Skip to main content

Gurean Gaur

Udalerri eta Kontzejuen Federazioak tokiko erakundeentzako eskumenak eskatu ditu COVID19ari aurre egiteko

2020-05-15
Gaur batzartu dira Maria Txibite Nafarroako presidentea eta Federazioko bozeramaileak. Presidenteak azaldu du udalerri eta kontzejuak Nafarroaren berreskurapen sozial eta ekonomikoan "ardatz" izango direla.
Sindikatuek eskatu dute Batxilergoko ikasleen itzulera hurrengo ikasturtera atzeratu dezatela

2020-05-15
Nafarroako batxilergoko ikasleak eskoletara itzuliko direla iragarri duten egunean sindikatuek protesta egin dute eskolak heldu den ikasturtera atzeratu ditzaten. Parlamentuko batzordean, Carlos Jimeno hezkuntza kontseilariak azaldu du aurten soilik batxilergoko ikasleen itzulera aurreikusten duela eta USEa ekainaren 23tik 26ra deituko dutela.
Joxe Mari Aizega (Basque Culinary Center): “Lehenengo erronka bezeroen konfiantza berreskuratzea izango da”.

2020-05-14
Joxe Mari Aizega Basque Culinary Centerreko zuzendariak azaldu duenez, jatetxeak bezalaxe, gastronomia zientzen fakultatea bera ere itzultzeko prestaketa lanetan dago, ikasleak datorren urtera arte bueltatuko ez diren arren.
Berrogeialdian jarriko dituzte Iparraldera doazen Hegoaldeko herritarrak

2020-05-15
Muga igarotzen duten herritarrek 14 eguneko berrogeialdia egin beharko dutela iragarri dute Espainiako zein Frantziako gobenuek. Ostegun honetan iragarri du neurria Emmanuel Macronen exekutiboak, egun batzuk lehenago Pedro Sanchezen gobernuak ezarritako irizpideen ondotik. Ipar Euskal Herrian beharra egiten dutenek, ez dute berrogeialdirik egin beharko.
100 egun beteko dira larunbatean Sololuze eta Beltran desagertu zirenetik

2020-05-15
Maiatzaren 16an 100 egun beteko dira Verter Recycling zabortegia jausi eta, lur azpian Joaquin Beltran eta Alberto Sololuze langileak harrapatuta geratu zirenetik. Ehun egun "gure osasuna arriskuan jarri" eta "beste aldera begiratu zutenetik", adierazi dute Zaldibar Argitu plataformako kideek. Horregatik, elkarretaratzeak deitu dituzte larunbaterako Zaldibarren (13:30), Elgetan (19:00) eta Zallan (20:00). '100 egun. Aski da!' lelopean.
Harrapazank eszena programa azken fasean sartu da: hautatu dituzte bost finalistak

2020-05-14
Harrapazank eszena programa bere azken fasean sartu da eta epaimahaia osatzen duten bost coach-ek finalistak aukeratu dituzte dagoeneko. “IsIndaHouse” deitu diote aurtengo edizioari, hamabostgarrena, izan ere, parte-hartzaileek etxetik egindako lanak bidali dituzte, aurrez aurreko aurkezpenik gabe pandemiak hala behartuta. Ugaitz Alegria coach-aren ustez, horrek aukera gehiago eman die partehartzaile batzuei, beste batzuentzat zailago izan den arren. Hala ere, Bilboko gazteek sorkuntza maila altua erakutsi dute eta proposamen anitz jaso ditu epaimahaiak. Ugaitz Alegria coach-aren ustez, horrek aukera gehiago eman die partehartzaile batzuei, beste batzuentzat zailago izan den arren. Hala ere, Bilboko gazteek sorkuntza maila altua erakutsi dute eta proposamen anitz jaso ditu epaimahaiak.
 
bannerra