Skip to main content
bannerra

Gurean Gaur

Freestyle Motocross ikuskizuna antolatu zuten Hondarribiko harresian

2019-09-03
Atzo, Hondarribiko harresiaren parean, Udalak Freestyle Motocrosseko bi malda egokitu zituen, bertan, mundu mailako ohiartzuna duten bi gidariren trebetasun arriskutsuaz gozatzeko. “Rider-ak" Greg Rowbottom britaniarra eta Maikel Melero espainiarra izan ziren. Melerok 31 urte ditu eta bost aldiz izan da munduko txapleduna Freestyle Motocrossean, 2014. urtetik 2018ra, kirol honen historian, bere zigilua jarriz. Gainera, profesionalen ikuskizuna eta gero, txikientzako zirkuitu bat egokitu zen, hankekin eragiten diren molto motorrekin egiteko.
Espainiako Vueltan "Euskal Herriaren identitatea" aldarrikatzeko deia egin du EH Bilduk

2019-09-04
Espainiako Vueltak Euskal Herrian egingo ditu hiru etapa eta EH Bildu koalizioak euskal nortasuna aldarrikatzeko aukera baliatu nahi du. Jone Goirizelaiak eta Asier Gonzalezek Euskal Herrian eta, bereziki, Bilbon egingo dituen kilometroetan ikurrina eta bestelako ikur propioak ateratzera gonbidatu dituzte zaleak. Bestalde, alderdi ekonomikoan gardentasuna eskatu dio EH Bilduk Bilboko Udal Gobernuari.
3,4 milioiko diru laguntzak emango ditu Nafarroako Gobernuak uztaileko uholdeek sortutako kalteei aurre egiteko

2019-09-04
Nafarroako erdialdeak uztaileko uholdeen ondorioz jasandako kalteei aurre egiteko 3,4 milioi euroko diru laguntzak ematea onartu du Nafarroako Gobernuak. Gaurko gobernuaren lan-saioaren ostean jakinarazi dute, lau laguntza ildo onartu dituztela azpiegituretan eragindako kalteei eta nekazaritza zein abeltzaintzako ustiategiek jasandako galerei aurre egiteko.
Marixol Iparragirre etxeratzeko "ordua" dela aldarrikatu dute estradizioaren atarian

2019-09-03
Marixol Iparragirrek abuztuaren 27an bete zuen frantziar auzitegiek jarritako 20 urteko espetxe zigorra. Reuko espertxean jarraitzen du oraindik; hori dela eta, Eskoriatzako Presoen Aldeko Plataformak eta Donostiako Antiguako Kalera Kalera dinamikak azpimarratu dute Iparragirrek kalean beharko lukeela. Espainiar agentzien filtrazioen arabera, asteazkenean espainiaratzeko asmoa dute Marixol, Auzitegi Nazionalean epaitu dezaten. 1995.urtean Luciano Cortizo Espainiako armadako komandantearen hilketarengatik epaitzeaz gain, Efe berri agentziak ziurtatu du Auzitegi Nazionalean hamabi auzi dituela irekita. Eskoriatzako eta Antiguako taldeek, ordea, salatu dute auzibide horiek torturapean sinatutako dosierrak dituztela oinarri.
Uztailean baino 3.075 langabe gehiago daude abuztuan Hego Euskal Herrian

2019-09-03
147.161 langabe daude Hego Euskal Herrian. Espainiar Estatuan, azken bederatzi urteetan jasotako igoera handiena adierazi dute datuek, Euskal Herrian eragina izan duena. Horrenbestez, 3.075 langabe gehiago dago Hegoaldean. Iazko datuekin alderaketa eginez gero, uztaileko datuak baikorragoak dira. Izan ere, aurreko urtean baino 9.540 langabetu gutxiago daude Hego Euskal Herrian. Eta, 27.155 kotizatzaile gehiago.
Euskal zinegileen 21 obra Zinemaldiaren 67. edizioan

2019-09-03
Zinemaldiaren 67. edizioak zinemaren hiriburu bihurtuko du Donostia irailaren 20tik 28ra. Aitor Arregi, Jon Garaño eta Jose Mari Goenaga euskaldunen 'La trinchera infinita' lana urrezko maskorra lortzeko lehian egongo da. Denera, 21 izango dira egile euskaldunen obrak Zinemaldian eta horietatik, hiru dira partzialki edo osorik euskaraz sortutakoak.
 
bannerra

bannerra