Skip to main content
bannerra

Gurean Gaur

Gipuzkoako ikastolen jaia ospatuko dute igandean Zarautzen

2019-10-04
Igande honetan ospatuko da Kilometroak jaia Zarautzen, Salbatore Mitxelena ikastetxeak antolatuta. Egitarau “inklusibo, feminista eta jasangarri” bat prestatu dutela azpimarratu dute antolatzaileen. Aurten hiru gune izango ditu eta Ni, Hi, Hura… ikastola mundura! leloari jarraituz jarri diete izena bakoitzari. Ni gunea Malekoian egongo da eta kontzertuak izango dira bertan. Goizean Skasti, Pottors eta Klito eta Optika arituko dira, besteak beste, eta arratsaldean, berriz, Joseba Irazoki. Haur eta familientzat egokitutako Hi gunea ikastolan egongo da, eta Hura gunea Mollarrin. Sonakay, Ene Bada, Ane Guria, Mac Onak eta Bad Soundek kontzertuak eskainiko dituzte bertan. Gune guztietan egongo da jan-edana, eta baita kale animazioa ere, txaranga, batukada eta abarrekin.
EH Bilduk Zaldunborda merkataritza gunea gelditzeko konpromisoa hartu du

2019-10-04
Datorren asteazkenean, hilaren 9an, Gipuzkoako Batzar Nagusien Osoko Bilkuran. Horren arabera, hiru eskakizun helaraziko dizkie koalizioak diputazioko taldeei.
Urtebetez itxiko dute Donostiako San Martin kalea metroaren obrak direla eta

2019-10-04
Donostiako San Martin kalea urtebetez itxiko du udalak moetroaren obrengatik. Eneko Goiaren udalgobernuak atzo egin zuen publiko erabakia, ez zegoelako aurreikusia donostiako kale nagusienetako bat denaren itxiera.
Gipuzkoako erresidentzietako langileak: "Gehiago babestu gaitu Ken Loachek, Eneko Goiak edo Markel Olanok baino"

2019-10-04
7 eskari egin zituzte Donostiako zinemaldia ospatu zen astean, hiriko erdiguneko toki ezberdinetan Zaintzaldiaren karpa jartzeko. Udalak eskaera guztiak ukatu zituela azaldu dute, gune horietan zinemaldiko ekitaldiak burutuko zirela argudiatuta. Ondoren baina, erresidentzietako langileek 7 gune horietan ezer ospatu ez zela egiaztatu zuten, eta froga gisa egun bakoitzean argazkiak atera zituzten leku horietan.
Mas Paísek Solidariaren egitura erabiliko du Bizkaian, behar beste sinadura lortuz gero

2019-10-04
Solidaria alderdi politikoak ziurtatu du Más País alderdiarentzat egingo duela lan estatu mailako hauteskundeetan. Unai Ortuzar PSEko militantea izandakoak eta gaur egun Solidariako lehendakaria denak negoziaketaren eta akordioaren xehetasunak azaldu ditu. Aipatu du Más Páis alderdiaren ideologiatik "hurbil" daudela, eta alderdiko egitura lagatuko dietela. Adierazi dute 1.000 sinadura inguru behar dituztela Mas Paisen marka Bizkaian aurkeztu dadin; dagoeneko 500 bat dituztela adierazi dute.
Nafarroako sindikatuek Erripagainan jazotako azken lan istripua salatu dute

2019-10-04
Nafarroako sindikatuek Erripagainan jazotako azkeneko lan istripua salatzeko elkarretaratzea egin dute Parlamentuaren aurrean. Asteazkenean langile bat hil zen eraikuntza lanetan ari zela andamio batetik erori ondoren.
 
bannerra

bannerra