñeko Udalaren erantzuna jaso ez eta Iruñean izango dira Pirritx, Porrotx eta Marimotots abenduaren 22an Anaitasuna kiroldegian. Gaurko hitzartutako ikuskizuna beraz bertan behera erabaki du udalak.
Pirritx, Porrotx eta Marimototsek gauerdira arte egongo dira Iruñeko Udalaren erantzunaren zain

2019-11-28
Pirritx, Porrotx eta Marimototsek gauerdi-arte itxarongo dute Udaletxearen erantzuna. Katxiporretako kideen abokatuak bide judiziala ekiditeko ahalegin guztiak egiteko prest daudela azaldu du prentsaurrekoan, eta Udal gobernuari ikuskizuna bideratzea eskatu dio. Ildo horretan pailazoak prest agertu dira bihar zein beste data batean kontratuan sinatutako “Bizi dantza” ikuskizuna egiteko. Udalak erantzunik emango ez balu, imajinazioa baliatuta beste behin erantzungo dutela adierazi dute.
Soldata arrakala gainditzeko eskatu dute EHUko azpikontratatuko garbitzaileek

2019-11-28
Euskal Herriko Unibertsitateko azpikontratatutako garbitzaileek greba eguna egin dute gaur. Ikasturtea hasi zenetik beraien egoera salatzen ari dira. Izan ere, bost urte daramatzate lan-hitzarmen baten aldeko borrokan eta egoera blokeatuta jarraitzen duela adierazi dute.
 
bannerra

bannerra